Author: hulda98

18.nóvember 2018

Er einhver alvöru barátta fyrir bættum kjörum eldri borgara?

Hvað er Grái herinn eiginlega?

Tekið af síðu hersins:

“Grái herinn – baráttuhópur innan FEB – Félags eldri borgara í Reykjavík og nágrenni. Hann berst fyrir mannsæmandi kjörum og virðingu allra.”

 “Baráttuhópurinn er sjálfstæður, en starfar undir merkjum Félags eldri borgara í Reykjavík og nágrenni. Áherslan er einkum á réttindi eftirlaunafólks, það er þeirra sem hafa áunnið sér rétt til eftirlauna úr lífeyrissjóðum, þótt takmarkið sé vissulega að allir eldri borgarar geti lifað mannsæmandi lífi og átt „áhyggjulaust ævikvöld“, eins og lofað var þegar stofnað var til Lífeyrissjóða hér um árið. Þessum markmiðum verður þó ekki náð nema að til komi víðtæk hugarfarsbreyting í samfélaginu í garð aldraðra, sem og samstaða allra þeirra, sem láta sig þessi mál varða.”

 “Í herráði Gráa hersins sitja nú:

Erna Indriðadóttir, herforingi

Ásdís Skúladóttir, Bryndís Hagan Torfadóttir, Ellert B. Schram, Gísli Jafetsson, Wilhelm Wessman og Þórunn Sveinbjörnsdóttir”

Tilvitnun lýkur.

Á ég að trúa því að formaður LEB sé í stjórn hersins?

Það getur varla verið, þetta hljóta að vera gamlar upplýsingar.

Það er sorglegt að félag eins og FEB skuli ekki vera í alvöru að berjast fyrir bættum kjörum eldri borgara.

Árið 2018 er jólakortasala á dagskrá FEB, ha, JÓLAKORTASALA? Komon, gangið inn í nútímann, ef þið vilduð vera svo elskuleg.

Staðreyndin er sú að þingmenn hlusta á talsmenn félaganna og taka mark á kröfum þeirra, það kemur fram í upplýsingum um störf nefndar um fjárlög á alþingi.

Þeir sem eru í forsvari fyrir eldri borgara og koma fram fyrir hönd þessara félaga sem ég nefni hér á undan tugga endalaust um upphæðir eftirlauna frá TR og tala um 300 þúsund.

Þetta fólk virðist ekki gera sér grein fyrir því að 60 þúsund króna heimilisuppbót er félagsleg aðstoð en ekki lífeyrir, rétt eins og t.d. húsaleigubætur sem sumir fá.

Hvernig er hægt að treysta fólki sem kemur fram fyrir hönd okkar eldri borgara sem veit stundum ekki hvað 2svar sinum 2 eru?

Ég viðurkenni það fúslega að ég hamast endalaust á þessum félögum FEB og LEB. Það er einfaldlega þannig að þetta er fólkið sem talar fyrir hönd hópsins og þetta fólk er inni í einhverjum ótrúlegum kassa og kemst ekki upp úr honum.

Mér er þó kunnugt um að einn í stjórn FEB veit hvað heimilisuppbót er og hvernig hún hefur verið hækkuð mun meira en eftirlaunin sjálf. Það heyrðist mikið í þeim stjórnarmanni áður en hann fór í geymið en nú er heldur minna sem ég sé frá honum. Hvað veldur? Ég batt vonir við að eitthvað breyttist. Kannski er eitthvað að breytast og ég sé það bara ekki.

Þegar fólk flýr land til þess að komast af þá missir það alla félagslega aðstoð og þar á meðal heimilisuppbót!

Eftirlaunin minnka frá TR strax um rúm 60 þúsund á mánuði og skiptir þá ekki máli hvort fólk býr eitt eða ekki.

Annað sem er vert að hafa í huga fyrir þá sem hyggja á flutninga. Það er ekki sama hvert þið farið. Ef þið farið til dæmis til Asíu landa fáið þið ekki eftirlaun frá TR. Sumum gæti dottið í hug að flytja til dæmis til Tælands. Nei þangað komast eftirlaun frá TR ekki, sama hvaða árafjölda þið eigið að baki á Íslandi. Ástralía gæti líka verið hugsanlega áhugaverð fyrir suma. Nei, ekki þangað segja reglurnar.

Þið megið búa í Evrópu, Canada og Bandaríkjunum ef þið ætlið að fá eftirlaun frá Tr en ekki láta ykkur dreyma um aðra staði.

Eru þetta ekki átthagafjötrar?

Auðvitað liggja einhver rök að baki svona reglum, eins og öllum reglum, en þau eru einkennileg svo ekki sé meira sagt.

Ég vildi óska að fólk hætti að tala um heimilisuppbót í sama orði og eftirlaun frá TR.

Af hverju talar þetta sama fólk ekki um húsaleigurbætur sem sumir fá?

Ef einhverjum dettur í hug að það sé nóg að skilja við makann og þá komi heimilisuppbótin eins og fljúgandi fugl væri ágætt að skoða málið betur.

Það er ekki nóg að skilja, það þarf að fytja í burtu af heimilinu og það þarf að búa einn. Ef eftirlaunaþegi er til dæmis lasinn og þarf aðstoð 24 klst á sólarhring og einhver býr hjá honum til þess að aðstoða hann fellur heimilisuppbótin, félagslegi styrkurinn, niður.

Ef eftirlaunaþegi hefur ekki efni á því að búa einn og flytur til barna sinna þá býr hann ekki lengur einn og félagslegi pakkinn, heimilisuppbótin, fellur niður.

Já, ég veit það vel að þessi heimilisppbótarpakki var settur á fyrir nokkrum árum til þess að létta undir með þeim sem búa einir! Þið getið sparað ykkur að útskýra það fyrir mér, ég veit það.

Það er hægt að skoða dæmið enn lengur en ég læt þetta nægja í dag.

25 þúsund króna frítekjumark er í gildi núna.

Fyrir nýju almannatryggingalögin var frítekjumarkið rétt rúmlega 100 þúsund.

Fyrir samþykkt nýju almannatryggingalaganna var ætlunin að fella frítekjumark alveg niður og setja á krónu á móti krónu skerðingu en á síðustu stundu datt einhverjum það snjallræði í hug til þess að troða upp í mótmæli að setja af einskærri gjafmildi inn 25 þúsund króna markið!

Jafnvel þó hið háæruverðuga alþingi sæi sér ekki fært að fella niður allar skerðingar þá væri strax bót í því að hækka frítekjumarkið fyrir alla, ekki bara fyrir þá sem enn eru að vinna, upp í það sem það var fyrir nýju lögin, sem sagt t.d 109 þúsund á mánuði.

Auðvitað yrðu teknir skattar en eyðslufé yrði meira og mundi skila sér út í þjóðfélagið.

Fólk hefði aðeins meira á milli handanna og gæti leyst út lyfin sín og keypt sér mat alla daga.

Ég hef haldið því fram og geri enn að þegar fólk er svelt hálfu hungri og hefur ekki hússkjól verða til ótal vandamál sem kosta ríkið mun meira en þessi einfalda aðgerð að hækka frítekjumarkið hjá öllum upp í 109 þúsund á mánuði.

Það þýðir lítið að hækka eftirlaunin og niðurgreiða þau með greiðslum frá Lífeyrissjóðum eins og nú gerist. Hækki eftirlaunin frá TR í núverandi kerfi lækkar verðgildi þess sem fæst frá Lífeyrissjóði. Fólkið er eiginlega fast í gildru sem ómögulegt er að komast upp úr miðað við þetta lákúrulega 25 þúsund króna frítekjumark.

Ég bara nenni ekki að tala um flokka sem lofuðu öllu fögru fyrir kosningar og komust að með uppgjafa fólk frá öðrum flokkum eða flokka sem töldu einföldum kjósendum um að aldrei yrði farið í samstarf með þeim sem voru að fara frá vegna spillingar og óstjórnar en sitja nú eins og þægir krakkar undir ofurstjórn þeirra sem drepa flokka í stríðum straumi sem voga sér að fara í samstarf. Ég bara nenni ekki að tala um þetta á sunnudagsmorgni í hávaðaroki.

Hulda Björnsdóttir

17^th of November 2018

Good afternoon everyone.

