My thoughts shared with you

There are people who tell lies about me

They don’t remember when they said:

” We know you will always be there and help when we need it”

Hulda Bjornsdottir

1.maí 2021

Góðan daginn

Þetta eru hugleiðingar líklega fyrir útlagana frekar en þá sem búa á Íslandi.

Í gær var síðasti dagur mánaðarins og ég þurfti að borga gjöld og átti ekki inni á reikningi mínum í búsetulandinu og eitthvað þurfti ég að gera.

Þessir kostir voru í boði:

Sleppa því að borga og fá dráttarvexti og sekt.

Taka út af ísl. reikningi mínum í hraðbanka og vera enn í vandræðum því ekki er hægt að taka út meira en 400 evrur og mig vantaði rúmlega það

Nota millifærslu með WISE og fá peningana inn á reikninginn minn strax

Ég valdi síðasta kostinn.

Millifærði það sem ég þurfti nauðsynlega og aðeins ríflega þó til þess að geta borgað smáræði sem ég geri í hverjum mánuði en þarf að gera fyrir 3. hvers mánaðar.

Þetta var í fyrsta skipti sem ég notaði WISE en hafði heyrt um það og vinur minn mælti eindregið með því.  Ég fékk frábæra aðstoð þessa vinar við að finna út úr því hvernig ég ætti að bera mig að og hann taldi í mig kjark þegar ég var að renna út á tíma því bankinn hér var lengi að samþykkja færsluna.

Allt gekk þetta þó og ég brunaði upp í Cameru og var þar 3 mínútum EFTIR lokunartíma og lagðist næstum á hnén til þess að fá að borga og eins og venjulega eru vinir í raun alltaf til staðar og mér var hjálpað. Greiðslan komin í höfn og mannorðið enn í lagi.

Gengið sem notað er þegar svona millifærslur eru gerðar er VISA eða MASTERCARD gengi sem er auðvitað hærra en hið venjulega almenna gengi sem ég nota þegar ég millifæri á vanalegan máta.

Í morgun skoðaði ég málið aftur alvarlega því nú eru mánaðamót, allir bankar lokaðir á laugardegi en TR greiðslan komin inn á reikninginn á Íslandi og þeir peningar þurfa að ferðast til búsetulandsins míns.

Hvað var skynsamlegt að gera í stöðunni ?

Ég gat beðið þar til á mánudag og millifært á venjulegan hátt.

Ég gat notað WISE og millifært í dag, fyrir hádegi yrði greiðslan komin inn á reikninginn minn hér og málið afgreitt

Það sem ég velti fyrir mér var hið óstöðuga gengi krónunnar.

Möguleiki var að eftir helgina, á mánudegi væri almennt gengi orðið hið sama og það sem ég mundi nota í dag með WISE kreditkortagengi.

Ég ákvað að sjá hvernig þetta kæmi út á mánudaginn og er nú búin að skrá millifærslu í bankanum sem verður framkvæmd á opnunargengi bankans á mánudagsmorgun.

Það er SKO kominn svona takki í Íslandsbanka þar sem maður getur skráð fyrir fram millifærslur! Ofboðslega hagstætt en reyndar er ekki hægt að skrá svona færslur nema að maður eigi inni á reikningi fyrir færslunni. Þegar ég ræddi þetta við þjónustufulltrúa um daginn héldum við að þetta væri SKO þannig að ég gæti skráð færsluna fyrir fram, af því að ég veit hvað ég fæ í hverjum mánuði, og gefið fyrirmæli um hvenær hún yrði framkvæmd. Við héldum SKO í einfeldni okkar að þetta nýja fyrirkomulag væri eins og til dæmis með ógreidda reikninga eða framlög sem maður getur gefið fyrirmæli um hvenær skuli taka gildi !!!! Nei, ekki alveg svo einfalt með erlendar millifærslur ! Hvar er eiginlega framsýnin ?

Af hverju er ég að segja frá þessu?

Jú, mér finnst allt í lagi að fólk sjái hvernig hlutirnir geta gengið fyrir sig á eyrinni og hvernig hið óstöðuga gengi íslensku krónunnar getur gert okkur útlagana, og auðvitað fleiri, gráhærða á svipstundu, það er að segja ef við værum ekki orðin gráhærð þá þegar!

Ef krónan væri stöðug þyrfti ég ekki að velta fyrir mér hvernig ég færi til dæmis að því að borga skattana mína hérna á réttum tíma, upp á dag!

Ef krónan væri stöðug gæti ég gert áætlanir fyrir árið og lagt í sjóð til þess að borga það sem borga þarf ári eftir að tekjurnar eru greiddar.

Ef krónan væri stöðug væri ég ekki að velta fyrir mér ólíkum möguleikum á því að millifæra peninga frá Íslandi til búsetulandsins án þess að tapa enn meiru eða komast í vanskil sem er það versta sem ég gæti hugsað mér.

BARA EF KRÓNUFJANDINN GÆTI HALDIÐ SIG Á EINHVERJU STIGI OG VERIÐ ÞAR Í STAÐ ÞESS AÐ HOPPA EINS OG VITFIRINGUR FRAM OG TIL BAKA OG UPP OG NIÐUR.

Vertu ekki að kvarta, segir einhver núna.

Ef þér finnst ég vera að kvarta þá skaltu líta á verðlag á Íslandi og segja mér svo að ekkert hafi gerst í kjölfar æfinga krónunnar undanfarið

Sumir halda að það séu bara við sem höfum flúið vosbúð og hungur sem krónufíflið hefur áhrif á.

