Author: hulda98

9. apríl 2018

Góðan daginn kæru lesendur.

Mánudagur og rigning hér í Penela. Kalt og drungalegt, ekki nema 6 stig klukkan 8 og á morgun verður hámarkshiti 10 stig og auðvitað rigning, hvað annað.

Í 3 vikur rúmar hef ég háð hreystilega baráttu við hósta og kvef og varð í gær að láta í minni pokann og liggja í rúminu. Við hverju er svo sem að búast í umhleypingum sem engan endi taka hérna í landinu mínu. Ég ætlaði að vera fyrir norðan í dag og heilsa upp á jörðina mína en ekkert verður af því. Semsagt þetta er ég að kvarta!

Þá að alvöru lífsins.

Nú er fólk reitt á Íslandi og ekki að furða. Fólk er þreytt á svikum og prettum óprúttinna pólitíkusa og nú verður kosið eftir skamma stund til sveitarstjórna. Fólk er ekki sérlega reitt hvað þær kosningar varðar, eða er það?

Nei, það eru síðustu Alþingiskosningar og allt sukkið sem út úr þeim kom sem er að æra þjóðina, eða allavega smá part af henni.

Kjararáð burt, segir fólk.

Skoðum það aðeins.

Af hverju er kjararáð?

Jú, einu sinni, fyrir löngu síðan, ákváðu þingmenn sjálfir laun sín, líklega hefur það verið forsætisnefndin sem tók ákvarðanir þá, ég man það ekki. Allt varð vitlaust þegar þingheimur ákvað að hækka laun sín VERULEGA og þá varð til Kjararáð sem átti að leysa vandann og taka úr höndum þingmanna sjálfsalakerfið.

Rætt var um að þingmenn þyrftu að hafa góð laun til þess að fá almennilegt fólk til starfa!

Ef við skoðum laun þingmanna þá eru þau ekkert yfirgengilega há, þingfararkaup er 1.101.194 krónur á mánuði fyrir skatt.

Getum við verið sammála um að þetta sé ágætt kaup en ekkert yfirþyrmandi hátt?

Það sem er að æra mig og fleiri eru aukagreiðslurnar sem þingmenn fá.

Og, hverjir eru það sem ákveða aukagreiðslurnar? Ekki er það kjararáð? Nei, það eru þingmenn sjálfir. Kjararáð kemur ekki nálægt ákvörðun aukagreiðslna.

Forðmaður Flokks fólksins, flokks sem grét sig inn á þing í síðustu kosningum og ætlaði að vinna fyrir litla manninn, fær í laun á mánuði 1.651.791 krónur. Bara nokkuð vel skammtað finnst mér.

Auðvitað má ég ekki tala um þetta því nú rísa upp til varnar formanninum kjósendur sem telja mig komna frá hinu illa, líklega helvíti, og gerast meira að segja svo reiðir að þeir hætta að fylgjast með því sem ég er að segja. Það er allt í himnalagi þó fólk fari af síðunni okkar og flytji sig eitthvað annað. Það er hins vegar ekki í lagi að fylgja svo blint pólitíkusum að ef á þá er hallað er viðkomandi talinn vera frá einhverjum illum öflum.

Ég hef ekkert látið vanta á gagnrýni á aðra flokka og félagasamtök sem ég tel eiga að vera í baráttu fyrir láglaunafólk, hvar sem það er í stétt eða pólitík, á Íslandi.

Það er ekki nóg að tala fjálglega úr ræðustól Alþingis. Það er ekki nóg að gráta framan í þjóðina og segjast ætla að berjast fyrir litla manninn. Verkin tala og þau hrópa nú rétt eins og maðurinn í eyðimörkinni.

Flokkurinn sem var fyrir litla manninn lét það verða sitt fyrsta verk á hinu háa Alþingi að flytja frumvarp um breytingu á skerðinu lífeyris frá TR vegna atvinnutekna. Ekki breytingu vegna tekna frá Lífeyrissjóðum, nei breytingu vegna atvinnutekna. Halló, þetta er hópur fólks sem er kominn yfir 65 ára aldur og á í verulegum erfiðleikum að finna vinnu fyrir sig og í öðru lagi búinn að skila sínu.

Síðan greiddi flokkurinn atkvæði gegn, já GEGN hækkun fjármagnstekjuskatts. Ég man ekki betur en að það sé eitthvað á skjön við stefnu Flokks litla mannsins.

Verkin tala hærra en fögur orð.

Verkin eru það sem við getum tekið mark á, ekki fagurgali.

Hverjir eru það svo sem sitja á þingi fyrir þennann flokk litla mannsins?

Hægt er að fletta því upp á vef Alþingis og þá kemur eftirfarandi í ljós:

Ólafur Ísleifsson:

“Í stjórn Sambands ungra Sjálfstæðismanna 1981–1985. Fulltrúi í samkeppnisráði 1993–1994. Bankaráðsmaður í Nýja Glitni, síðar Íslandsbanka, 2008–2010, sat í endurskoðunarnefnd bankans á sama tíma. Formaður stjórnar Stofnunar Sigurðar Nordals 1999–2005. Í stjórn ISB Holding, eignarhaldsfélags Íslandsbanka, 2009–2012, formaður stjórnar frá janúar 2010. Stjórnarmaður í Samtökum sparifjáreigenda með hléum 2007–2014. Í ráðgjafarnefnd Gæðaráðs íslenskra háskóla 2014–2017. Hefur setið í fjölmörgum opinberum nefndum. Hefur ritað fjölda greina um efnahagsmál og þjóðmál í dagblöð og tímarit og haldið fyrirlestra og erindi á margvíslegum vettvangi. Sérfróður meðdómandi við Héraðsdóm Austurlands og Héraðsdóm Reykjavíkur. Dómkvaddur matsmaður í málum við Héraðsdóm Reykjavíkur. Í nefnd til að undirbúa hátíðarhöld árið 2018 um hvernig minnast skuli aldarafmælis sjálfstæðis og fullveldis Íslands síðan 2018.“

Situr í fjárlaganefnd, sem er eðlilegt miðað við reynslu og menntun, tel ég.