I have been writing in Icelandic on this blog for some time and some of you might be confused and not understanding a lot.

Here is one in English.

Portuguese sagas – my fireplace and some other thoughts on a Saturday afternoon in mid-November with greetings from my little land

Before I came to Portugal I had never, NEVER, been lighting up a fire. Truly, never.

My apartment here in the little land is cold and this winter even colder since no one is living upstairs, they moved to their new house are now trying to sell their apartment, so no heat from there. My neighbour downstairs is like he is and no heat from there. Indeed, I am warming up 3 apartments or so to speak and no wonder its cold in mine, I am in the middle.

Well, I need my fire and to have fire I need to light the fire and keep it going.

There is the problem.

I am not good at this, not at all.

I have been trying for 7 seven winters here in my little land. I had pines which I picked up from the pinewoods on my way to Viera da Leiria but now there are no pines there, the woods burned last year.

I have been trying to find pines in the supermarkets; I could buy them there last year.

No more pines in the supermarkets.

As you can see there is wood, normal wonderful wood and there is a fireplace

As you can see this is a huge problem and I am a bit ashamed of my lack of whatever it is that makes it easy to light a normal fire in a normal fireplace.

Now I have found a new wonderful gym in Condeixa and yesterday I was talking to my coach about my fire problem.

She knew what to do. She told me about some bricks I could buy in the supermarkets and I could use them in my fireplace while starting the fire.

I went to Intermarze, bought a bag or two and now one of them is in my living room next to the fire but the other one is in my car. No I’m not going to light a fire in the car. The bloody wood is so heavy and there are many steps up to my apartment and I could only carry one bag up yesterday. I was suffering with horrible pain in my shoulder until late in the night yesterday. As you know I am not that strong, not yet and these bags are heavy I can tell you that.

Here you can see the heavy ones in a bag and vola a fire in my wonderful fireplace

The miracle happened.

Now I have a fire as you can see and everything is warming up.

Wonderful!

By the way, I want to tell you about my new gym next to the supermarket above the pharmacy in Condeixa.

It is amazing.

It is new.

The people are all friendly and wonderful.

Many of my mates from Korpus are in this gym.

This gym is like a family more than a company, I mean the atmosphere, jus wonderful.

It takes about 18 minutes to drive from Penela and now the road is like a carpet, maintenance still going on but it will be amazing having this new road without deep holes jumping up and down, now it’s just gliding like an angel on a bright cloud going to Condeixa.

I found about the new gym just few weeks ago. I was in the supermarket, looking for pines, when a security guard who is my friend asked me what gym I did go to now.

I told him I was looking for something after my horrible experience in the gym in Espinahl.

He told me to go over to the new one and talk to them. I went there and vola, I was hooked and started few days later.

I have been going 3 times a week and not dying! Now I am going to be there 4 times a week. I have to admit that I am not lifting the same I did 2 years ago but even though 5 kilos are the maximum for the moment it will change. Patience is the word that is in my head like a Christmas song all the time, patience patience and slowly slowly. Ugh.

I have calculated that I have 7 kilos of fat embracing my organs and they have to go, I mean the kilos, not the organs.

When you see a picture of me you can see that I don´t look fat. No, the fat is inside and more dangerous than if it was outside.

I am 171 centimetre and 72 kilos. My god! Horrible!

So the fire is on, the gym is on, the singing is on and soon I will be able to lift 10 kilos, he he he.

Have a great day my friends.

Hulda Björnsdóttir

 

15. nóvember 2018

Fyrir hverja er Félag eldri borgara í Reykjavík að vinna?

Fyrir hverja er Landssamband eldri borgara að vinna?

Hver er tilgangurinn með þessum félögum?

Ég spyr mig oft að þessu og fæ auðvitað engin svör. Ég veit þetta ekki og kem ekki auga á hvernig þarf að hafa 11 þúsund manna félag til þess að skemmta 100 manns á dansiböllum einu sinni í viku eða senda liðið í utanlandsferðir sem kosta morð fjár þegar tekið er tillit til upphæðar eftirlauna venjulegs fólks.

Jú, það kom fram í einhverjum þætti sem FEB sér um að dásamlegir jepplingar, held ég að það heiti, væru á svo ægilega góðum afslætti fyrir gamla fólkið.

Vinur minn hringdi í mig í gær og spurði hvort ég vildi ekki fá mér nýrri bíl. Ég saup kveljur og sagði honum hvernig gengið hefði tekið heljarstökk og hagaði sér eins og Niagara fossarnir væru markmiðið. Auðvitað er ég einn af þessum ósvífnu sem vogaði sér að flytja frá Íslandi og koma mér fyrir í landi þar sem ég á þó allavega fyrir brýnustu nauðsynjum út mánuðinn og get borgaða reikningana mína.

Núna þegar gengið er í hástökks ham þá er ég farin að fá hnút í magann. Hvernig verður þetta hjá mér næsta ár?

Allavega þá eru bílakaup ekki á dagskrá þó ég gæti sett minn upp í.

Utanlandsferðir eru heldur ekki á dagskrá hjá mér, ég hef ekki efni á svoleiðist lúxus enda niðurgreiði ég hungurlúsina sem Tryggingastofnun greiðir mér í Eftirlaun þar sem ég hef búið á Íslandi í 40 ár og uppfylli skilyrði fyrir fullum eftirlaunum frá TR. Fengi ég lífeyrissjóðinn minn óskertann sem er reyndar ekki nein milljón á mánuði, rétt 152 þúsund, þá væri ég betur sett, jafnvel þó gengið væri í hástökks ham.

Fara í mál við ríkið, segir fólk.

Fá þessu óréttlæti hnekkt, segir sama fólk.

Fara með þetta fyrir mannréttindadómstól, segja aðrir.

Heldur fólk að þó ég sé sár og reið yfir því að vera hlunnfarin hvern einasta mánuð að ég hafi efni á því að fara í mál við ríkið til þess að fá ranglætið leiðrétt?

Nei, ég er bara venjuleg kona og ekki komin af ríkustu ættum landsins.

Ég er grútmáttlaus ein og sér, fæ ekki einu sinni hina frægu heimilisuppbót sem frú Þórunn H og Bjarni Ben tuggast á daginn út og inn, jafnvel þó ég búi ein í útlandinu.

Mér er svo sem sama um þennan félagslega pakka sem heimilisuppbót er bara að ég fái sparnaðinn minn, lögbundna sparnaðinn minn, óskertann.

Ég er búin að skrifa þingmönnum, öllum þingmönnum, og fátt er um svör.

Ég er búin að gagnrýna FEB og LEB og ekkert gerist, ekki einu sinni virt viðlits.

Einn ágætur maður sem ég þekki reyndar ekkert sagði mér að Grái Herinn væri ekki partur af FEB.

Þegar Björgvin Guðmundsson hætti hjá FEB var nefnd sú sem hann veitti forystu lögð niður og Grái Herinn stofnaður í staðinn. Tilgangi hersins er hægt að fletta upp á síðu hans og svo er líka hægt að leggja saman tvo og tvo og fá út fjóra þegar skoðað er hvað skrifað er á facebook síðu FEB og hersins. Nákvæmlega það sama oftar en ekki og þar sem ég fékk út fimm í samlagninunni þá þætti mér ekki ólíklegt að sama persóna ritaði á báðar síðurnar.

Ég fæ köggul í magann þegar ég hugsa til þess að þurfa enn eina ferðina fyrir jólin að lesa hugvekju frá gjörsamlega handónýtum formanni FEB og vera sett í hólf sem “hinir minnstu bræður”.

Ég veit ekkert hvort Wilhelm væri góður formaður FEB. Ég veit hins vegar að hann gæti ómögulega orðið verri en sá sem nú starfar eða sá sem var á undan núverandi formanni.

Það eina sem ég veit er að við eldri borgarar virðumst ekki eiga nokkurn málsvara, alvöru málsvara.

Ég veit vel að það er alþingi sem ákveður upphæðir almannatryggingar.

Ég er ekki hálfviti.

Ég veit hins vegar að til þess að árangur náist til bættra kjara fyrir okkur sem komin erum yfir 67 ára aldurinn og viljum fá sparnaðinn okkar í lífeyrissjóði óskertann þurfum við að hafa samtök sem berjast fyrir okkar málstað en skrifa ekki hugvekjur og segja okkur að bíða róleg því samtal sé að eiga sér stað.