Sumir halda að það væri best fyrir okkur að hætta að kvarta og snúa til baka.

Já, sumir eru ágætir og mega hafa sínar skoðanir en þetta er MÍN  skoðun og ég ætla mér að halda fast í hana fram í rauðan dauðann.

GENGIÐ ER ÖRLAGAVALDUR og því er stjórnað af mönnum sem er skítsama um hungraða Íslendinga hvar svo sem þeir búa.

Hulda Björnsdóttir

30.04.2021

I just wanted to think about this time of the year and how beautiful everything is when the earth wakes up from the winter.

In my little land the naked trees are not naked anymore. Now they are almost all covered with green leaves and everything is beautiful and the big ones make shades for you when the sun is shining too much.

The vineyards are changing. They ugly ones are becoming beautiful. The leaves and the flowers are there.

It has been raining a lot and everything is fresh.

At my balcony the cactuses are blooming, yes they are blooming now. This morning I saw one with a big yellow flower on top. I love this time of the year.

Being in love makes life different. It makes it more colourful, more exciting and more vulnerable.

Is it worth it?

Is it frightening?

Does love make you more or less?

I think love makes you more! It makes you think about beauty and happiness. It makes you look different at people! It makes you smile more! It makes you think about someone else! It makes you want to please someone else and make the one you love happier than before!

Love is beautiful when it is at its best but it can turn ugly if it is misused.

Saying “I love you” does not mean a lot if the actions don´t show affection and respect.

People often use “I love you” to gain control. They even use it to make you less.

True love is about making the one you love MORE. It is about showing affection and caring. It is about everything that is beautiful.

When I look at the clouds now, they are white and big like bears slowly moving around the blue sky. Just looking at them makes me happy.

I do love my life. I am grateful for my life every day and I don´t take it for granted.

I don´t take love for granted. I appreciate it and I nourish it and that makes it bloom.

Love for another person, love for the nature, love for the flowers, love for the friends, love for the rain, love for the health, love for food on the table, all this and much more makes me feel love and it also makes me feel being loved.

Hulda Bjornsdottir

30.04.2021

Núna þegar farið er að styttast í kosningar á Íslandi vakna ýmsar spurninga og fátt um svör.

Hvað er eiginlega að fólki sem ætlar að kjósa sömu ríkisstjórn aftur með BB þá væntanlega aftur í forsætisráðuneyti?

Hvað þrælslund er þetta eiginlega?

Ég hef mínar hugmyndir um hvað er að, og sú sem efst trónir er að smáu framboðin hjálpi sjallaliðinu eins og venjulega.

Gerir fólk sér ekki grein fyrir því að smáframboð eiga ekki möguleika á að komast í ríkisstjórn?

Getur fólk ekki litið til fortíðar, bara síðustu kosninga til dæmis, og séð hvernig litlu framboðin sem þá voru komu engu að og að t.d. FF er nú í andaslitrunum og ég sé ekki að þau hafi komið átakanlega miklu í gegn þessi síðustu 4 ár.

Ég held því fram og hef alltaf haldið því fram að valdagræðgi ráði þessum smáflokkum.

Það er svo flott að vera í forsvari og enn flottara að geta fengið sæmilega laun við að búa til reglur sem ráðuneytin móta að mestu leyti.

Vonin um að búa til reglur fýkur auðvitað út um gluggann jafnóðum því litlu kóngarnir komast ekkert áfram, nema þá helst að arga úr ræðustól Alþingis og skemmta skrattanum þar.

Mér kemur þetta auðvitað ekkert við þar sem ég nenni ekki að garfa í því að komast aftur inn á kjörskrá á landinu sem ég hef yfirgefið fyrir fullt og allt.

eða hvað?

Jú það kemur mér við hvernig málum er stjórnað á Íslandi af því að ég vann mér inn réttindi til eftirlauna þar með því að starfa í meira en 40 ár á vinnumarkaði landsins og borgar skatta og safna í lífeyrisjsóð.

Já, en þú kýst ekki!Nei, ég geri það ekki, ég sé ekki að mitt atkvæði breyti neinu. Þeir ágætu kjósendur sjallamafíunnar og smáflokka traðakið sjá um að mitt atkvæði dytti dautt og einskis virði hvernig svo sem ég hamast við staurinn.

Ein af þeim spurningum sem vöknuðu hjá mér í morgun, að gefnu tilefni, var hvort fólk almennt, venjulegt fólk í efri lögum þjóðarinnar, fatti hvað það er ferlega dýrt að vera fátækur á landi eins og Íslandi.

Fattar til dæmis BB hvernig það er að vera svo fátækur að maður á ekki fyrir mat á diskinn í marga daga í hverjum einasta mánuði?

Fattar Kata hvernig ræða hennar úr stól þingsins árið 2017 vakti vonir hjá fólki sem á ekki til hnífs og skeiðar þegar hún sagði að þetta fólk gæti ekki beðið?

Fattar frúin að það er ekki nóg að geifla sig í sjónvarpi og skæla andlitið upp á við þegar þeir sem ekki gátu beðið hafa beðið í mörg ár eftir því að hún GERÐI EITTHVAÐ Í MÁLINU?

Að vera fátækur þýðir að það er ekki hægt að spara.

Það er ekki hægt að spara í innkaupum með því að kaupa inn á hagstæðara verði stærri pakkningar.