Karl Gauti Hjaltason:

„Fulltrúi bæjarfógetans í Keflavík, Grindavík og Njarðvík og sýslumannsins í Gullbringusýslu 1989–1990 og starfaði um skeið hjá ríkisskattanefnd. Fulltrúi sýslumannsins í Árnessýslu og bæjarfógetans á Selfossi, síðar sýslumannsins á Selfossi, 1990–1998. Settur sýslumaður á Hólmavík um skeið sumarið 1996, auk þess að vera settur í einstaka málum sem rannsóknarlögreglustjóri ríkisins, lögreglustjóri í Reykjavík og fleira á árunum 1995–1998. Skipaður sýslumaður í Vestmannaeyjum 1998–2014. Skipaður skólastjóri Lögregluskóla ríkisins 2014–2016.“

Varaformaður Þingflokksins

Situr í umhverfis- og samgöngunefnd

Guðmundur Ingi Kristinsson

„Lögreglumaður í Grindavík og Keflavík 1974–1980. Afgreiðslumaður í versluninni Brynju 1981–1993. Í endurskoðunarnefnd laga um almannatryggingar 2014–2016 fyrir Pírata.

Í trúnaðarráði VR 2004–2012 og fulltrúi þess á ársfundum Alþýðusambands Íslands. Formaður BÓTar, baráttu- og samstöðufélags fyrir bættum kjörum lífeyrisþega og gegn fátækt á Íslandi, frá 2010. Varaformaður Flokks fólksins frá 2016.

Situr í Velferðarnefnd“

Inga Sæland, formaður FF

„Stundaði nám við MH 1994–1999. Stundaði nám í stjórnmálafræði við HÍ 2003–2006. BA-próf í lögfræði frá HÍ 2016.

Stofnandi Flokks fólksins 2016 og formaður frá stofnun. Í samráðsnefnd um veiðigjöld síðan 2018.

Alþingismaður Reykjavíkurkjördæmis suður síðan 2017 (Flokkur fólksins).

Atvinnuveganefnd 2017–.

Íslandsdeild Vestnorræna ráðsins 2017–.“

Allt er þetta ábyggilega hið besta fólk, ég efast ekki um það. Flokkur Fólksins gefur sig út fyrir að vera fyrir litla manninn í þjóðfélaginu.

Mér sýnist í raun bara einn af þingmönnum vera raunverulegur fulltrúi litla mannsins, en það er bara mitt álit.

Áður en stuðningsmenn FF leggjast á árar til þess að hálshöggva mig fyrir ósvífnina þá geta þeir verið rólegir. Þetta er ekki eini flokkurinn sem ég ætla að skoða. Allar þessar upplýsingar og miklu fleiri eru aðgengilegar á VEF ALÞINGIS.

Það er til dæmis hægt að sjá ræður þingmanna, frumvörp þeirra og laun og launakjör ásamt atkvæðagreiðslum.

Á morgun ætla ég að skoða einhvern annann þingflokk og sjá hverjir sitja þar og hverjir eru sem hægt er að búast við að skilji, þekki eða séu tilbúnir til þess að stíga niður til okkar, hins almenna borgara, sem lepur dauðann úr skel. Þar er ég að tala um (almenna borgara), eldri borgara sem hafa laun undir 400 þúsund krónum á mánuði, öryrkja, fátækt barnafólk, láglaunafólk og sveltandi börn ásamt öllum þeim sem litið er á eins og óhreinu börnin hennar EVU og ekki má tala um, því það setur blett á hið ægifagra land sem nú riðar á barmi einhvers sem hefur ekki sést áður.

Það virðist vera að þegar sumt fólk sest á Alþingi þá gerist eitthvað voðalega einkennilegt. Loforð fjúka út um gluggann eins hvít snjókorn í lygnu veðri.

Græðgi virðist taka völdin, einstaklings græðgi, græðgi til handa vinum og vandamönnum og það sem mér finnst kannski sorglegast af öllu: AÐ NÝTA SÉR HVERJA EINUSTU HOLU SEM FINNST og finna ALLAR leiðir til þess að borga eins LÍTIÐ og mögulegt fyrir það sem venjulegt fólk þarf að greiða fyrir.

Getur það verið að einhverjum þingmönnum detti í hug að þeir þurfi ekki að borga fyrir vínglasið? Getur það verið að einhverjum þingmönnum finnist að þeir eigi að geta valsað um allt og fengið allt frítt fyrir sig, bara af því að þeir eru þingmenn?

Getur þetta verið?

Takið eftir að ég er ekki að tala um alla þingmenn. Ég er ekki heldur að tala um einn einstakan þingmann. Ég er bara að spyrja og velta þessu fyrir mér því Kjararáð er ekki meinið í kjörum Alþingismanna, ég tel að græðgi þingmanna, þeirra sem úthluta hlunnindunum séu meinið.

Ég er þakklát unga manninum sem berst með kjafti og klóm fyrir því að upplýsingar um allt mögulegt sem tengist Alþingi og því sem þar fer fram sé birt. Að hann þurfi að verja gjörðir sínar er óskiljanlegt. Leyndarhyggja er eins og graftarkýli sem verður að stinga á og það er það sem ungi þingmaðurinn er að gera.

Spillingin verður ekki uprrætt nema að um hana sé talað og hægt sé að gera það án þess að vera skorinn á háls af ofstækisfullum stuðningsmönnum einstakra flokka.

Hulda Björnsdóttir

7^th of April

Good morning everyone.

Here in Penela it is cold today but so far the sun is shining and the rain is in a waiting mode.

I think the angels need to stop cleaning.

Enough is enough and they might well take a pause and let us enjoy the warmth and sunshine. They could even enjoy it with us.

Everything is trying to show their beauty at my balcony but they struggle. These 2 are doing well but last year this was happening in March.

I love the spring. I love to watch everything in the nature come to live and the smiles become broader on the humans.

The smell is like heaven.

The clouds, if there are any, are big and the pictures endless. The art gallery of the heavens !

I read a wonderful article by Bob Procter, I think the name is correct; where he is talking about the power of the mind and how we can shape our future and the moment simply by our thoughts.