Vitið þið hver er í samtals hópnum sem nú dundar sér við vínarbrauð og kaffi að greina hópa eldri borgara og kjör þeirra?

Jú, það er frú Þórunn H sem hefur ALDREI gert nokkurn skapaðan hlut fyrir venjulegt láglaunafólk hvað þá eldri borgara þrátt fyrir formennsku hér og þar.

Er nema von að vonleysi grípi mig heljartaki og kreisti í mér hjartað og hlaði kvíðasteinum upp í háls?

Nei annars það má ekki gagnrýna þessa ágætu forystu.

Oh, ég er auðvitað óforskömmuð og andstyggileg en við erum með HANDÓNÝTA forystu fyrir eldri borgara sem er nokk sama um okkur, þrátt fyrir hugvekjur og falleg orð.

Þau ætla ekki að berjast fyrir okkar hönd til þess að fá aflétt skerðingum af greiðslum frá Lífeyrisjóðum. Sanniði bara til, það kemur nýr formaður FEB og LEB og allt heldur áfram eins og fyrr, flottir bílar, utanlandsferðir, dansiböll og sumba ásamt námskeiðum í hinu og þessu en ekkert sem skiptir raunverulega máli fyrir okkur, meirihlutann.

Hulda Björnsdóttir

13.nóvember 2018

Góðan daginn

Þann 8. þessa mánaðar sendi ég bréf til allra þingmanna á e-mail adressur þeirra.

Við erum núna að ljúka árinu 2018 og nútíma samskiptatækni ætti að vera í lagi.

Fljótlega fékk ég svar frá einum þingmanni, kurteist og sýndi mér að hann hafði lesið það sem ég skrifaði.

Þetta var eina svarið sem ég hef fengið og er ég frekar fúl.

Hvaða þingmenn hafa svo svarað mér í dag þann 13.nóvember?

Flokkur fólksins – Ekki einn einasti

Miðflokkurinn – Ekki einn einasti

Framsóknarflokkur – Ekki einn einasti

Píratar – Ekki einn einasti

Viðreisn – Ekki einn einasti

Vinstri græn – Ekki einn einasti

Samfylkingin – Ekki einn einasti

Sjálfstæðisflokkurinn – Einn þingmaður hefur svarað

Það kom mér á óvart að fá svar frá einum sjálfstæðismanni. Einn af þeim svaraði mjög kurteislega og ég varð mjög hissa svo ekki sé meira sagt.

Það kemur mér á óvart að Flokkur fólksins skuli ekki hafa látið svo lítið að segja mér að minnsta kosti að éta það sem úti frýs. Nei þessi flokkur sem gaf sig út fyrir að vera flokkur litla mannsins er líklega flokkur stóra mannsins þegar öll kurl koma til grafar.

Það kemur mér á óvart að þingmenn sem þiggja laun sín frá okkur skattgreiðendum skuli ekki láta svo lítið að svara bréfum sem þeim eru send með nútímatækni.

Nú ætla þessir sömu þingmenn að fá sér 17 aðstoðarmenn ofan á alla sem fyrir eru, þessir kjörnu fulltrúar sem láta ekki svo lítið að svara bréfi frá venjulegri íslenskri konu sem býr erlendis og hefur þess vegna ekki tök á að standa fyrir framan þinghúsið og afhenda hinum háæruverðugu kjörnu fulltrúum bréfið í eigin persónu.

17 nýjir aðstoðarmenn kosta offjár.

Eru þessir nýju aðstoðarmenn nauðsynlegir?

Getur verið að þeir fari að svara bréfum fyrir þingmennina?

Hvað er að gerast í þinghúsinu?

Jú, nú er búið að leggja niður Kjararáð sem bjó til launataxta fyrir þingheim. Hverjir taka nú við hjólinu og skammta þessum yfirhlöðnu þingmönnum laun í framtíðinni?

Getur það verið að það verði þingheimur sjálfur?

Hafið þið hugleitt hvernig launakjörin þeirra verða þegar þeir sjálfir setjast niður og meta hið ógurlega álag sem fylgir því að vera þingmaður?

Hafið þið hugleitt allar aukagreiðslurnar sem þeir fá og hafið þið opnað augun fyrir því hverjir það eru sem ákveða aukasporslurnar? Þingheimur sjálfur ákveður þær og skammtar ríflega þar sem þau sem sitja í forsætisnefnd þingsins vita svo vel hvað það er erfitt að vera þingmaður og sinna starfi sínu vel og hvað það er til dæmis mikilvægt að geta gefið rósir og haft frían síma og internet og skrifstofu ásamt dagpeningunum og ferðastyrkjunum og húsnæðisbótunum og öllum fríunum. Ég gæti haldið áfram en læt þetta nægja.

ÉG ER ÖSKUREIÐ Í DAG OG TILFINNINGIN SEM ER EFST HJÁ MÉR ÞEGAR ÉG HUGSA UM ÞINGHEIM ER FYRIRLITNING.

Kjörnir fulltrúar sem skyrrast ekki við að ljúga að kjósendum og lofa öllu fögru sem þeir vita svo sannarlega að þeir ætla ekki að standa við þegar komið er inn á þingið eru í huga mínum í dag ekki hátt skrifaðir.

Kjósendur eru auðvitað fífl að láta blekkjast aftur og aftur af fagurgalanum en ábyrgðin er þeirra sem bjóða sig fram til Alþingis.

Ég hlustaði á viðtal við formann landssambands eldri borgara þar sem hún var að útskýra hvað starfshópur sem hún er í hefur fundið út varðandi kjör sumra eldri borgara. Verið er að greina ástandið eina ferðina enn.

Hvað verður svo gert í framhaldi af þessu dæmalausa nefndarstarfi?

Jú, það verður að sjá til þess samkvæmt frú Þórunni að fólk geti verið með í þjóðfélaginu og í því felst helst að geta gefið gjafir og farið í leikhús. Hvernig verður séð til þess að þetta gangi upp?

Ég þori að hengja mig upp á að eitthvað svipað og “heimilisuppbót” fyrir suma verður sett á laggirnar. Félagsmála pakki fyrir útvalda. Eins og allir vita sem vilja vita hefur heimilisuppbót verið notuð á tyllidögum til þess að sýna hve há eftirlaun eru frá TR. Heimilisuppbót hefur verið hækkuð mun meira en eftirlaun frá TR, að sjálfsögðu, það er hægt án þess að koma mjög við kaunina á BB og co þar sem fáir hafa þessa félagslegu aðstoð. Auðvitað verður að gæta þess að auðmennirnir gjaldi ekki fyrir einhverja vitleysinga sem hafa vogað sér að verða 65 ára eða eldri.

Ég hef ekki mikla trú á formanni LEB og hef aldrei haft. Hún hefur sýnt það í störfum sínum fyrir láglaunafólk að skilningur hennar er takmarkaður í þjóðfélaginu í heild og þegar hún heldur áfram að tugga um gjafir og leikhús á meðan fólk á ekki fyrir mat er ekki von á góðu enda konan komin vel við aldur og ætti líklega að fara að setjast í helgan stein og hætta að gjamma.

Ég er hundfúl í dag.

Ég er reið við þingheim fyrir dónaskap sem 62 þingmenn hafa sýnt mér svart á hvítu með þögn.

Ég er auðvitað ósvífin að láta skoðun mína í ljós en þar sem ég á ekki eftir að lifa í 50 ár þá er mér eiginlega sama hvað öðrum finnst.

Ég er smátt og smátt að fyllast af fyrirlitningu þegar ég hugsa um þá sem stjórna landinu og skara endalaust að eigin köku, líklega allir sem einn.

Hulda Björnsdóttir

8. nóvember 2018

OPIÐ bréf til þingmanna sent með e-maili til allra þingmanna og vona ég að þeir opni mailið og lesi bréfið.

Ég niðurgreiði greiðslu frá TR með sparnaði mínum í Lífeyrissjóð.

Vitið þið af þessu háttvirtu þingmenn?

Finnst ykkur þetta vera í lagi?

Ætlið þið að gera eitthvað í málinu?