Það er ekki hægt að kaupa hollasta matinn því oftast er hinn allra óhollasti og oft ógeðslegasti maturinn það sem hinn fátæki hefur efni á.

Þetta eru bara 2 dæmi um hvernig ekki er hægt að vera fátækur og lifa heilsusamlegu lífi og með því spara til dæmis læknisþjónustu.

Það er svo skemmtilegt að hugsa til þess að ríkið gæti hugsanlega sparað stórar fjárhæðir í heilsugæslu ef vel væri búið að öllum þegnum þjóðfélagsins en ekki bara makað undir hina ríkustu.

Nei nú á að spara í heilsugæslu með því að lækka laun þeirra sem vinna á heimilum fyrir þá sem eru veikir eða kannski svo ósvífnir að vera gamlir!

Hvað er að svona þjóðfélagi?

Hvaða bananlíðveldi er þetta land?

Vinkona mín segir oft að FÓLK SÉ FÍFL, og ég er eiginlega sammála henni varðandi þá sem láta þrælsóttann, græðgina og eiginhagsmunapot ráða því hvernig þjóðfélag Ísland er orðið.

Land sem gæti búið vel að öllum þegnum, hvaðan svo sem þeir kæmu, fer fremst í flokki spillingar og ógeðs og aftur verður sama sukkið við stjórnvölinn eftir haustið!

Er þetta ekki dásamlegt?

Ég skil hvorki upp né niður í þessu öllu saman en mikið verð ég reið þegar ég sé yfirlýsingar frá ráðherrum þar sem þeir tala um hvað allir hafi það ofboðslega gott á landi græðginnar og eiginhagsmunapots fárra á kostnað hinna fátækustu!

Hulda Björnsdóttir

Borga þingmenn 25% í skatt af tekjum sínum? Þessu var haldið fram og mig langar til að fá svör frá einhverjum sem veit!

26.04.2021

Ef ég skoða laun almenns þingmanns þá gæti þetta verið útkoman:

Skattskylda

Að frátöldu þingfararkaupi og starfskostnaði eru allar greiðslur til þingmanna fyrir kostnaði sem hlýst af þingsetu undanskildar tekjuskatti. Ef útgjöld, sem tengjast starfskostnaði, eru studd reikningum koma þau til lækkunar á skattstofni.

Inga Sæland

Laun (þingfararkaup)      1.210.368 kr.

Formaður stjórnmálaflokks sem ekki er ráðherra 605.184 kr.

Samtals launagreiðslur   1.815.552 kr.

Fastar mánaðarlegar kostnaðargreiðslur

Fastur ferðakostnaður í kjördæmi             30.000 kr.

Fastur starfskostnaður  40.000 kr.

Ég tók Ingu sem dæmi af því að hún er formaður stjórnmálaflokks og ekki ráðherra en fyrir það fær hún hærri laun.

Hinn almenni þingmaður

Þingfararkaup er 1.210.368 á mánuði sýnist mér, Fastur starfskostnaður er 30 – 40 þúsund á mánuði hjá þeim sem ég skoðaði. Einhverjir eru með hærri upphæðir.

Þegar venjulegur þingmaður með tekjur (þingfararkaup) 1.210.368 plús 70.000 er búinn að greiða staðgreiðslu sýnist mér hann borga í skatta 437.365 og eftir eru þá krónur 843.003

Það gleymist oft í umræðunni þegar talað er um há laun að þeir sem eru hærra launaðir borga líka hærri skatta !

Hulda Björnsdóttir

26. apríl 2021

Eru þingmenn almennt með 3 til 4 milljónir í tekjur á mánuði?

Áður en þið svarið því játandi væri vel þess virði að ómaka sig og skoða vef Alþingis og laun þingmanna. Þar er hægt að sjá ALLAR greiðslur, bæði föst laun og hlunnindi og meira að segja nokkur ár aftur í tímann.

Færlsla mín í gær fær viðtökur að flestir commentarar sem eru reyndar ekki margir, segja að launin séu 3 til 4 milljónir á mánuði.

Það er fínt að skella fram fullyrðingu og standa svo eins og krakki þegar beðið er um rökstuðning með sundurliðuðum tölum, og arga VÍST, VÍST, VÍST !

Ég skoðaði málið í gær.

Niðurstaðan er að fullyrðingin um 3-4 milljónir er röng.

Það getur verið að einhverjir séu með þessa upphæð, til dæmis get ég ekki fullyrt að laun ráðherra séu ekki slík.

Kannski vill einhver þingmaður leiða okkur í sannleikann. Hvernig væri til dæmis að FF segði okkur hver laun þeirra þingmanna og hlunnindi eru á mánuði og ágætt væri að með fylgdi fyrir og eftir skatta.

Ég geri mér grein fyrir því að laun þingmanna gætu verið lægri.

Ég geri mér líka grein fyrir því að mörgum finnst þingmenn ekki standa sig í stykkinu og ég get verið sammála um marga þeirra en þó eru nokkrir sem mér finnst vinna vel og sinna starfinu. Skussarnir eru þó fleiri og gleðilegt að sjá þegar sumum sem hafa staðið sig með eindæmum illa er hafnað í forvali en jafn sorglegt að sjá þá sem vel hafa staðið sig vera úti í kuldanum.

Ég er að tala um laun þingmanna núna og ætla að halda mig við það.

Þeir sem hlupu upp og sögðu já við spurningunni hafa sest í múgæsinguna og sitja þar án þess að skoða málið.