I remembered also Louis Hay, who has now left us and is shining from the beauty in heaven.

She has been my mentor and saviour on the worst moments in my live. I remember when walking in the snow, listening to her voice on my tape recorder, and trying to figure out how to continue my shuttered live. It is at moments like that we need to remember that there is always a shining star behind every cloud.

When the despair is like a black cloth the words of the wise ones, the ones like Lois and Bob can help. They can lift us from the bottom up to the surface and they can help us to see the light that is surrounding each and every one.

Often I contemplate on why I did land in my situations throughout my 72 years.

I don´t know, but I believe there is and has been a lesson to learn for me.

I really hope the lessons that have been put in front of me have been worth of my struggle and despair just as of my joy and happiness.

Sometimes I think of being guilty and not good enough.

When that thought appears there is an angel whispering in my ear:

YOU ALWAYS DID YOUR BEST.

I know this is true. I know the angels are watching over me each and every day. I know there is a purpose with everything that happens. I just need to remember to embrace myself and take the child within to my heart and tell her everything will be ok.

We all have a child within.

A little one that needs nourishing from US, not from others.

Lois Hay taught me, many years ago, in the snow, that I was ok. Her soothing voice helped me just as so many others.

Today I want to remember that everything is well and my life has been worth every minute.

Hulda Björnsdóttir

7. apríl 2018

Góðan daginn kæru lesendur.

Ég er enn hoppandi reið yfir ósómanum í fjármálaráðherra og hvernig hann ræðst á okkur eftirlaunaþega.

Það fauk svo í mig í morgun þegar ég var að hugleiða hvað væri hægt að gera að ég deildi póstinum mínum, frá því í gær, út og suður.

Ég veit ekkert hvort einhver les eða hvað gerist. Égt verð að reyna eitthvað.

Fólk talar stundum um að ekki séu nægilega mikil skoðanaskipti á þessari síðu. Það er alveg rétt að þau mættu vera meiri og til þess að prófa setti ég upp grúppuna sem tengist þessari síðu.

Þegar ég ákvað í byrjun að halda svona síðu úti var ég að hugsa um okkur sem hafa flúið landið til þess einfaldlega að lifa af, þegar við værum komin á eftirlaun. Einnig var ég með í huga öryrkja sem af sömu ástæðu voru farin frá landinu.

Ég hafði rekið mig á að oft vantaði upplýsingar fyrir þessa hópa og fannst mér vert að prófa hvort svona síða bæri árangur.

Nafnið kom frá ágætum lesanda mínum og leist mér strax vel á það. Það er einfaldlega þannig að þeir sem flýja landið á þessum aldri eru að velja á milli lífs eða dauða.

Ég hélt um tíma úti bloggi á MBL. en hætti því og fór yfir á WordPress. Mér fannst nóg að skrifa um málefni hópanna á þessa síðu og vildi geta slakað á og snúið mér að erlendu vinum mínum og bloggað á ensku um allt annað en málefni fátæks fólks á Íslandi.

Nú hef ég tekið upp þann sið að birta það sem ég skrifa hér líka á blogginu mínu, einfaldlega til þess að það komi á hina eiginlegu Facebook síðu mína og nái þar með kannski til fleiri.

Baráttan hefur breyst og snýr nú meira að öllum fátækum á Íslandi. Svona þróaðist þetta hjá mér og ómögulegt að segja hvað gerist í framtíðinni.

Oft hef ég fyllst vonleysi og hugsað að þetta sé vonlaus barátta hjá mér og að ég ætti að hugsa um sjálfa mig og láta aðra berjast á Íslandi. Þegar vonleysi hefur birst hefur ætíð einhver haft samband áður en ég tók ákvörðun um að gefast upp. Einhver sem þakkaði mér fyrir eða sagði mér sögu sína eða bara lét í ljós vonleysi SITT.

Ég ákvað löngu áður en ég komst á eftirlaunaaldur að yfirgefa ísland. Ég vildi ekki verða gömul og þurfa að lepja dauðann úr skel. Það var mitt gæfuspor. Nú bý ég í Portúgal og er það endastöðin mín. Ég fæ greitt frá TR 182 þúsund á mánuði fyrir skatt og 149 þúsund frá Lifeyrisjsóði fyrir skatt. Lífeyrissjóðurinn greiðir niður það sem ég fæ frá TR. Þar sem ég bý erlendis fæ ég ekki heimilisuppbót því allar félagslegar bætur falla niður þegar flúið er frá einu af ríkasta landi heimsins.

Venjulega er ég ekki að flíka því hverjar tekjur mínar eru en geri þessa undantekningu núna. Ég kemst vel af í nýja landinu mínu. Ég stend ekki í þessari baráttu af því að ég lepji dauðann úr skel. Langt frá því. Ég stend í þessari baráttu vegna þess að margt af eldra fólki og margir þeirra sem eru fátækir á Íslandi hafa hreinlega ekki orku eða þor til þess að láta heyra í sér.

Ég hef þennann kjark og finnst mér renna blóðið til skyldunnar.

Hversu margir taka þátt í umræðunni hér er ekki aðalmálið. Aðalmálið er að fólk sjái að það er kannski von og einhverjir sem láta sig hag ALLRA skipta en ekki bara sumra. Ég er þakklát fyrir persónulegu skilaboðin sem ég fæ og þau ylja mér um hjartaræturnar. Stundum fæ ég andstyggileg skilaboð sem jaðra við einelti. Þau læt ég vera og eyði þeim og blokka sendanda. Það er einfaldlega þannig að þeir sem láta í sér heyra á opinberum vettvangi mega búast við öllu. Það er svo undir hverjum og einum komið hvað hann eða hún kýs að taka inn á sig.

Hulda Björnsdóttir

 

6.apríl 2018
Það er kominn miður dagur og rignir eins og ég veit ekki hvað hér í Penela. Ég held að englarnir þurfi að koma sér í frí og hætta þessu endalausa þrifnaðaræði þar sem þeir skrúbba allt og skúra með rigningu sem er grimmari en hefur þekkst hér í landi.

Í svona veðri á maður auðvitað að vera undir teppi með góða bók og heitt súkkulaði í bolla.