Ég ætla að leyfa mér að sýna fram á hvernig mitt persónulega dæmi lítur út í krónum. Ég tek mig sem dæmi þar sem ég tilheyri ekki hópnum sem hefur aldrei greitt í Lífeyrissjóð, einhverra hluta vegna og ég tilheyri heldur ekki hópnum sem er allra verst settur í þessu kerfi. Ég tek mig sem dæmi vegna þess að hækki eftirlaun frá TR mun ég fá enn minna af tekjum mínum frá Lífeyrissjóði, sem ég hef þó greitt í samkvæmt lögum í 40 ár, eða alla starfsæfi mína á Íslandi.

Það er nefninlega þannig að í núverandi kerfi niðurgreiðir sparnaður minn í Lífeyrissjóð það sem ég á rétt á að fá frá Tryggingastofnun ríksins!

Lífeyrir minn eftir 40 ára starfsæfi og greiðslu skatta allan þann tíma er þessi:

Frá Lífeyrissjóði fæ ég krónur 152.000 á mánuði fyrir skatt

Frá Tryggingastofnun fæ ég krónur 182.334 á mánuði fyrir skatt

Samtals gerir þetta krónur 334.334 fyrir skatt, og eftir skatt eru þetta 264.726 krónur

Þar sem ég bý erlendis fæ ég ekki heimlisuppbót, sem ég fengi annars ef ég byggi ein og á Íslandi. Heimilisuppbót er ekki partur af lífeyri, hún er félagsleg aðstoð sem ég ætti rétt á ef búseta mín væri ekki erlendis.

Skoðum dæmið aðeins betur.

Ef ég fengi ekkert frá Lífeyrissjóði, hefði aldrei sparað í hann, þá væru tekjur mínar þessar:

Frá TR 239.484 krónur á mánuði fyrir skatta.

Eftir skatt væri upphæðin krónur 204.914 á mánuði.

Eins og ég sagði fyrr fæ ég greiddar krónur 152.000 á mánuði frá Lífeyrissjóði og verða þær til þess að lífeyrir frá TR lækkar um krónur 57.150 á mánuði fyrir skatt.

Greiðsla til mín frá Lífeyrissjóði niðurgreiðir lífeyri frá TR um 57.150 krónur á mánuði, er þetta ekki eitthvað einkennilegt?.

Annað sem ég vil einnig vekja athygli á er að mismunur á greiðslum til mín og þess sem aldrei hefur greitt í lífeyrissjóð eru krónur 59.182 eftir skatt.

Ég fengi kr. 264.726 eftir skatt

Sá sem ekki hefur greitt í lífeyrissjóð fengi kr. 204.914 eftir skatt

Ég fengi 59.182 krónum meira samkvæmt núverandi kerfi en sá sem aldrei hefur greitt í Lífeyrissjóð

Frítekjumark eftirlauna frá TR eru krónur 25 þúsund á mánuði.

Þá spyr ég:

Nú hefur gengið tekið á sig uppsveiflu svo um munar. Verðbólga fer væntanlega af stað. Laun frá Lífeyrissjóði hækka um verðbólgu prósentuna. Hvað gerist þá?

Hækki lífeyrir frá TR og hækki greiðslur frá Lífeyrissjóði vegna verðbólgu, hver greiðir þá hækkunina frá TR? Jú, hækkun Lífeyrissjóðstekna niðurgreiðir hækkunina hjá TR. Skerðingarkerfið er þannig.

25 þúsund króna frítekjumark breytist ekki

Jú, jú, það er 100 þúsund króna frítekjumark ef fólk er enn á vinnumarkaði.

Jú, það er líka hægt að taka hálfan ellilífeyri og fá óskertar greiðslur frá TR, auðvitað bara hálfar greiðslur, en engine skerðing þar.

Hver hefur efni á því að taka hálfan ellilífeyri?

Er það fólk eins og ég sem niðurgreiðir það sem greitt er frá TR?

Nei, það eru þeir sem einhverra hluta vegna hafa það góðar tekjur að þeir þyrftu ekki endilega að sækja um ellilífeyri frá TR.

Venjulegt fólk, fólk eins og ég, getur ekki frestað því að taka eftirlaun frá TR. Venjulegt fólk eins og ég er ekki par hrifið af því að hafa borgað í lífeyrissjóð alla sína starfsæfi og niðurgreiða svo þau réttindi sem hafa áunnist við það að greiða skatta og skyldur til samfélagsins.

Skerðingar vegna greiðslna úr Lífeyrissjóði eru til háborinnar skammar fyrir íslensk þjóðfélag.

Alþingismenn geta, ef þeir vilja, fundið peninga í hýtinni til þess að afnema þessar skerðingar hjá venjulegu fólki en auðvitað þyrfti að vera þak á gjörningnum.

Ég sé ekki ástæðu til þess að sá sem hefur t.d. milljón á mánuði í tekjur, einhverjar tekjur, eigi að fá greitt frá opinberu kerfi. Þeir sem svo er ástatt fyrir geta séð um sig sjálfir á meðan við hinn venjulegi lítilmótlegi eldri borgari sem byggði upp þjóðfélagið fyrir þá sem nú sitja hið háa Alþingi eiga ekki að þurfa að niðurgreiða með sparnaði sínum það sem þeim er skammtað með lögum í ellilífeyri frá TR.

Einhver gæti sagt að mér væri heitt í hamsi.

Já, það er rétt.

Ég vona að alþingismenn sjái sóma sinn í því að opna þetta mail frá mér og lesi það. Setjist síðan niður og hugleiðið málið. Ég gæti verið ættingi ykkar. Ég gæti verið móðir ykkar. Ég gæti verið einhver úti í bæ og ekkert skyld ykkur.

Það sem ég er, ásamt svo mörgum öðrum, er eldri borgari sem er ekki par hrifinn af stjórnaháttum sem passa upp á að eldri borgarar geti helst ekki lifað og fyrir víst ekki haft mat á diskinum sínum alla daga mánaðarins.

Það eru til peningar.

Spurningin er einfaldlega í hvað þeir eru notaðir.

Ríkið er ekki síður ég og fátæku eldri borgararnir, en þú ágæti þingmaður, sem þarft líklega ekki að kvíða eftirlaunadeginum þínum.

Nú er kominn tími til þess að sýna manneskjuhliðina og afnema skerðingar á eftirlaunum frá TR og setja þak á skerðingarnar. Þeir sem hafa milljón á mánuði eiga ekki að fá eftirlaun frá TR.

Virðingarfyllst

Hulda Björnsdóttir

27.október 2018

Góðan daginn.

Það eru einhverjir sem skrifa jafnt og þétt á Facebook og í blöð og krefjast þess að ellilífeyrir frá TR hækki, og ekki bara að hann hækki heldur að hann skuli hækka STRAX.

Hvað lífeyririnn á að hækka mikið er svolítið á reiki hjá skríbentunum, og ekkert eðlilegra en að fólk hafi mismunandi skoðun á upphæðinni.

Það er ágætt að hrópa og heimta hærri lífeyrir frá TR en það er líka sniðugt að setjast aðeins niður og skoða hvað hækkun hefði í för með sér og hverjum hún mundi skila auknum tekjum.

Auðvitað á ég að vita það að verið er að tala um ÞÁ LÆGST LAUNUÐU SEM EKKI SKRIMTA AF ÞVÍ SEM TRYGGINGAKERFIÐ SKAMMTAR ÞEIM.

Það er líka talað aftur og aftur um þá sem ekki njóta neinna annara tekna en þeirra sem TR skammtar.

Ég ætla að leyfa mér að sýna fram á hvernig mitt persónulega dæmi lítur út í krónum. Ég tek mig sem dæmi þar sem ég tilheyri ekki hópnum sem hefur aldrei greitt í Lífeyrissjóð, einhverra hluta vegna og ég tilheyri heldur ekki hópnum sem er allra verst settur í þessu kerfi. Ég tek mig sem dæmi vegna þess að hækki eftirlaun frá TR mun ég fá enn minna af tekjum mínum frá Lífeyrissjóði, sem ég hef þó greitt í samkvæmt lögum í 40 ár, eða alla starfsæfi mína á Íslandi.

Það er nefninlega þannig að í núverandi kerfi niðurgreiðir sparnaður minn í Lífeyrissjóð það sem ég á rétt á að fá frá Tryggingastofnun ríksins!