Þeir sem vita betur nenna líklega varla að blanda sér í umræðuna.

Kjósendur ganga að kjörborði í haust og geta haft áhrif ef þeir vilja. Til þess að geta tekið skynsamlega ákvörðun í klefanum er líka nauðsynlegt að kynna sér mál en ekki arga með æsingarupphrópunum.

Það er hárrétt að kjör öryrkja og eldri borgara eru til háborinnar skammar.

Leiðin er ekki að ljúga upp á þingmenn launum. Leiðin er að berjast fyrir því að kjör öryrkja og eldri borgara séu bætt!

Kannski ætti skríbentinn sem ég vitnaði í varðandi laun þingmanna, að setjast niður og segja okkur í fullri alvöru hvað tekjur öryrkja og eldri borgara ÞURFA að vera á mánuði svo hægt sé að lifa lífi sem sæmir manneskju en ekki að draga fram lífið í hungri og oft vosbúð þegar aldur færist yfir fólk eða það missir heilsuna.

Hvaða tillögur hefur skríbentinn á takteinum? Ég bíð spennt.

Ég einfaldlega orðin hundþreytt á upphrópunum VÍST ER ÞETTA SVONA án þess að komið sé með sundurliðun og rökstuðning.

Hulda Björnsdóttir

25.April 2021

Vegna fullyrðingar um laun þingmanna set ég hér inn athugun á málinu og upplýsingar fengnar af vef Alþingis.

Fullyrðingin sem ég er að reyna að finna út hvernig er rökstudd var þessi:

ÖRYRKI FÆR 2,5 – 3,0 MILLJÓNIR KRÓNA FRÁ ÍSL. RÍKINU Á ÁRI!

ALÞINGISMENN OG RÁÐHERRAR ERU MEÐ UM 3-4 MILLJÓNIR Á MÁNUÐI Í LAUN!

Það er ekki okkur til framdráttar sem erum að berjast fyrir bættum kjörum eldri borgara og öryrkja að fullyrðingar séu ekki réttar.

Ég er ekkert endilega að segja að Valgeir Matthías Pálson fari með rangt mál, ég er einfaldlega að fara fram á að hann sýni mér hvernig þessar tölur hans eru byggðar upp !

Hann hefur ekki svarað mér enn og ég hlakka til að heyra frá honum. Hann getur til dæmis látið comment hér fyrir neðan þar sem ég mun deila blogginu á Facebook, en þaðan er fullyrðing hans komin.

HÉR ER ÞAÐ SEM ÉG AFRITAÐI AF VEF ALÞINGIS INNAN GÆSALAPPA

“Laun og kostnaðargreiðslur þingmanna

Á þessari vefsíðu eru birtar upplýsingar um laun þingmanna og kostnaðargreiðslur til þeirra. Hægt er að skoða fyrir hvern þingmann m.a. hver laun hans eru (þ.m.t. álagsgreiðslur), hverjar eru fastar kostnaðargreiðslur til hans (t.d. húsnæðis- og dvalarkostnaður) og hvað hann hefur fengið endurgreitt fyrir útlagðan kostnað (t.d. ferðakostnaður innanlands).

Nöfn þingmanna eru birt í stafrófsröð. Þegar smellt er á nafn þingmanns birtast upplýsingar um hann. Þar er hægt að smella á einstaka kostnaðarþætti, t.d. húsnæðis- og dvalarkostnað, og fá upplýsingar um hvað felst í þeim kostnaðargreiðslum.

Venjulegur þingmaður eða þannig hefur í laun þingfararkaup og lítið annað samkv. þessu yfirliti.

Albertína Friðbjörg Elíasdóttir

Laun (þingfararkaup)      1.210.368 kr.

Fastar mánaðarlegar kostnaðargreiðslur

Húsnæðis- og dvalarkostnaðargreiðsla    134.041 kr.

Álag á húsnæðis- og dvalarkostnaðargreiðslu       53.616 kr.

Fastur ferðakostnaður í kjördæmi             30.000 kr.

Fastur starfskostnaður  40.000 kr.

Fastar mánaðarlegar launagreiðslur Brynjar Nielsen

Laun (þingfararkaup)      1.210.368 kr.

Álagsgreiðsla sem varaforseti Alþingis     181.555 kr.

Álagsgreiðsla sem 2. varaformaður nefndar          60.518 kr.

Samtals launagreiðslur   1.452.441 kr.

Fastar mánaðarlegar kostnaðargreiðslur

Fastur ferðakostnaður í kjördæmi             30.000 kr.

Fastur starfskostnaður  40.000 kr.

Fastar mánaðarlegar launagreiðslur Inga Sæland

Laun (þingfararkaup)      1.210.368 kr.

Formaður stjórnmálaflokks sem ekki er ráðherra 605.184 kr.

Samtals launagreiðslur   1.815.552 kr.

Fastar mánaðarlegar kostnaðargreiðslur

Fastur ferðakostnaður í kjördæmi             30.000 kr.

Fastur starfskostnaður  40.000 kr.

Bjarni Benediktsson  (Allar aðrar greiðslur eru greiddar af ráðuneyti viðkomandi ráðherra og koma ekki fram hér á vef Alþingis

Fastar mánaðarlegar launagreiðslur

Laun (ráðherra- og þingfararkaup)            2.007.333 kr.

Fastar mánaðarlegar kostnaðargreiðslur

Fastur starfskostnaður  40.000 kr.