Ég var svo heimsk að skoða Facebook áður en ég bjó til súkkulaðið og breiddi yfir mig teppi og nú er ég FJÚKANDI ILL.

Hvað er eiginlega að fólki?

Hvernig getur nokkur maður talað um félagslegar uppbætur sem grunnlífeyri?

Upphæð eftirlauna frá TR eru kr. 239.484 og ekki krónu meira í janúar árið 2018.
Það þýðir ekkert að röfla um 60 þúsund krónu heimilisuppbót. Hún er ekki lífeyrir. Hún er félagsleg aðstoð, rétt eins og bílastyrkur, húsaleigubætur, afsláttur í sundlaugar og strætó og allt mögulegt annað.

Bjarni Ben lýgur eins og honum einum er lagið þegar hann heldur því fram að eftirlaun frá TR séu 300.000.

Hvað er eiginlega að ykkur sem takið undir þetta andskotans rugl í manninum?

Haldið þið að eitthvað batni með því að spila með lýginni og stappa niður fótum og segja VÍST ERU ÞETTA 300.000 Á MÁNUÐI?

Þið þurfið ekkert að trúa mér.
Þið getið hringt í TR eða farið inn á reiknivél TR og séð þetta svart á hvítu:
Ellilífeyrir er í janúar 2018 kr. 239.484 og ekki eyrir fram yfir það.

Í nýrri fjármálaáætlun er gert ráð fyrir því að kerfi TR sem varðar öryrkja verði lagfært og einfaldað. Það er gott mál. Kerfið hjá öryrkjum er svo flókið að heimskingi eins og fjármálaráðherra, núverandi, sem er ólæs á tölur, getur hvorki botnað upp né niður í því rugli öllu.

Ef þið haldið að BB sé að laga kerfið fyrir þá sem lægst hafa launin eða fyrir barnafólk, hvað þá fyrir þá sem eru í þeirri stöðu að þurfa að fá greitt frá TR, þá vaðið þið í villu.
BB og ríkisstjórnin eru að lagfæra kerfið fyrir hina hæst launuðu og best stæðu í þjóðfélaginu. Þeim er skítsama um okkur sem erum undir meðallagi.

!% skattalækkun er ekki fyrir hina lægst launuðu.
Vitiði ekki að prósentuhækkanir eða lækkanir koma sér ALLTAF BEST FYRIR HINA BETUR STÆÐU? ALLTAF.

Þetta veit og skilur fólk sem er með tölulegt læsi. Þeir sem ekki hafa það ljúga út og suður og treysta því að hinir vitleysingarnir taki upp varnir fyrir viðbjóðslegan málstað.
Að fjármálaráðherra skuli voga sér að brigsla mér og mínum hóp um heimsku og ólæsi er óforskammað og ætti þessi maður ekki að láta sjá sig á almnnafæri.

Ég er ofsalega reið.

Ég er svo reið að ég finn ekki fyrir sársauka þó fjármálaráðherra geri grín að mér og mínum líkum og hlæji að okkur.

Ég er bara reið.

Hvar er Grái herinn?
Hefur hann enga skoðun og birtir bara fréttir frá fjölmiðlum.

Hvar er FEB? Félagsskírteini, ferðir erlendis, dansiböll eru á síðu FEB núna.

Hvar er LEB?
Heyrist ekkert frá þeim, af hverju?

Ég hvet fólk til þess að skoða síðu LEB. Formaður þeirra samtaka er fyrrverandi formaður FEB og ekki var baráttan upp á marga fiska hjá þeirri frú.

Er formaður FEB kominn til útlanda eins og Helgi P sem laumaði sér úr landi hægt og hljótt?

Nýr þáttur á vegum FEB er ágætis dæmi um hvaða áherslur eru þar efst á baugi, já lífið er list, hahh! Utanlandsferðir og koníaksdrykkja efst á baugi.

Hvar er Flokkur Fólksins núna? Af hverju mótmælir hann ekki hátt lygi fjármálaráðherra? Eru þingmennirnir uppteknir við að ræða úrsögn úr EES?

Spillingarsukkið á Alþingi er svo yfirgengilegt að maður fyrirverður sig fyrir að tilheyra þessari þjóð. Þingmaður Pírata sem hefur verið ötull við að fletta ofan af viðbjóðnum þarf að verja gjörðir sínar.

Er Logi virkilega eini þingmaðurinn sem skilur að 1% skattalækkun kemur lægsta hópnum ekki til góða og að prósentulækkun komi honum og öðrum hátekjumönnum og konum best? Eða er hann kannski bara eini þingmaðurinn sem þorir að viðurkenna staðreyndina.
Forsætisráðherra er sakleysið uppmálað á myndum á sama tíma og hún svíkur öll kosningalofrð rétt eins og að drekka vatn.

Ríkisstjórnina frá, segir fólk.

Jæja, og hvað ætlar þetta fólk svo að kjósa?

Allir flokkar sem hafa farið í samstarf með þeim bláa hafa tapað og hinn himinblái komist áfram til valda. Heldur fólk virkilega að eitthvað breytist núna?

Áætlunin sem var lögð fram núna er copy og paste frá fyrri ríkisstjórn.

Hvað er eiginlega að þjóðinni?

Hulda Björnsdóttir

5. apríl 2018

Góðan daginn kæru lesendur

Mér líður eins og ég sé stödd í skipi sem strandað hefur á skeri og ruggar fram og aftur með ógnarkrafti brjálaðs veðurs og himinhárar öldur flæða yfir,

Fólkið er að drukkna og getur enga björg sér veitt

Björgunarsveitir standa í fjöruborðinu og horfa á, varnarlausar. Þær geta ekkert gert. Ofurafl ræður ríkjum og skipið er að sökkva með manni og mús.

Nokkrir komast þó af. Það eru björgunabátar, lúxus bátar, sem fyrirmenn sitja í og róa glaðklakkalegir til lands. Þeirra líf skiptir öllu máli. Hinir geta sokkið í hyldýpið. Fyrirmönnunum er nokk sama um einhvern almenning sem var svo heimskur að taka sér far með þessu skipi.