Lífeyrir minn eftir 40 ára starfsæfi og greiðslu skatta allan þann tíma er þessi:

Frá Lífeyrissjóði fæ ég krónur 152.000 á mánuði fyrir skatt

Frá Tryggingastofnun fæ ég krónur 182.334 á mánuði fyrir skatt

Samtals gerir þetta krónur 334.334 fyrir skatt, og eftir skatt eru þetta 264.726 krónur

Þar sem ég bý erlendis fæ ég ekki heimlisuppbót, sem ég fengi annars ef ég byggi ein og á Íslandi. Heimilisuppbót er ekki partur af lífeyri, hún er félagsleg aðstoð sem ég ætti rétt á ef búseta mín væri ekki erlendis.

Skoðum dæmið aðeins betur.

Ef ég fengi ekkert frá Lífeyrissjóði, hefði aldrei sparað í hann, þá væru tekjur mínar þessar:

Frá TR 239.484 krónur á mánuði fyrir skatta.

Eftir skatt væri upphæðin krónur 204.914 á mánuði.

Eins og ég sagði fyrr fæ ég greiddar krónur 152.000 á mánuði frá Lífeyrissjóði og verða þær til þess að lífeyrir frá TR lækkar um krónur 57.150 á mánuði fyrir skatt.

Greiðsla til mín frá Lífeyrissjóði niðurgreiðir lífeyri frá TR um 57.150 krónur á mánuði, er þetta ekki eitthvað einkennilegt?.

Annað sem ég vil einnig vekja athygli á er að mismunur á greiðslum til mín og þess sem aldrei hefur greitt í lífeyrissjóð eru krónur 59.182 eftir skatt.

Ég fengi kr. 264.726 eftir skatt

Sá sem ekki hefur greitt í lífeyrissjóð fengi kr. 204.914 eftir skatt

Ég fengi 59.182 krónum meira samkvæmt núverandi kerfi en sá sem aldrei hefur greitt í Lífeyrissjóð

Frítekjumark eftirlauna frá TR eru krónur 25 þúsund á mánuði.

Þá spyr ég:

Nú hefur gengið tekið á sig uppsveiflu svo um munar. Verðbólga fer væntanlega af stað. Laun frá Lífeyrissjóði hækka um verðbólgu prósentuna. Hvað gerist þá? Hafa skríbentar hækkaðs lífeyris frá TR skoðaða það mál?

Hækki lífeyrir frá TR og hækki greiðslur frá Lífeyrissjóði vegna verðbólgu, hver greiðir þá hækkunina frá TR? Jú, hækkun Lífeyrissjóðstekna niðurgreiðir hækkunina hjá TR. Skerðingarkerfið er þannig. 25 þúsund króna frítekjumark breytist ekki. Ég hef ekki séð skríbentana tala um að það eigi að hækka.

Enn eina ferðina held ég því fram að það þurfi að hafa hugsað málið til enda þegar farið fram með kröfur um að þetta og hitt sé ekkert mál að leiðrétta strax.

Það þarf að skoða allann hópinn, ekki bara neðsta þrepið.

Ég hef sagt það 170 sinnum að skerðingarnar eru aðalmálið. Það er svo ótrúlega heimskulegt og brýtur í bága við allt hvernig við sem höfum sparað í Lífeyrissjóði, og farið eftir lögum um þann sparnað, erum látin niðurgreiða það sem greitt er frá Tryggingastofnun Ríkisins.

Einhver heldur því fram í dag að ný forysta ASÍ sem kosin var í gær sé handónýt.

Það getur vel verið að hún sé það, ég veit ekkert um það. Ég er svo heimsk að halda að þeir sem taka við forystu, hvar sem er, þurfi tíma til þess að sýna fram á að þeir séu starfi sínu vaxnir. En auðvitað er ég bara heimsk kona sem ekki er takandi mark á, eða hvað?

Ég er á þeirri skoðun að verkalýðsforystan í heild muni snúa sér að því að leiðrétta hið hörmulega óréttlæti, sem þeir sem fá tekjur úr lífeyrissjóði þurfa að sæta.

Forystumaður í FEB sagði á dögunum að ekki ætti að skammast út í FEB og stjórn þess félags. Skammast ætti út í ríkisstjórn því þar væri valdið.

Við forystu FEB og LEB vil ég segja þetta:

Ég og hinn almenni borgari sem kominn er á eftirlauna aldur erum ekki með þúsundir félagsmanna á bak við okkur. Ég og hinn almenni borgari á eftirlauna aldri þurfum að reiða okkur á forystu félaga eldri borgara og að sú forysta berjist fyrir bættum kjörum okkar rétt eins og verkalýðsfélag berst fyrir bættum kjörum félagsmanna sinna. Ég og hinn almenni eftirlaunaþegi höfum ekki þann aðgang að ríkisstjórn og þingheimi sem félag með tugi þúsunda manna á bak við sig hefur.

Forysta FEB og LEB verður áfram að búast við því að við, þessir vanþakklátu uppreisnarseggir, fylgjumst með því sem hægt er að fylgjast með af baráttu þessara samtaka. Upplýsingarnar eru nú reyndar ekki fljúgandi eða fljótandi til okkar vesæls almenningsins sem er þó að reyna að harka af sér og drepast ekki úr hungri eða vosbúð.

Að lokum þetta:

Ég fann hvernig kviknaði von í brjósti mér þegar síðasta stjórn FEB var valin.

Ég verð að viðurkenna að sú von hefur fölnað og fjarað út rétt eins og eldurinn í arninum mínum gerir ef ég bæti ekki á hann nýjum spýtum.

Ég fæ kr. 264.726 eftir skatt jafnvel þó ég fái 152 þúsund frá Lífeyrissjóði

Sá sem ekki hefur greitt í lífeyrissjóð fæ kr. 204.914 eftir skatt

59.182 krónur flytja mig í velmegunar hóp, samkvæmt þeim sem tala um baráttu fyrir bættum kjörum eldri borgara.

Er ég svo ýkja mikið betur sett en þeir sem hafa einungis eftirlaun frá Tryggingastofnun?

SKERÐINGAR VEGNA SPARNAÐAR Í LÍFEYRSSJÓÐ, ættu að vera forgangsmál þeirra sem tala um leiðréttingu á kjörum eldri borgara.

Auðvitað verður að vera þak á frítekjum. Það er enginn heilvita maður að tala um að þeir sem hafa “ofurtekjur” séu að fá það sama frá TR og sá sem er með 152 þúsund á mánuði í tekjur. Það þarf ekkert að taka þetta fram, bara augljós staðreynd.

Hulda Björnsdóttir

23. október 2018

Góðan daginn.

Ég er enn fjúkandi ill yfir því að Sjónvarp og dagblöð skuli birta bullið um skattleysi okkar hér í Portúgal og gylliboð Ástþórs á sama tíma og þessar ágætu stofnanir sjá ekki ástæðu til þess að birta tölur um hvernig búið er að eldri borgurum á Íslandi.

Maður eins og Ástþór sem hefur langan slóða á eftir sér virðist geta komið fram í sjónvarpi og dagblöðum aftur og aftur með sama málið.

Ég er líka undrandi á því hvernig fólk skrifar um málefni sem það hefur akkúrat enga hugmynd um og vitleysan sem haldið er fram er fyrir ofan minn skilning og er ég þó nokkuð vel gefin.

Mér datt í hug hvort það gæti verið t.d. að fólk sem setur langt og mikið blogg á DV viti ekki muninn á HAGSTOFU OG ÞJÓÐSKRÁ.

Ég á frekar bágt með að trúa því að Hagstofa sé að skipta sér af búsetu fóks, það er hlutverk Þjóðskrár, eða var það þegar ég fékk bréf um árið.

Ég veit að nú fæ ég líklega í hausinn einhverjar skammir en ætla þó að leyfa mér að setja eftirfarandi fram:

Eftir að ég skoðaði grúppur sem gætu hugsanlega haft Íslendinga búsetta í Portúgal innanborðs fann ég 2. Þær eru líklega fleiri en ég nenni ekki að leita.

Ástþór er að bjóða fólki upp á að svíkjast undan þvi að greiða til samfélagsins skatta og skyldur.

Ég veit að erlendis búa nokkrir íslenskir einstaklingar sem eru eftirlaunaþegar og þiggja eftirlaun sín frá Íslandi en eru skráðir til heimilis á Íslandi.