Steingrímur J. Sigfússon

Fastar mánaðarlegar launagreiðslur

Laun forseta Alþingis      2.007.333 kr.

Fastar mánaðarlegar kostnaðargreiðslur

Húsnæðis- og dvalarkostnaðargreiðsla    134.041 kr.

Fastur starfskostnaður  40.000 kr.”

Eftir því sem ég best fæ séð eru þingmenn almennt EKKI með 3 til 4 milljónir á mánuði en það getur svo sem vel verið að mér sé að förlast og ég komi ekki auga á eitthvað sem aðrir sjá.

Ef ég hef misst af einhverju þá endilega bætið úr vanþekkingunni því ekki vil ég gera þingmenn illa launaða, eða verr launaða en þeir eru í raun og veru.

Ég veit að það eru einhverjar aukagreiðslur sem þeir fá en hvort þær nemi milljón eða meiru á mánuði get ég ekki séð.

Hér að neðan eru svo reglur um greiðslur til þingmanna afritaðar af vef Alþingis ef einhver nennir ekki að fletta upp á vef þingsins:

“Þingfararkaup og þingfarar­kostnaður alþingismanna

Kveðið er á um laun og önnur kjör alþingis­manna í lögum um þingfararkaup alþingis­manna og þingfarar­kostnað, nr. 88/1995, með síðari breytingum. Samkvæmt 15. grein laganna skal þingfararkaup taka breytingum 1. júlí ár hvert. Hagstofa Íslands reiknar og birtir fyrir 1. júní hlutfallslega breytingu á meðaltali reglulegra launa starfsmanna ríkisins fyrir næstliðið almanaksár. Við launaafgreiðslu fyrir júlí uppfærir Fjársýsla ríkisins krónutölufjárhæð til samræmis við tölur Hagstofunnar.

Forsætisnefnd Alþingis ákveður aðrar greiðslur samkvæmt lögum þessum og setur nánari reglur um þær.

Ferðakostnaður innan lands

Auk fastrar greiðslu fyrir ferðakostnað í kjördæmi eiga þingmenn rétt á að fá endurgreiddan ferðakostnað milli heimilis og Alþingis á eigin bifreið, bílaleigubíl, eða með almenningsfarartækjum. Sérstakt ákvæði er um þingmenn sem búa utan Reykjavíkur og aka daglega til og frá vinnustað. Samanber reglur um þingfararkostnað og vinnureglur um ferðakostnað innanlands.

Húsnæðis- og dvalarkostnaður

Þingmaður fyrir kjördæmi utan Reykjavíkur­kjördæma suður og norður og Suðvestur­kjördæmis fær fasta upphæð mánaðarlega til að standa undir húsnæðis- og dvalarkostnaði í Reykjavík. Búi hann í Reykjavík eða nágrenni er fjárhæðin ætluð til að standa undir sams konar kostnaði í kjördæmi. Þá getur þingmaður, sem þarf að halda tvö heimili, sótt um 40% álag. Reglur um álagið er að finna í reglum um þingfarar­kostnað, sbr. 3. mgr. 2. gr. Sérreglur eru um greiðslur til þingmanna er búa utan Reykjavíkur­kjördæma- suður og norður og Suðvestur­kjördæmis og aka daglega milli Alþingis og heimilis, sbr. 3. mgr. 4. gr. reglna um þingfarar­kostnað.

Símakostnaður

Samkvæmt 9. gr. laga um þingfararkaup á alþingismaður rétt á að fá endur­greiddan símakostnað sem tengist þingstörfum hans.

Þingmaður getur fengið endurgreiddan kostnað við kaup á GSM-síma, allt að 80 þús. kr.

Ferðakostnaður erlendis

Almenna reglan er að ferðakostnaður er greiddur í samræmi við reglur um greiðslu ferðakostnaðar á vegum ríkisins sem ferða­kostnaðar­nefnd gefur út og birtar eru opinberlega. Alþingismenn eiga þó rétt á að fá greiddan gistikostnað (hótelherbergi) og 50% fullra dagpeninga til viðbótar. Þá er tekin staðgreiðsla skatta af hluta greiðslunnar samkvæmt ákvörðun ríkisskattstjóra.

Þingmaður skal greiða ferðir til og frá flugvöllum heima og erlendis af dagpeningum. Starfsfólk fjármálaskrifstofu gerir ferðareikning í lok ferðar.

Starfskostnaður

Samkvæmt 9. gr. laga um þingfararkaup eiga alþingismenn rétt á að fá endurgreiddan kostnað sem hlýst af starfi þeirra. Hámark slíkrar greiðslu er nú 480.000 kr. á ári.

Í 8. gr. reglna um þingfararkostnað eru nánari upplýsingar um starfskostnað og hvað fellur þar undir.

Fundir, ráðstefnur, námskeið o.fl. á eigin vegum

Þingmaður getur sótt fundi, ráðstefnur, námskeið o.fl. án þess að slíkt sé beinlínis á vegum Alþingis. Starfskostnaði er m.a. ætlað að standa undir slíkum útgjöldum.”

Ég vona að þetta sé aðgengilegt fyrir einhverja en bendi enn og aftur á að ALLAR upplýsingar um kjör almennra þingmanna er hægt að finna á vef Alþingis en ráðherrakjörin eru að því er mér sýnist leyndarmál af því að sérgreiðslur eru greiddar af viðkomandi ráðuneyti.