Svona líður mér í dag eftir að hafa skoðað fréttir gærdagsins og hlustað á þátt á vegum FEB.

Fyrirmennirnir brosa breitt og kjamsa á prósentu hækkunum.

1 prósent er ekki neitt fyrir almúgann, láglaunafólkið, öryrkjana og eftirlaunaþegana.

1 prósent er flott fyrir hina ríku. Þeir sjá um sína VG, Framsókn og Sjálfstæðisflokkurinn.

Sjálfstæðisflokkurinn kemur ekki á óvart. Ég bjóst aldrei við því að hann mundi bjarga sökkvandi skipinu. Ég bjóst alltaf við því að hann færi í flottu björgunarbátana.

Framsókn kom mér heldur ekki á óvart. Þeir stóðu fyrir því að slíta stjórnarmyndunarviðræðum eftir örfáa daga til þess að ganga í eina sæng með spillingunni. Líkur sækir líkan heim.

Vinstri græn komu mér í opna skjöldu.

Ég bjóst við því að sá flokkur mundi reyna að bjarga sökkvandi almúganum.

Nei, VINSTRI GRÆN hafa sýnt sitt rétta andlit. Þeim er alveg hjartanlega sama um hverjir sökkva. Þeim er hjartanlega sama um barnafjölskyldur sem svelta. Þeim er hjartanlega sama um fátækt láglaunafólk. Þeim er hjartanlega sama um öryrkja og eftirlaunaþega sem tilheyra venjulega fólkinu sem þarf að reiða sig á björgunarsveitir í ólgusjó þar sem skip þeirra er að farast.

VINSTRI GRÆN eru þau sem sviku með bros á vör fallegu orðin sem féllu eins og hvítur snjór úr stól alþingis fyrir kosningar.

Hvað gerir svo fólk þegar þessi viðbjóðslega ríkisstjórn auðvaldsins fer frá?

Hvað gerir fólkið sem nú er að sökkva með skipinu í ólgandi hafrótinu þegar næstu kosningar verða?

Loforðin verða fögur frá ÖLLUM stjórnmálaflokkum.

Verður hægt að trúa einhverjum?

Ég veit það ekki, en hitt veit ég að núna í morgunsárið er ég að drukkna á skipi sem engin leið er að bjarga.

Er ekki hægt að bjarga fólkinu sem er enn um borð í sökkvandi skipinu?

Gætu Sólveig Anna, Ragnar Þór og fleiri komið til sögunnar og gripið taugina sem örvæntingin reynir að fá einhvern til þess að grípa?

Hvar er FEB núna og LEB? Eru þau enn að bíða eftir því að setjast í nefnd til þess að plokka út ráð til þess að fá þá sem eru að drukkna til að þegja?

Halda þessi samtök enn að orð séu til alls fyrst og að orð fyrirfólksins í fínu björgunarbátunum séu gulls ígildi?

Líklega er vonleysi þess sem er á sökkvandi skipi úti í ólgusjó að grípa mig heljartökum.

Líklega er ekkert eftir annað en biðja til æðri máttarvalda og vona að almenningur setji kross á leiði VG í næstu kosningum og jarði endanlega auðvalds viðbjóðinn.

Hulda Björnsdóttir

4. apríl 2018

Góðan daginn kæru lesendur Ég veit ekki hvort ég hef minnst á það áður að það er rigning í Penela! Það rignir endalaust og ég er að hamast við að vera jákvæð ásamt öllum vinum mínum og fólkinu sem býr hérna.

…

Í gær sá ég myndir frá einni úr VG þar sem hún sólaði sig í Portúgal! Já, sólaði sig. Hvar er það? Jú, auðvitað í Algarve. Veðrið þar er allt annað en hér uppi á meginlandinu. Algarve er bara fyrir ferðamenn og þá sem vinna við ferðaþjónustuna, en veðrið er gott alla vega á þessum árstíma og frú VG unir sér vel og etur íslenskan saltfisk!

Hún heldur að fiskurinn sé íslenskur.

Hér kostar kíló af íslenskum saltfisk tæpar 18 evrur en sá norski ekki nema rúmlega 8. Dettur einhverjum í hug að veitingahús séu að selja ódýran mat og kaupa fokdýran fisk frá Íslandi? Ég bara spyr. Frúin, sem talaði af svo miklum þunga um að fátækt þyrfti að útrýma er nú í páskafríi og er það fínt. Auðvitað þarf þetta fólk að hvíla sig. Skárra væri það nú.

Mér finnst þó að þegar komið er úr saltfiskátinu og sólinni ætti að vera fyrsta verk VG og hinnar sólbrúnu frúar að hækka greiðslur frá TR til eftirlaunaþega og öryrkja. Hún, frúin og VG ættu að láta þetta renna ljúflega í gegnum þingið og allir sólbrúnir þingmenn hljóta að samþykkja eins og skot.

Hjá mér er ískalt, rigning og vosbúð en ég bý ekki í Algarve. Ég bý í hinu raunverulega Portúgal og hér er vorið ekki komið, ekki enn.

Ég læt það fara í taugarnar á mér þegar ég horfi á snjó í fjöllum að fólk í sólbaði sé að segja mér frá hvernig veðrið sé hér í landinu.

Jæja, sólbrúnu þingmenn og sólarfarar. Nú er rétti tíminn til þess að hysja upp um sig buxurnar og fara í almennileg föt og bretta upp ermar og taka til í loforðabunkanum. Henda út sviknu loforðunum, þau eru bara ógeð, og taka inn framkvæmdir.

Framkvæmdir eru flottar. Þær geta til dæmis orðið þess valdandi að allir, ÞIÐ VITIÐ, sko ALLIR, eigi í sig og á ALLA daga mánaðarins.

Svona framkvæmdir eru svo ægilega góðar fyrir sólbrúnar sálir.

Svo er auðvitað ágætt að hækka upphæðir lægstu launa í landinu og hætta að andskotast í því að hagsældin sé svo MIKIL að ekki sé hægt að rugga þeim bát og hækka lág laun í landinu.

Ég vona að sólarfararnir, þessir brosandi, þykku og bústnu, hafi munað eftir vörninni og komi ekki skaðbrenndir til starfa að nýju. Það væri nú alveg voðalegt ofan á allt saltfisk átið.