Ég þekki persónulega dæmi um þetta svo ég er ekki að fullyrða eitthvað út í bláinn. Því miður eru líka einhverjir öryrkjar sem leika þennan leik líka.

Eftirlaunaþegi sem er skráður ranglega á Íslandi heldur öllum bótaréttindum.

Eftirlaunaþegi sem er skráður löglega í landinu þar sem hann býr meira en 6 mánuði á ári missir heimilisuppbót og aðrar uppbætur, sama gildir um öryrkja.

Það er sorglegt að kerfið á Íslandi skuli vera þannig að fólk sjái sér hag í því að sveigja í kringum það. Það væri nær að búið væri svo að þeim sem eru komnir á eftirlauna aldur að þeir gætu farið eftir þeim reglum sem í gildi eru.

Ég hef oft sagt að það eigi að hætta að tala um heimilisuppbót sem part af eftirlaunum frá TR. Hún er félagsleg aðstoð og er bara fyrir suma.

Þessi dæmalausa uppbót mismunar eftirlaunaþegum harpallega og er í alla staði óréttlát að ég tali nú ekki um hvernig hún hefur hækkað mun meira en ellilífeyririnn sjálfur.

Ég ráðlegg fólki sem er að hlusta á Ástþór og hans útsendara að tala við RSK áður en fólk lætur peningana sína í hendur grúppunnar.

Ég bendi fólki líka á að þegar það spyr grúppufélaga um eitt og annað varðandi Portúgal þá breytast hlutirnir mjög hratt í landinu og það sem var í gildi fyrir 3 árum, að ég tali nú ekki um 8 árum, getur hafa snúist í marga hringi.

Aðgengi að bönkum og stofnun reikninga er allt annað í dag en það var fyrir örfáum árum.

Aðgengi að lánum fyrir eftirlaunaþega í Portúgal er ekki rétt eins og að drekka vatn.

Skattareglur í landinu eru flóknar og ekki hægt að gefa einhverja eina formúlu um hvað skattar séu háir. Það er prósenta í gangi, stigskipt eftir tekjum, en ýmislegt spilar inn í og getur haft áhrif á hve háir skattarnir eru.

Ég gæti hugsanlega gefið þeim sem hyggja á flutning til landsins það ráð að tala við Portúgala sem búa eða vinna á Íslandi. Það er fullt af þeim og þeir vita hvernig aðstæður eru í landinu.

Það getur vel verið að einhverjum detti í hug að allir tali ensku hér í landinu og ekki þurfi að hafa áhyggjur af málaerfiðleikum t.d. þegar farið er til læknis, á spítala eða bara á opinbera stofnun. Það er fullt af stofnunum hér í landi þar sem enginn, nákvæmlega enginn talar ensku og þá þarf að grípa til Portúgölsku. Öll pappírsvinna er á portúgölsku.

Eru þeir sem velta fyrir sér flutningi til landsins tilbúnir til þess að læra málið?

Það getur vel verið að íslenskt fólk sem býr í Portúgal sé allt strangheiðarlegt. Ég ætla ekkert að hafa neina skoðun á því, hver og einn getur svarað sinni samvisku.

Mér er vel kunnugt um að á Spáni finnst mörgum það ekki tiltökumál að svindla á kerfinu á Íslandi en auðvitað eru það líklega undantekningar en ekki reglan.

Ég þekki persónulega dæmi frá Bandaríkjunum þar sem ágætt fólk hefur svindlað í áratug og komist upp með það vegna aumingjaskapar míns meðal annars um að tilkynna ekki plottið.

Eftirlaun og bætur öryrkja eru til háborinnar skammar á Íslandi.

Ég hef sagt þetta hundrað og sjötíu sinnum að minnsta kosti og lítið þokast. Það er þó von núna þegar verkalýðsforysta er að taka málefni þessara hópa inn í baráttu verðandi kjarasamninga. Einhvern vegin þarf að koma í veg fyrir að regluverkið sé þannig að það bjóði upp á svik og svínarí. Sé það gert komast menn eins og Ástþór og co ekki inn í fjölmiðlana með gylliboð sem eiga sér enga stoð í raunveruleikanum og vekja upp vonir hjá fólki sem þegar á hólminn er komið eru loftbólur og ekkert annað.

Þið sem eruð að skoða tilboð Ástþórs gætuð til dæmis skoðað hvað hann sagði fyrir ári um Valhalla dæmið. Þið gætuð líka skoðað þetta með að hann sé að fara að byggja heilt hverfi. Var hann ekki að tala um þetta í maí? Ganga framkvæmdir eitthvað skrykkjótt hjá herranum?

Ég nenni ekki að tala um veðrið eða byggingalag og hvað það er dásamlega hlýtt yfir veturinn og gott fyrir gigtarsjúklinga að vera í litla landinu mínu, landinu sem mér þykir nú orðið svo ósköp vænt um og ætla að bera beinin í og láta svo dreifa mér yfir hafið á endasprettinum.

Ég ætla ekki heldur að tala um dauðaslysin sem eru á hverjum degi og skógareldana sem hafa svift landið skjóli frá ógnarvindi og lagt heilu þorpin í rúst og drepið fólk sem hefur verið að reyna að komast undan logunum sem læstu sig svo inn um bílrúðurnar.

Nei, ég ætla ekki að tala um þetta. Ég ætla bara að biðja fólk að trúa ekki Ástþóri, því hann lýgur lengra en hann mýgur.

Hulda Björnsdóttir

20.október 2018

Góðan daginn

Hér í Penela er fallegt vetrarveður, sól og sæmilega hlýtt þar sem hún skýn.

Viðurinn kemur í hús í dag og þá get ég hitað upp með arninum. Þegar kólnar meira verður sentral hitunin sett í gang og þá fljóta evrurnar eins og iðandi foss út um gluggann.

Það er munur á því að borga 8 evrur á mánuði fyrir gas og stökkva svo yfir veturinn upp í 3 eða 4 hundruð. Ég er auðvitað kuldaskræfa með of þröngar æðar og skildi vetrar snjóbuxurnar eftir á Íslandi fyrir mörgum mörgum árum. Það væri oft gott að hafa þær hér í litla landinu mínu en vonandi halda þær hita á einhverjum Íslendingi sem þarf þeirra með. Þær voru góðar!

Jæja, nú er ég komin langt út fyrir erindið.

Hvers vegna sest ég niður núna og skrifa?

Jú, ég hef verið að hugleiða svolítið hvernig fólk sem skrifar um kjör eldri borgara og öryrkja finnur fjölina sína.

Einhverjir virðast hafa greiðan aðgang að fjölmiðlum og er það fínt.

Aðrir hafa líklega ekki aðgang að einu eða neinu öðru en Facebook.

Einhverjir hafa sett upp sérstakar bloggsíður og enn aðrir hafa sett upp sér síður á Facebook.

Félag eldri borgara í Reykjavík og nágrenni heldur úti þáttum í sjónvarpi þar sem fjallað er um málefni þeirra sem standa sæmilega að vígi, sýnist mér.

Og einn netmiðill er í loftinu, það er að segja einn sem ég veit um, kannski eru þeir fleiri.

Þá eru það einstaklingarnir sem skrifa á Facebook síðuna sína og hafa kannski ekki aðgang að neinu öðru.

Síðast en ekki síst eru svo þeir sem hvorki hafa Facebokk, blogg, netmiðil eða aðgang að fjölmiðlum. Þessi hópur talar sín á milli og við vini og kunningja um málefnin.

Þetta eru leiðirnar sem mér detta í hug í augnablikinu.

Nú bregður svo við að þeir sem hafa getað farið í fjölmiðla þegar þeim hefur líkað, halda því fram að fjölmiðlar séu komnir í vont hlutverk og kannski orðnir óvinir viðkomandi.

Það er talað um ÞÖGGUN og ég bíð spennt eftir því að nú komi upp hróp um að fjölmiðlar, langflestir, séu orðnir ÓVINIR ÞJÓÐARINNAR.

Ég hef trú á fjölmiðlum.

Ég hef hins vegar ekki hugmynd um hvað fjölmiðlum finnst merkilegt og hvað ekki.

Ég fer ekki í fýlu ef fjölmiðill vill ekki birta það sem ég er að skrifa um málefni sem liggja mér þungt á hjarta. Eg bíð bara róleg eftir því að minn tími komi.