Kannski er hægt að finna greiðslur frá ráðuneytum en ég nenni ekki að leita að þeim.

Hulda Björnsdóttir

25. apríl 2021

Ég sá samanburð á launum þingmanna á mánuði og greiðslum til öryrkja.

Talað var um að þingmenn hefðu á mánuði það sem öryrkjar hefðu á ári.

Það er auðvelt að fara inn á vef Alþingis og sjá þar hver laun þingmanna, hvers og eins, eru og bera þau saman við það sem greitt er frá TR áður en skurðarhnífur stofnunarinnar tekur til hendinni.

Ég ákvað að afrita reikning frá reiknivél apparatsins og birti það hér fyrir neðan. Þar getið þið séð hvernig búið er að öryrkjum og eldri borgurum og það sem ég verð alltaf jafn undrandi yfir þegar ég skoða þetta er að öryrkinn lækkar, já ég sé ekki betur en hann lækki, þegar hann fer á eftirlaun.

Ég hvet ykkur til þess að fara inn á vef TR og skoða þar allt mögulegt sem þar er gefið upp. Hægt er að gefa sér ýmsar forsendur við útreikning, til dæmis hvort fólk býr eitt eða ekki og í þessum dæmum mínum býr fólkið eitt og hefur ekki aðrar tekjur.

Hugsanlega má skoða hvernig tekjur frá lífeyrissjóði breyta upphæðinni.

Áhugavert er líka að sjá skattprósentu vegna fjármagnstekna.

Svo er hægt að hugsa sér að setja einstaklinginn inn sem flytur til lands þar sem hann borgar ekki skatta af eftirlaunum, eða mjög litla skatta og sjá hvernig sá kemur út og spyrja sig hvar réttlætið sé !

Hvers vegna lætur íslenska ríkið suma komast upp með að borga enga skatta eða mjög litla en þrælpínir svo aðrar í nákvæmlega sömu stöðu?

Réttlætið er óskiljanlegt oft á tíðum.

Hér kemur svo afritið af vef TR:

“ORORKULÍFEYRIR 2021

Greiðslur frá Tryggingastofnun   á mánuði             á ári

Örorkulífeyrir     49.840   598.080

Aldurstengd örorkuuppbót          47.348   568.176

Tekjutrygging    159.604                 1.915.248

Heimilisuppbót 53.948   647.376

Orlofs- og desemberuppbætur  0              106.776

Framfærsluuppbót          54.172   650.064

Samtals:               364.912                 4.485.720

Frádreginn skattur (1. og 2. skattþrep)    115.798                 1.389.576

Persónuafsl. (nýting skattkorts 100%)      50.792   609.504

Samtals frá TR eftir skatt:              299.906                 3.598.872

Tekjur frá öðrum              á mánuði             á ári

Tekjur af atvinnu              0              0

Greiðslur frá lífeyrissjóðum         0              0

Greiðslur úr séreignarsjóðum     0              0

Aðrar tekjur       0              0

Skattskyldar bætur sveitarfélaga               0              0

Frádregin iðgjöld í lífeyrissjóði    0              0

Samtals:               0              0

Samtals:               0              0

Persónuafsl. (nýting skattkorts 0%)          0              0

Samtals frá öðrum eftir skatt:     0              0

Fjármagnstekjur               á mánuði             á ári

Fjármagnstekjur               0              0

Frádreginn fjármagnstekjuskattur 22%   0              0

Samtals fjármagnstekjur eftir skatt:          0              0

Tekjur samtals   á mánuði             á ári

Greiðslur frá Tryggingastofnun   364.912                 4.485.720

Tekjur frá öðrum              0              0

Fjármagnstekjur               0              0

Tekjur samtals:  364.912                 4.485.720

Frádregin staðgreiðsla    65.006   780.072

Frádreginn fjármagnstekjuskattur            0              0

Afborganir krafna hjá TR:              0              0

Samtals ráðstöfunartekjur eftir skatt:      299.906

ELLILÍFEYRIR 2021

Greiðslur frá Tryggingastofnun   á mánuði             á ári

Ellilífeyrir              266.033                 3.192.396

Heimilisuppbót 67.225   806.700

Orlofs- og desemberuppbætur  0              100.315

Samtals:               333.258                 4.099.411

Frádreginn skattur (1. skattþrep)              104.810                 1.257.720

Persónuafsl. (nýting skattkorts 100%)      50.792   609.504

Samtals frá TR eftir skatt:              279.240                 3.350.880

Tekjur frá öðrum              á mánuði             á ári

Tekjur af atvinnu              0              0

Greiðslur frá lífeyrissjóðum         0              0

Greiðslur úr séreignarsjóðum     0              0

Aðrar tekjur       0              0

Skattskyldar bætur sveitarfélaga               0              0

Frádregin iðgjöld í lífeyrissjóði    0              0

Samtals:               0              0

Samtals:               0              0

Persónuafsl. (nýting skattkorts 0%)          0              0

Samtals frá öðrum eftir skatt:     0              0

Fjármagnstekjur               á mánuði             á ári

Fjármagnstekjur               0              0

Frádreginn fjármagnstekjuskattur 22%   0              0

Samtals fjármagnstekjur eftir skatt:          0              0

Tekjur samtals   á mánuði             á ári

Greiðslur frá Tryggingastofnun   333.258                 4.099.411

Tekjur frá öðrum              0              0

Fjármagnstekjur               0              0

Tekjur samtals:  333.258                 4.099.411

Frádregin staðgreiðsla    54.018   648.216

Frádreginn fjármagnstekjuskattur            0              0

Afborganir krafna hjá TR:              0              0

Samtals ráðstöfunartekjur eftir skatt:      279.240                 3.350.880 “

Hulda Björnsdóttir

23. apríl 2021

Nú er ég búin að skila inn skattskýrslunni hér í Portúgal og hef fengið að vita hvað ég á að borga í skatt fyrir árið 2020 hér í litla landinu mínu.