Hulda Björnsdóttir

4^th of April 2018

Sometimes we think that living alone is boring and horrible.

That is just an attitude.

Living alone can be fun and it is freedom.

It can be freedom to make all the choices without having to get permission or having a long discussion.

I like living alone. I like to be able to get into my car if I feel up to it and drive wherever the mind takes me. The adventures are endless.

Some people cannot live alone. They fear loneliness and they even stay in a relationship that is not too good, just to be with someone.

Everything is ok. What each and every one decides is their choice and they are the ones going to live with whatever they decide.

I like cooking.

I like cooking a lot. Sometimes when I make my dinner I think I am cooking for several people, but of course I am not. I don’t have to eat it all at ones. I have got a fridge, a big one!

I cannot eat meat, and that’s ok, I don´t like read meat. I like chicken and turkey. I do like the chicken more but that’s not good for my stomach so now I just eat it if I am invited somewhere.

I love fish. Fish is healthy and can be amazing. Now I live in Portugal and there are some strange ones in the supermarket. I’m talking about fish, not people!

The ladies in my supermarket are wonderful. They help me make up my mind when I look at the variety and have no idea what to buy.

Some days ago I bought one, he looked really strange but I wanted to try. He was not too expensive and home he came with me. We decided to put him on the grill, i.e. I and the fish decided after a short conversation.

It was ok but some went into the fridge and on my plate the next day. I have to say that the second day it was much better and the third day perfect.

Tuna fish is my favourite, among others of course. It is healthy and looks beautiful.

I do grill it and then something happens during the process.

The one I want to share with you is this:

The Tuna on the grill wanted something, just something. I put on some “souer crout”, Very good and gives a special flavour. What else do I have? I thought.

Oh, the olive oil with the herbs. Perfect. The green colour is so beautiful and the “souer crout” does not have any colour, or so to speak.

There my wonderful tuna was on my grill pan and the sweet potatoes cooking on the stove, beside it in a pot.

I wanted sauce.

I had some port vine in the cupboard. Yes, that was a good idea. So a dash went into the grill pan.

Something else was calling from the fridge. The blue cheese was calling. A tiny bit of it went into the pan and everything cooked wonderfully, down!

A dash of water and there it was.

Yammy!

No desert this time. I am kind of on a diet or so to speak and try not to eat too much, but what I eat is delicious and healthy.

Living alone makes it possible for me to cook whatever I fancy. What a privilege!

I like my life. I love my food and I love my friends.

Soon I will move north. I will be living very close to my “family” and I will cook for them once in a while. They don´t know this yet, so please don´t tell them. This has to be a surprise. I know I can trust you to keep my secret.

It will be good to move into a new house, I have already begun packing. Packing is not fun but taking it one day at a time makes it an adventure. I have started with my kitchen. The things go into a shoebox; the boxes are marked and put into the cupboard again waiting for the moving day. Wonderful!

I can see the Christmas tree in my new house!

I hope you have a great day, you who are reading this. Sharing feels good and I can always learn something new every day, I just have to be open minded.

I took my papers to my accountant yesterday and she almost got a heart attack. She is young so nothing happened but she looked at me when she saw my income last year and she looked at me:

WHAT HAPPENED? She asked.

DO YOU KNOW HOW MUCH TAX YOU WILL HAVE TO PAY THIS YEAR? and she shook her head.

I just smiled and said:

YES I DO!

Then I went to the “freguzia” to get a certificate for the Icelandic authorities and after few days I will have a proof that I am not in heaven and not cheating on the Icelandic system.

Life is wonderful.

Hulda Björnsdóttir

 

3. apríl 2018
Góðan daginn
Tölvan mín var einhverju flippi fyrr í morgun svo nú er ég búin að deila því sem ég ætlaði í bili. Ég tók upplýsingar um 4 þingmenn og deildi þeim á facebook síðu mina.

Laun og kostnaðargreiðslur þingmanna sem birtast nú á vef Alþingis eru það sem ég hef deilt í morgunsárið.

Spurningar sem vakna hjá mér eru meðal annars þessar:

 

2.apríl 2018
Góðan daginn
Hér að neðan eru áhugaverðar upplýsingar teknar af vef Alþingis í morgun.
Ég hvet fólk til þess að lesa þetta og jafnframt að fara inn á vef þingsins og skoða allt sem hægt er að sjá þar.

Launin, þ.e. föstu launin, segja ekki nema hálfa söguna.
Allar uppbætur og niðurgreiðslur og viðbótargreiðslur og endurgreiðslur eru auðvitað til þess að auka tekjur þingmanna. Það er nokkuð gott að hafa ágætislaun og síðan að fá í ofanálag kostnað við skrifstofuhald, ferðakostnað, húsnæðiskostnað og ýmislegt SMÁVEGIS í viðbót.

EKKI AÐ UNDRA AÐ SUMUM ÞINGMÖNNUM FINNIST FÓLK EINS OG ÉG FULL AF ÖFUND OG SKÍTKASTI ÞEGAR VIÐ ERUM AÐ FARA OFAN Í SAUMANA Á ÞVÍ HVAÐ RAUNVERULEGA ER GREITT FYRIR ÞINGSETU.

Á SAMA TÍMA OG EFTIRLAUN, ÖRORKUBÆTUR OG LÁGMARKSLAUN Í LANDINU ERU UNDIR OPINBERUM FRAMFÆRSLUVIÐMIÐUM, HELD ÉG ÁFRAM AÐ ANDSKOTAST Í ÞESSUM TÖLUM ALÞINGISMANNA OG ÞEIRRA ATHÖFNUM EÐA ATHAFNALEYSI.

“Skattskylda
Að frátöldu þingfararkaupi og starfskostnaði eru allar greiðslur til þingmanna fyrir kostnaði sem hlýst af þingsetu undanskildar tekjuskatti. Ef útgjöld, sem tengjast starfskostnaði, eru studd reikningum koma þau til lækkunar á skattstofni.