Það eru margar leiðir til í baráttu fyrir bættum kjörum eldri borgara og öryrkja.

Ég er þó farin að hallast að því að best sé að snúa sér beint til þingheims. Það tekur tíma að ná athygli þeirra, sérstaklega ef maður er ekki á landinu.

Þolinmæði er það sem ég hef verið að argast við. Þolinmæði og að gefast ekki upp. Ég held að það sé líka nokkuð vænlegt til árangurs þegar verið er að heimta að kjör eldri borgara og öryrkja séu leiðrétt STRAX að benda á hvar peningarnir sem á að nota strax séu niður komnir.

Það er ekkert endilega víst að þingheimur hafi komið auga á STRAX peningana og þá er auðvitað ekkert auðveldara en að þeir sem skrifa kannski dag eftir dag eftir dag eftir dag um að leiðrétta SKULI kjörin STRAX bendi þingheimi á í hvaða skúffu skuli fara.

Það er ánægjulegt þegar þingmenn taka eftir því sem verið er að skrifa. Ég er sannfærð um að fleiri en þeir sem hafa orð á því hvað þeir hafa lesið, hafa séð skrif og vaknað aðeins til hugsunar sem er örlítið á skjön við það sem venjulega er. Það er hins vegar óþarfi og ekki vænlegt til árangurs að æpa um þöggun og valdnýðslu fjölmiðla þó þeir birti ekki allt sem kemur til dæmis á Facebook eða á blogg síðum.

Ég er sannfærð um að engin þöggun sé í gangi. Fréttamat er bara misjafnt og getur breyst á einu augnabliki.

Einn góðann veðurdag verða fjölmiðlar ábyggilega fullir áhuga á málefnum eldri borgara. Það þarf bara þolinmæði og þrautseigju þeirra sem eru að vekja athygli á málefninu og óþarfi að fara í fýlu þó BESTI STAÐUR færist til í einhverju blaði.

Þorlinmæðin borgar sig yfirleitt.

Ég ætti kannski að enda þetta með því að berja mér aðeins á brjóst! Nei, ég held ég geymi það til betri tíma, og kannski þarf ég bara ekkert að berja mér brjóst.

Ég er bjartsýnni núna en ég var fyrir nokkrum vikum. Ég held að ég hafi fundið part af fjölinni minni og líklega fylgir heil spýta í kjölfarið.

Hulda Björnsdóttir

17.okbóber 2018

Ég er öskureið.

Hefur einhver hér séð mig segja þetta áður?

Líklega, en ekkert sérlega oft þó.

Á örfáum dögum hef ég orðið fyrir launatapi sem nemur hvorki meira né minna en 26.628 krónum.

Gengið fellur og þetta er einfaldlega staðreynd hvernig ég kem út í dag og líklega enn verra á morgun þar sem hátökk krónunnar heldur áfram.

Tugir þúsunda íslendinga hafa flúið örbirgð á landinu og sest að í útlöndum í þeirri von að geta lifað dag frá degi án þess að þurfa að óttast að hafa ekki mat næsta dag.

Þessir Íslendingar hafa ekki hátt.

Þessir Íslendingar eru eftirlaunafólk og öryrkjar ásamt fátæku ungu fólki.

Á Íslandi er gamall pólitíkus sem skrifar fjálglega á hverjum einasta degi um að hækka skuli bætur TR og það skuli gera strax. Þessi ágæti pólitíkus vill ekki að honum sé mótmælt og segir að ég eigi ekki að vera að skrifa á móti honum. Nú er hann búinn að afreka að fá 7.905 manns til þess að setja nafn sitt við undirskriftasöfnun, sem var EKKI aðgengileg fyrir ALLA, og gaurinn kominn með mynd af sér ásamt fríðu föruneyti afhenda Steingrími listann.

Heimska sumra er svo ótrúlega dásamleg að meira að segja mig skortir orð.

Talar Björgvin og frúin sem var ábyrgðarmaður fyrirbærisins einhverntíman um þá Íslendinga sem hafa flúið land?

Tala þau einhvern tíman um hvernig eftirlaun frá TR eru skert vegna sparnaðar í Lífeyrissjóði?

Tala þau einhvern tíman um hina margfrægu heimilisuppbót sem hækkað hefur stórkostlega á meðan eðlilegum eftirlaunum hefur verið haldið niðri?

Tala þau einhvern tíman um þá sem hafa safnað áratugum saman í Lífeyrissjóð og niðurgreiða svo það sem kemur frá TR?

Og þá kem ég að rúsinunni í pylsuendanum.

Talar þetta fólk einhvern tíman um hvernig gengið, sem nú er handstýrt af valdagráðugri ríkisstjórn, fer með fólkið sem hefur flúið landið til þess að svelta ekki?

Nei, nú er fátt um lausnir og hefur reyndar alltaf verið. Það er hægt að heimta og heimta dag eftir dag og segja í sjónvarpi að þeir sem hafi rétt yfir 200 þúsund á mánuði komist ekki af og þurfi að fá aðstoð frá ættingjum eða bara eitthvað. Flott var það þegar ég horfði og hlustaði. Alveg hreint eins og út úr munni forhertra pólitíkusa sem hafa ekki hugmynd um hvernig venjulegt fólk lítur út.

Gengið á hástökksbraut hefur ekki bara áhrif á okkur sem höfum flúið landið. Það hefur áhrif á allt láglaunafólk á Íslandi hvaða hópi sem það tilheyrir.

Verðlag á landinu hækkar.

Lánin hækka.

Verðbólgan fer af stað.

Þeir sem eiga peninga koma þeim úr landi og er skítsama um “aumingjana”.

Eina prósentið sem á allt á landinu og lætur þjóðina borga hvert tapið á fætur öðru er nú himinlifandi yfir því að loksins loksins loksins sé komin gengisfelling!

Já, þetta hét gengisfelling og var venjulega gert í einu stökki t.d. þegar DO var við völd.

Nú er auðvtiað búið að finna upp fínna orð og kallast þetta sig.

Þeir sem berjast fyrir fátæka fólkið eru grútmáttlausir vegna heimsku. Þeir eru í fína skókassanum og fara ekki upp úr honu, líta ekki einu sinni út fyrir brúnina á kassa greyinu.

Er frú bandamaður öryrkja núna að þenja sig?

Er frúin flutt út og búin að fá sér nýja íbúð eða er hún enn á spenanum?

Tek þetta bara sem dæmi án þess að ætla að vera andstyggileg. Skattpeningar fátæka fólksins borga fyrir frúna formanns launin, er það ekki?

Viðbjóðslegt eiginhagsmunapot fárra er að éta íslenskt þjóðfélag innan frá og það er orðið holt og springur eins og graftarbóla rétt bráðum.

Jú, það var eitt svo VOÐA merkilegt við könnunina.

Steingrímur tók henni vel!

Hvaða endemis fíflalæti eru þetta?

Bjóst einhver við því að maðurinn yrði með fýlusvip og dónaskap fyrir framan sjónvarpsvélarnar?

Nei, líklega skemmtir skrattinn sér vel, hvar svo sem hann er niðurkominn núna, þegar hann horfir á íslenskt baráttufólk fyrir suma mega vart halda vatni yfir afreki sem verður lengi í mynnum haft, á sama tíma og ALDREI er minnst á aumingjana sem þurfa að taka á sig birgðar gengisfellingar og missa heimili sín og alla reisn.

Skrattinn sér í gegnum hræsnina og hlær dátt.

Ég sé líka í gegnum hræsnina en ég hlæ ekki.

Ég þjáist með fátæka fólkinu á Íslandi og ég er öskureið yfir því að enn og aftur er verið að stela af eftirlaunum mínum og forysta eldri borgara segir ekki neitt, ekki MÚKK.

Ég er æfareið og þið sem ætlið að bera í bætiflákann fyrir hræsnina getið auðvitað gert það en hugleiðið smávegis að þeir sem virkilega eru að berjast þurfa ekki að standa á torgum og berja sér á brjóst.

Alvöru baráttufólk berst með öllum tiltæknum ráðum og lætur ekki mikið fyrir sér fara.

Sem betur fer er til þannig fólk, þið hafið bara ekki komið auga á það. Það verður barátta þessa auðmjúka fólks sem mun koma á betra þjóðfélagi á meðan skrumararnir falla um eigin lappir.