Endurskoðandinn fékk áfall þegar hún sá að tekjurnar höfðu lækkað um nokkur þúsund evrur frá því að síðasta skýrsla var gerð.

Fólk hér skilur ekki ruglið í íslenska kerfinu og hvernig gengið getur rokkað eins og brjálæðingur fram og til baka.

Íslenskur spekingur spurði mig hvað launin hefðu hækkað núna, þegar ég var að tala um hvað ég hefði lækkað mikið að meðaltali yfir árið í fyrra.Svona spekingar eru dásamlegir.

Ég er auðvitað svo heimsk að ég hefði haldið að til þess að ég hækki þyrfti ég fyrst að komast niður á núll í lækkunum !!!!!

Ég nenni ekki að tuða við svona menn sem vita allt og þeir geta bara verið í sínu horni fyrir mér.

Ég er þreytt á endalausri baráttu vegna einhvers óskapnaðar sem heitir íslenskt gengi á krónu sem er fyrir hina vellauðugu og stjórnað í takt við geðþótta þeirra.

Nú rís einhver spekingurinn upp og tekur mig í kennslustund en ég er hætt að hlusta að kennarana sem halda að gengi hafi ekkert að gera með verðlag á Íslandi og þetta séu bara nokkrir útlagar sem eru að rífa kjaft.

Guð hjálpi greyjunum.

Næst þegar ég verð spurð hvaðan ég sé er alveg öruggt að ég segist ekki vera frá Íslandi.

Ég hef ekki verið á landinu í fjölda ára og mun ALDREI stíga fæti þangað. Líklega hætti ég fljótlega að skrifa stafkrók á íslensku og sný mér að notkun annara mála sem ég kann og get hæglega notað.

Ég á nokkra góða íslenska vini og svo einkennilega vill til að flestir þeirra búa erlelndis en þó eru örfáir á Íslandi sem mér þykir afskaplega vænt um og hafa verið vinir mínir lengi.

Mesta gæfuspor í ævinni minni var þegar ég flutti frá Íslandi og sagði skilið við allt sem þar er en svo sit ég uppi með að vera undir hælnum á kerfi sem greiðir mér eftirlaun vegna þess að ég starfaði á landinu í 40 ár eða meira og borgaði í hítina sem svo átti að sjá um mig þegar ég hætti að vinna.

Hítin brást auðvitað og ég vissi það löngu áður en ég fór að ég mundi aldrei skrimmta af þeim tekjum sem mér væru skammtaðar eftir sparnað í lífeyrissjóð og greiðslu skatta.

Mér er nokk sama um alla þá sem móðgast þegar þeir lesa þetta. Alvöru vinir mínir munu ekki móðgast. Þeir vita hverjir þeir eru og skilja mig.

Ég er grautfúl yfir því hvernig farið er með réttindi mín eftir að ég varð gömul samkvæmt skilgreiningu kerfis sem hefur fyrirlitið fátækt, örorku og eldri borgara eins lengi og ég man eftir mér.

Ég fæddist á Íslandi en það er það eina sem gerir mig að Íslendingi og mér þykir ekki vænt um landið. Mér finnst það að sumu leyti fallegt en hef séð mörg mun fallegri lönd á ævinni og bý í einu sem er ómældur fjársjóður af fegurð.

Mér hefur verið tekið opnum örmum hér í litla landinu mínu en á Íslandi var ég ætíð “the outcast” allt frá fæðingu.

Systir min var svo elskuleg að segja mér þegar ég hringdi í hana til þess að kveðja, að allir hefðu hatað mig. Það kom svo sem ekki sérlega á óvart að sumu leyti og hafði ég fengið að finna fyrir óvildinni alla mína tíð en það særði vissulega að fá sannleikann beint í æð.

Ég er Portúgali og hér á ég heima. Landar mínir hér, allir sem einn, hafa reynst mér eins og stór fjölskylda.

Mér þykir óendanlega vænt um litla landið mitt og litla þorpið mitt. Hér er fegurð í hverju horni og menningin er einlægari en í mörgum öðrum löndum. Ég er þakklát fyrir að geta hjálpað til við að halda uppi þjóðfélagi sem tók mér opnum örmum og það geri ég með því að greiða skatta hér eins og vera ber.

Það er ekkert öðruvísi hér en annars staðar í heiminum að samfélag er rekið fyrir skattpeninga þegnanna. Sumir af hinum herlega stofni hæla sér af því að borga ekki til samfélagsins og halda að eyðsla þeirra sé himnasending til fátæks þjóðfélags. Þetta lið notar heilsugæslu, vegi, opinbera þjónustu og greiðir ekki krónu fyrir og kann ekki að skammast sín.

Íslenska ríkið lætur þetta lið komast upp með plottið og lokar augunum á meðan aðrir þurfa að borga skatta af sínum eftirlaunum. Þetta lið kann ekki að skammast sín og ég læt það alveg vera að finna til stolts yfir því að hafa fæðst á sama landi í upphafi. Alltaf bestir í öllu hvort sem það er gott eða slæmt!