Biðlaun
Alþingismaður, sem hefur setið á Alþingi eitt kjörtímabil eða lengur, á rétt á biðlaunum er hann hættir þingmennsku. Biðlaun eru jafnhá þingfararkaupi, sem frá 30. október 2016 eru 1.101.194 kr. á mánuði, og greiðast þau í þrjá mánuði en í sex mánuði eftir þingsetu í tvö kjörtímabil eða lengur. Taki þingmaður, sem fær biðlaun, við starfi meðan þeirra nýtur falla þau niður ef launin er starfinu fylgja eru jafnhá en ella skerðast biðlaunin sem laununum nemur.

Ferðakostnaður innan lands
Auk fastrar greiðslu fyrir ferðakostnað í kjördæmi eiga þingmenn rétt á að fá endurgreiddan ferðakostnað milli heimilis og Alþingis á eigin bifreið, bílaleigubíl, eða með almenningsfarartækjum. Sérstakt ákvæði er um þingmenn sem búa utan Reykjavíkur og aka daglega til og frá vinnustað. Samanber reglur um þingfararkostnað.

Starfskostnaður.
Alþingismaður á rétt á að fá endurgreiddan kostnað sem hlýst af starfi hans gegn framvísun reikninga. Hámark slíkrar greiðslu er [480.000] kr. á ári hverju.
Alþingismaður getur einnig valið að fá greiddan starfskostnað sem fasta mánaðarlega fjárhæð, [40.000 kr.], og þá dregst staðgreiðsla af fjárhæðinni. Ef þingmaður fær fasta mánaðarlega greiðslu getur hann framvísað reikningum fyrir greiddum starfskostnaði og koma samþykktir reikningar þá til lækkunar á skattstofni við næstu mánaðarútborgun starfskostnaðar. Ef fjárhæðin er hærri en sem nemur mánaðarlegum starfskostnaði kemur mismunurinn til lækkunar í næsta mánuði eða á næstu mánuðum þar á eftir.
Reikningar þurfa að berast skrifstofu fyrir 20. hvers mánaðar ef taka á tillit til þeirra við næstu útborgun starfskostnaðar.

Eftirfarandi kostnaður alþingismanns skal endurgreiddur:
1. Fundir, ráðstefnur, námskeið o.fl.:
a. Fundir sem alþingismaður stendur fyrir (fundaraðstaða, auglýsingar, kaffi og meðlæti).
b. Fundir, ráðstefnur, námskeið og fyrirlestrar sem alþingismaður sækir vegna starfa sinna og hann þarf að greiða fyrir (fundar , námskeiðs eða ráðstefnugjöld).
c. Ráðstefnur, fundir og námskeið er þingmaður sækir erlendis (ferðakostnaður, þátttökugjald) enda hafi kostnaðaráætlun áður verið kynnt skrifstofunni og hún samþykkt hana.
2. Bækur, fréttablöð, tímarit og ritföng:
a. Fagbækur, fréttablöð og tímarit sem þingmaður kaupir vegna starfs síns.
b. Ritföng til nota utan skrifstofunnar.
3. Póstburðargjöld og sími:
a. Póstburðargjöld fyrir útsendingar ef þingmaður kýs að nota ekki póstþjónustu skrifstofunnar.
b. Símakostnaður í tengslum við sérstök starfstengd verkefni sem Alþingi greiðir ekki.
4. Móttaka gesta, blóm og gjafir:
Móttaka gesta, blóm og gjafir í tengslum við starf alþingismanns. Tilefni útgjalda þarf að vera umfram það sem telja má til almennrar venju. Að hámarki má endurgreiða [6.000 kr.] í hverri gjöf. Endurgreiðslur skulu ekki vera hærri en [25.000 kr.] á mánuði að jafnaði.
5. Leigubifreiðar:
Endurgreiða má kostnað við leigubifreiðar innan lands í tengslum við störf þingmanns.
6. Annað
a. Framlög og styrkir til stjórnmálaflokka.
b. Sérfræðiaðstoð og gerð kynningarefnis, svo og ýmis kostnaður við vinnuaðstöðu á heimili eða starfsstöð þingmanns. Hámark fyrir vinnuaðstöðu er [180.000 kr.].”

ÞAÐ ERU EKKI BARA STJÓRNARÞINGMENN SEM EKKI STANDA SIG Í ÞVÍ AÐ RÉTTA KJÖR ÞEIRRA SEM EKKI SJÁ FRAM Á AÐ LIFA AF NÆSTA DAG.

ÞAÐ ER EKKI SÍÐUR ÁBYRGÐ ÞEIRRA SEM ERU Í STJÓRNARANDSTÖÐU AÐ ÞRÝSTA Á OG GANGA Á UNDAN MEÐ GÓÐU FORDÆMI.

Gott fordæmi er það sem þjóðin þarf.
Við getum hætt að bera okkur saman við aðrar þjóðir. Við getum einfaldlega farið að bera okkur saman við okkar þjóð og hafist handa við að skipta kökunni öðruvísi.

Þetta geta alþingismenn gert og eiga að gera, hvar í flokki sem þeir eru.

Hulda Björnsdóttir

31. mars 2018

Góðan daginn

Þá er síðasti dagur þessa mánaðar runninn upp og sólin skín hér í Penela. Smá hlé frá rigningu og roki er góð tilfinning.

Föstudagurinn langi liðinn og Jesú að rísa upp bráðum.

Ég veit ekkert hvort sagan sem skráð er í biblíunni er rétt eða ekki. Ég þarf ekki að vita það. Ég veit ekki hvort ég trúi sérstaklega heitt og innilega að frelsari heimsins komi endurfæddur og frelsi þá sem hafa verið GÓÐIR í þessu lífi. Ég bara veit það ekki.

Skírdagur var dagur svika samkvæmt sögunni.

Föstudagurinn langi dagur niðurlægingar og haturs í bland með valdagræðgi.

Sunnudagurinn, páskadagurinn sjálfur var dagur vonar.

Á meðan vonin lifir er ekki allt glatað.

Þegar vonin deyr þá deyjum við líka, held ég.

Íslenskt þjóðfélag er einkennilegt og hefur verið lengi. Pólitíkin tekur á sig ýmsar myndir í gegnum áratugina en allt gengur aftur rétt eins og í fatatískunni.