Hulda Björnsdóttir

14.október 2018

Góðan daginn gott fólk.

Ég veit að margir íslenskir vinir mínir voru áhyggjufullir vegna ofsaveðursins sem gekk yfir litla landið mitt í nótt.

Klukkan rúmlega 10 í gærkvöld fór rafmagnið af í litla bænum mínum og enginn sími og internet.

Nú er kominn sunnudagur og veðrið gengið niður að mestu.

Ég viðurkenni fúslega að í gær var ég kvíðin. Ég kveið fyrir ofsarokinu sem hefur komið hér stundum á þessum tæpum 8 árum sem ég hef búið hérna en nú vissi ég að það sem hafði dunið yfir áður gæti verið smámunir miðað við það sem í vændum var.

Reyndin varð líka sú. Rokið sem dundi á í nótt og gærkvöld var eins og það versta sem ég upplifði í Kína.

Upp úr klukkan 9 í gærkvöld var farið að hvessa verulega og vandræðin byrjuð í Porto. Portó er þó nokkuð fyrir norðan mig, um það bil 200 km í norður. Ég sá í fréttunum að tré væru tekin að falla í borginni og rigning og rok vaxandi.

Það færðist yfir mig einhver undarleg ró og ég vissi að ég hafði gert allt sem ég gat til þess að verjast ófreskjunni og nú var bara að vona hið besta og sitja veðrið af sér.

Einhver spurði mig hvort ekki væri hægt að fara eitthvað í skjól, til dæmis í shelters eða bara eitthvað? Nei það er ekkert svoleiðis hér. Við björgum okkur bara sem best við getum þar sem við erum niðurkomin.

Upp úr klukkan 10 skall rokið á með ofsaþunga í bænum mínum og rafmagnið fór, ég vissi að nú væri líklega vonin það eina sem eftir væri í bili.

Það hristist allt og skalf, rigningin lamdi glugga og veggi og ef eitthvað lauslegt var einhvers staðar þaut það af stað með ofsahraða. Sem betur fór virtust íbúar götunnar minnar hafa búið sig undir ófreskjuna og flestir tekið allt lauslegt inn en bílarnir stóðu úti og svo auðvitað gróðurinn. Það var ekki hægt að færa trén. Nú reyndi á hversu sveigjanleg þau yrðu.

Eins og ég hef stundum sagt frá þá eru allar rafmagnslínur á lofti og strengdar inn á milli trjánna og staurarnir trjábolir. Það örlar aðeins á því að farið sé að leggja nýja staura sem eru steyptir en það er algjör undantekning. Í stormi og skógareldum vitum við að rafmagnið muni fara og síminn detta dauður líka. Þetta er bara svona hérna í litla landinu mínu.

Með morgninum, um sexleitið, fór að lægja og þá var loksins kominn tími til þess að geta sofnað. Vökunótt er ekkert til þess að tala um í svona ástandi. Það er hægt að bæta sér svefninn, hitt er verra að tjónið sem orðið er verður í sumum tilfellum ekki bætt og er undarlegt að minnast þess að 15. Október í fyrra geysuðu hrikalegir skógareldar fyrir norðan og tugir manna létu lífið og ótal hús eyðilögðust.

Að þessu sinni voru það ekki eldar sem lögðu heimili í rúst og slösuðu fólk, það var stormurinn og rigningin.

Þau svæði sem verst urðu úti í nótt voru Coimbra, svæðið sem ég tilheyri, Aveiro, Viseo og Leiria.

Þjóðvegir hafa lokast vegna trjáa sem liggja þvert yfir. Vegirnir verða auðvitað opnaðir fljótlega en vatnsskemmdir á húsum til dæmis í Coimbra eru miklar og heilu trén féllu á húsin og eyðilögðu hús og bíla, vítt og breitt um landið.

Figueira da Foz varð mjög illa úti. Þar æddi sjórinn upp á landið og eyrði engu.

Ég gæti haldi áfram að telja upp allt það sem gerðist en læt þetta duga.

Vinkona mín hringdi í mig í morgun og grét í símann, hún sagðist aldrei á ævinni hafa upplifað annað eins og var skelfingu lostin. Hún og fjölskylda hennar eru heil á húfi og það er einhvern vegin það sem mestu máli skiptir. Það liggja niðri rafmagnslínur um allt hjá þeim en EDP vinnur hörðum höndum nótt og dag til þess að koma fólki í samband aftur.

Einhverjar skemmdir eru á blokkinni minni. Veggurinn á næstu hæð fyrir ofan mig hefur sprungið á þtemur stöðum í látunum og gætu verið fleiri skemmdir en mér fannst nóg að skoða þessa hæð í morgun. Það flæddi ekki inn í bílageymsluna sem var gott mál en við íbúarnir bjuggumst hálft í hvoru við því.

Í morgun fór ég í göngutúr um þorpið, rétt um 10 leytið. Ég lagði af stað í nokkuð fallegu veðri en á miðri göngunni skall á hellirigning og rok. Ég kom heim holdvot og veðurbarin en sólin var farin að skína þegar ég gekk síðasta spölinn niður götuna mína. Ótrúlegar sviftingar og hafa þær haldið áfram í dag.

Kirkjugarðurinn fallegi er í rúst. Þar hafa legsteinar og blóm fokið út í veður og vind og verður sárt fyrir aðstandendur sem sjá vel um fólkið sem er farið að horfa upp á skemmdirnar. Auðvitað verður þetta allt lagfært en sorgin er ábyggilega mikil.

Ég gekk fram hjá húsi nágranna minna, þau búa í blokkinni, en eiga stórt fallegt hús á öðrum stað í bænum. Í kringum húsið var allt í rúst. Tré og runner, blómapottar og hengirunnar, allt brotið og bramlað.

Það er mikið af skiltum sem segja að íbúðir og hús séu til sölu hangandi utan á húsum. Þessi skilti eru ekki lengur heil, vindurinn hefur svift þeim í marga parta.

Út um op á húsi sem verið er byggja ekki langt frá mér héngu einangrunarplöst og alls konar plöst. Þetta voru eins og saur pokar utan á manneskju. Ótrúlegt en satt. Grindur sem voru fyrir öðru húsi sem er í byggingu lágu á miðri götunni. Byggingaverktakinn var að renna í hlað til þess að fjarlægja grindurnar þegar ég kom labbandi.

Íbúar voru í óða önn að sópa upp laufum og greinum af stéttunum sem liggja að húsunum. Sumir höfðu orðið fyrir vatnstjóni og aðrir virtust vera með brotna glugga.

Fallegu stóru appelsínurnar sem ég hef verið að gefa auga undanfarnar vikur fyrir utan elliheimilið lágu út um alla gangstéttina. Stóra fallega tréð á hringtorginu sem liggur við götuna sem ég geng venjulega var í rúst. Greinarnar lágu út um allt.

Núna, þegar ég skrifa þetta er himininn grár og ylgdur og sést varla í fjöllin fyrir framan mig.

Svona dagar líða líklega ekki úr minni. Ég man eins og gerst hafi í gær þegar ofsarokin skullu á húsinu mínu í Kína og pálmatrén og eiginlega öll tré voru rifin upp með rótum og lágu eins og hráviður út um alla eyjuna.

Nóttin í nótt verður vonandi sú síðasta á þessu ári þar sem veðurguðirnir steyta hnefann framan í okkur mannfólkið sem hlustum ekki á hljóðin sem biðja okkur um að hlífa jörðinni og hætta að spúa eitri út í loftið og eyðileggja heiminn.

Kæru íslensku vinir, sem höfðu áhyggjur af mér og senduð mér hlýja strauma, ég þakka ykkur fyrir og veit að góðar hugsanir á erfiðum stundum eru gulli betri.

Nú heldur lífið áfram og ný vika framundan með fallegum haustdögum og viðurinn kemur í hús í vikunni svo hægt verður að kveikja upp í arninum og hlýja íbúðina þegar kuldinn læsir klónum í gegnum hola veggina. Það er góð líkamsrækt að bera viðinn upp á aðra hæð og ætti að styrkja heilsuna. Standi ég á öndinni á miðri leið eru góðir nágrannar á næsta strái sem draga mig að landi eins og svo oft áður.

Hulda Björnsdóttir