Hulda Björnsdóttir

24. apríl 2021

Ég skrifaði í gær um hvernig gengið hefur étið launin mín upp og hvað þau hafa lækkað frá því árið 2019. Þetta kemur skýrt fram þegar ég geri skattskýrslu hér í Portúgal og reikna hvern mánuð yfir í evrur.

Vinur minn Ólafur Jónsson – Olafur Jonson – á Facebook hefur verið ötull við að benda á hvernig gengið er að gjaldfella tekjur okkar sem erum komin á eftirlaun og hvernig útgerðarmafían situr í fyrsta sæti hjá ríkisstjórninni og auðvaldið étur upp það sem við ættum að njóta á síðasta æviskeiði.

Ég skrifaði comment á færslu Ólafs í gær og fékk svar frá einni ágætri frú!

Mitt comment var svona:

“Árið 2020 lækka laun mín um 45.794 á mánuði að meðaltali vegna gengis krónunnar549.538 yfir allt áriðMánaðarlaun í ísl krónum um 360 þúsund“

Svarið frá frúnni var svona:

“ekki fæ eg 360 yrði himinsæl með þau laun”
sagði konan!
Eftir 35 prósent skatt væri hún jafn sæl?
Öfund er stundum einkennilegt fyrirbæri

360.000 mínus 126.000=234.000
Frú Ólöf Friðfinnsdóttir værir þú alsæl með 234.000?
ÖFUND !!!!  “

Ég svaraði frúnni og spurði hana hvort hún væri alsæl eftir 35% skatt og hef ekki enn fengið svar.

Það er oftar en ekki þegar fólk les eitthvað að það tekur eftir því sem það telur mikilvægast á eigin skinni og sér ekki heildarmyndina.

Þegar verið er að tala um að laun eða annað hafi lækkað um þetta og þetta mikið er ólíklegt að það séu nettó tölur. Hvenær talar BB og co um nettó tölur þegar hann er að hæla sér og sínum stjórnarherrum af hinni ofboðslega miklu baráttu og velgengni í því að bæta kjör eldri borgara og öryrkja? BB talar um brúttó tölur. TR talar um brúttó tölur þegar þau birta hve mikið við sem fáum greitt frá TR höfum fengið per mánuð og eru þá notaðar heildartölur sem renna á milljónum á milljónir ofan. Það væri sannleikur ef skattar væru dregnir frá summunni en það lítur ekki eins vel út fyrir ráðamenn og TR.

Frúin sem öfundar mig af 360 þúsund krónunum skilur auðvitað ekki að þegar búið er að taka 126 þúsund af í skatt þá er ég með 234 þúsund í vasanum, og hún má ef hún vill, vera full af öfund vegna þeirrar upphæðar. Mér kemur ekkert við hvað frúin fær í sinn vasa en svona athugasemdir eru áhugaverðar.

Öfundarseggirnir eins og frúin ágæta, eru dragbítar á baráttu okkar sem erum að reyna að halda úti sannleikanum.

Öfundin hugsar ekki, hún er bara öfundsjúk og vill hafa það jafn gott og sá sem hún heldur að hafi það örlítið betra en hún.

Fólk eins og frúin sem öfundar mig af 234 þúsund mánaðalaunum eftir skatt er ein af þeim sem EKKI hjálpar til þegar leitað er eftir stuðningi við baráttu gegn óréttlæti þjófnaðar ríkisins af sparnaði okkar í lífeyrissjóði alla okkar starfsæfi.

Það er fullt af svona öfundsýki.

Það er fullt af fólki sem heldur að svona athugasemdir séu til þess að breyta einhverju.

Það er fullt af fólki sem nennir ekki að rísa upp úr sófanum og mæta á mótmæli á Austurvelli.

Það er fullt af fólki sem helgar líf sitt því að benda á hvað aðrir hafi það ofboðslega gott í sömu stöðu að það lið er!

Ólafur vinur minn kallar eftir hjálp. Hann kallar eftir því að við tökum höndum saman og mótmælum hinu gengdarlausa óréttlæti hvernig farið er með gengi íslensku krónunnar og henni handstýrt til þess að mafían geti grætt meira. Frúin sem setti öfundar commentið er ekki líkleg til þess að hjálpa Ólafi vini mínum og okkur hinum sem rembumst eins og rjúpan við staurinn í baráttu sem virðist vonlaus í gjörspilltu umhverfi.

Það koma kosningar í haust og þá fara öfundarseggir á kjörstað og kjósa líklega RÉTT, hvað svo sem það er.

Þangað til verðum við hin að halda í vonina og biðja líklega til æðri máttarvalda að brúttótölur BB og co verði ekki leiðarvísir í kjörkassanum.

Ég benti í gær á hvernig gengið hefur étið upp hækkun sem kom á greiðslur mínar í upphafi árs 2020. Smáaurarnir sem TR hækkaði og Lífeyrissjóður hækkaði um áramótin hafa gengið margfalt til baka vegna ástands hinnar hræðilegu íslensku krónu! Gjörsamlega óþolandi en látið viðgangast mánuð eftir mánuð og ár eftir ár. Spillingin er algjör. Gengi krónunnar er handstýrt og það er líklega meðal mestu rányrkju Íslands sögunnar.

Öfundin blómstrar og heldur spillingunni á floti.  Húrra fyrir því !!!!

Ég æli !

Hulda Björnsdóttir