Fyrirgreiðslupólitík, valdagræðgi, loforðaflaumur, svik og gleymska eftir að sest hefur verið í þægilega stóla hins háa löggjarfaþings landsins.

Loforðin streyma af munni framboðsfólks á meðan verið er að krækja í atkvæði kjósenda. Stundum eru meira að segja send falleg bréf til heilu hópanna, rétt eins og herra fjármála og yfir kökugerðarmeistari gerði árið 2013 þar sem hann lofaði eldri borgurum gulli og grænum skógum.

Frú forsætis hélt hugljúfa ræðu úr stól hins háa alþingis þar sem þungur tónn frúarinnar lýsti því yfir að fátækt fólk gæti ekki beðið, lausnir þyrftu að koma STRAX.

Frúin settist svo í einn af hinum þægilegu stólum við hlið ræðupúlts vinnustaðarins og hún skipti um tón. Hugljúfa ræðan var fokin út í veður og vind. Nú gat sveltandi fólkið beðið til vors, að minnsta kosti.

Herra kökugerðarmeistari hefur verið sjálfum sér samkvæmur. Hann lemur í borðið og segir frekjudöllunum að halda sig á mottunni. Allt sé svo dásamlegt á landinu og þetta kveinandi lið bara bullarar, sem skilji ekki hagsældina.

Fyrirgreiðslupólitíkin er dansandi hamingjusöm og slettir úr klaufum akandi um allar Trissur á meðan fátæka fólkið veltir fyrir sér hvernig það eigi að láta smáaurana duga út mánuðinn sem er svo ógnar langur og hefur 31 dag.

Fátæka fólkið borgar svo aksturinn og fyrirgreiðsluna alla með svita sínum og tárum.

Fyrirgreiðslupólitík er gömul. Hún er til þess að hygla þeim sem tilheyra fjölskyldu og nánum vinum og svo auðvitað stundum þeim sem hugsanlega gætu snúið atkvæði sínu í hring og krossað við velgjörðarmanninn eða konuna.

Jesús steig upp samvkæmt sögunni.

Hvort sem ég trúi Jesú sögunni eða ekki þá trúi ég þvi að nú sé risinn upp á alþingi einstaklingur sem þorir að rísa upp úr spillingunni, og ég trúi því að það séu að skjóta upp kollinum einstaklingar sem þora að fylgja samvisku sinni og gefi flokkslínum svolítið langt nef.

Upprisa sem þessi er mér mikið fagnaðarefni og þegar ég horfi líka á verkalýðsforyngja sýna klærrnar þá kviknar von.

Björn Leví, Pírataþingmaður er skelfir þingmanna og ráðherra. Hann er að rugga bátnum, bát spillingar og fyrirgreiðslu ásamt valdagræðgi.

Þessi ungi maður hefur kjark og þor til þess að sækja upplýsingar sem hafa verið leyndarmál hinna ágætu sem stundað hafa fyrirgreiðslupólitík og hagsmunapot fyrir fáa. Nú skelfur þingheimur.

Nú geta allir sem vilja farið inn á vef hins háa alþingis og séð eitt og annað. Þar er hægt að sjá hverjir fá greitt hvað og ekki síður áhugavert að mínu mati er að fylgjast með því hvernig loforðin eru efnd. Efnd loforðanna er í atkvæðagreiðslunni.

Ef stjórnmálamaður eða menn hafa lofað að berjast fyrir bættum kjörum sitja hjá eða greiða atkvæði á móti málum eins og til dæmis hátekjuskatti, sýnist mér að hugur hafi fokið út í veður og vind.

Verkin tala. Atkvæði sýna svo ekki er um villst hvað þingmenn telja mikilvægt og hvað ekki.

Krossfesting þeirra sem mótmæla spillingu og valdagræðgi er ekki til mikils. Þessir uppreisnarseggir eru óþægilegir fyrir þá sem komist hafa að kjötkatlinum en lítið leggst fyrir kjörna fulltrúa að leggjast í fórnarlambs hlutverk, sem virðist gerast nokkuð algengt nú um þessar mundir.

Þeir sem kjörnir eru á hið háa alþingi eru ekki fórnarlömb eins eða neins. Þeir eru opinberar fígúrur sem sæta gagnrýni og njóta hróss, allt eftir því hvað hverjum og einum almúgamanni finnst réttmætt.

Ég er himinlifandi yfir ötulli baráttu unga Pírata þingmannsins sem lætur ekki kúga sig og heldur ótrauður áfram að grafa upp hinn raunverulega óþverra og spillingu.

Ég er ekki síður ánægð með ungu þingmennina sem fylgja drengskaparheiti og fara eftir því sem samviska þeirra segir þeim og gefa flokkslínu langt nef, jafnvel þó þeir tilheyri ríkisstjórnarflokki.

Ég er bjartsýn á að ný forysta verkalýðsins taki að sér að berjast fyrir alla fátæka á Íslandi.

Öryrkjar og eftirlaunaþegar ásamt fátækum barnafjölskyldum og öðrum sem af einhverjum ástæðum hafa orðið undir í þessu lífi, þurfa svo sannarlega á fólki eins og Ragnari, Sólveigu og Vilhjálmi að halda.

Verkalýðsforystan getur bætt kjör allra ef hún stendur saman. Ég hef meiri trú á þessum þremur en sumum þeirra sem nú sitja á hinu háa alþingi og tala fjálglega um bætt kjör hinna verst settu.

Frú forsætis og hennar ríkisstjórn gefur almúganum langt nef. Hún hefur snúist og situr nú á hvolfi í helli hinna vellauðugu og lætur sig litlu skipta fallegu orðin sem hún flutti af svo miklum þunga fyrir nokkrum mánuðum. Nei, atkvæðin eru í höfn, stóllinn góði er þægilegur og engin ástæða til þess að standa við það sem sagt var í fyrra.

Ef hægt er að gráta sig inn á hið háa Alþingi Íslendinga er líklega allt hægt. Það er líklega hægt að breyta kökusneiðunum þannig að þær seðji hungur ALLRA en fiti ekki bara suma.

Hulda Björnsdóttir