My thoughts shared with you

12. nóvember 2019

UPPKAST

Ég er að velta fyrir mér framkomu þingheims sem stýrir því hvernig fjármunum þjóðarbúsins er varið. Þetta er uppkast og vafalaust einhverjar villur sem leiðrétta má. Ég þigg allar góðar ábendingar og held áfram að þróa þetta plagg.

Ég ætlaði að skerða laun  þingmannsins um 45% eins og gert er við eftirlaunin mín!

Hvernig kemur það svo út?

Eftir að hafa skoðað laun Klaustursfrúarinnar þá er ég eiginlega á báðum áttum með hvernig ég get hugsanlega verið svo andstyggileg að skerða gullið um 45% og ætla að láta það bíða aðeins.

Ég ætla að leyfa mér að hvetja þá sem hafa tölvur til að fara inn á vef alþingis og skoða einstaka þingmenn. Það kemur ýmislegt fróðlegt í ljós.

Ráðherrar hafa lækkað verulega í launum samkvæmt vefnum eftir að þeir urðu ráðherrar.

Hver eru svo laun frúarinnar fyrir árið 2019 á mánuði? Þar er ég að tala um fastar mánaðargreiðslur sem hún þarf að greiða skatt af:

Svo laun Klaustursfrúarinnar eru á mánuði svona:

Laun (þingfararkaup)1.101.194 kr.

Fastur starfskostnaður per mán er kr 40.000

Fastur ferðakostnaður í kjördæmi er 30.000

Frúin er ekki formaður nefndar eða þingflokks og hefur þar af leiðandi ekki nema þetta í föst mánaðarlaun. Þar með er ekki sagt að hún lepji dauðann úr skel því eitt og annað fellur til fyrir hina háttsettu !!!!!!

Þingkona Miðflokksins hefur til dæmis fengið þetta greitt í ferðakostnað innanlands það sem af er árinu 2019:

Svo hefur frúin auðvitað ferðast erlendis

Skattfrjálsar greiðslur það sem af er árinu 2019 til Miðflokksdömunnar eru

1.786.492 + 983.455 = 2.769.947 + 59.083 = 2.829,030

Já, ekki mátti gleyma síma og netkostnaði en hann hefur verið á árinu samtals krónur 59.083 og bætti ég honum við hér fyrir ofan.

Samtölur þessa eina þingmanns fyrir það sem er af árinu 2019 í skattfrjálsar tekjur eru 2.829.030

Tekjur mínar í fyrra fyrir allt árið voru rétt rúmlega 3 milljónir. Frúin, þessi miðflokkspía fær í skattfrjálsar tekjur meira árið 2019 en ég fékk fyrir allt árið í skattskyldar tekjur. Auðvitað er ég komin á eftirlaun og þarf svo sem ekkert að vera að ybba mig.

Svo fékk frúin 80 þúsund fyrir nýjum síma í fyrra. Auðvitað!

Hér kemur bil sem hægt er hugsa sér að ég sitji og hugleiði framhaldið en fyrir neðan heldur svo málið áfram!

Hver eru svo laun frúarinnar fyrir árið 2019 á mánuði? Þar er ég að tala um fastar mánaðargreiðslur sem hún þarf að greiða skatt af:

jú

Laun (þingfararkaup)1.101.194 kr.

Nú skulum við setjast niður og reikna þingfararkaupið sem hún fær greitt ef við skerðum hana eins og eldri borgarar þurfa að sætta sig við alla mánuði ársins.

45% skerðing af 1.101.194 krónum er 495.554

Launaseðillinn sem ég vil að frúin fái er svona:

Laun krónur 1.101.194

Mínus 4% lífeyrissjóður kr. 44.048

Staðgreiðsluskyld laun kr. 1.057.146 (vegna þess að framlag í Lífeyrissjóð er skattfrjálst þar til farið er að taka út lífeyrinn)

Staðgreiðsla : 402.605 mínus persónuafsláttur 56.447 = 346.158

Útborguð laun ef ekki er skert: 710.988

ÚTBORGUÐ LAUN MEÐ 45% SKERÐINGU eru krónur 1.101.194 mínus 495.554 = 215.434 krónur á mánuði hjá frú Klaustursdömu,

 en auðvitað fær frúin fullt af fíniríi sem er ekki skattskylt þannig að hún fengi líklega aðeins meira en þessar rúmar tvöhundruð þúsundkrónur.

Hér að neðan eru allar greiðslur sundurliðaðar eftir mánuðum:

 Laun (þingfararkaup) 2019

Mánuður      Upphæð

Janúar           1.101.194

Febrúar        1.101.194

Mars  1.101.194

Apríl  1.101.194

Maí     1.101.194

Júní    1.101.194

Júlí      1.101.194

Ágúst 1.101.194

September   1.101.194

Húsnæðis- og dvalarkostnaðargreiðsla 2019

Mánuður             Upphæð

Janúar   134.041

Febrúar                187.657

Mars      187.657

Apríl       187.657

Maí        187.657

Júní        187.657

Júlí          187.657

Ágúst    187.657

September         187.657

Fastur ferðakostnaður í kjördæmi 2019

Mánuður             Upphæð

Janúar   30.000

Febrúar                30.000

Mars      30.000

Apríl       30.000

Maí        30.000

Júní        30.000

Júlí          30.000

Ágúst    30.000

September         30.000

Fastur starfskostnaður 2019

Mánuður             Upphæð

Janúar   40.000

Febrúar                40.000

Mars      40.000

Apríl       40.000

Maí        40.000

Júní        40.000

Júlí          40.000

Ágúst    40.000

September         40.000

Ferðir á eigin bifreið 2019

Mánuður             Upphæð

Ágúst    47.740

Ferðir með bílaleigubíl 2019

Mánuður             Upphæð

Janúar   68.778

Febrúar                69.216

Mars      68.972

Apríl       69.087

Maí        69.396

Júní        69.615

Júlí          56.100

September         54.600

Flugferðir og fjargjöld innan lands 2019

Mánuður             Upphæð

Janúar   227.937

Febrúar                42.840

Mars      85.275

Apríl       240.338

Maí        128.942

Júní        69.426

Ágúst    146.121

September         189.287

Gisti- og fæðiskostnaður innan lands 2019

Mánuður             Upphæð

Febrúar                62.609

September         20.213

Flugferðir utan lands 2019

Mánuður             Upphæð

Apríl       37.035

Júní        281.440

Ágúst    76.905

Gisti- og fæðiskostnaður utan lands 2019

Mánuður             Upphæð

Apríl       88.241

Dagpeningar 2019

Mánuður             Upphæð

Apríl       84.565

Júní        313.339

Ágúst    101.930

Síma- og netkostnaður 2019

Mánuður             Upphæð

Janúar   6.060

Febrúar                6.000

Mars      6.000

Apríl       6.000

Maí        6.022

Júní        11.001

Júlí          6.000

Ágúst    6.000

September         6.000

Ekki má gleyma því að frúin fær jólabónus í desember sem er líklega í kringum 180 þúsund eða rúmlega það!

Er mér eitthvað sérstaklega illa við þessa frú?

Nei, eiginlega ekki, hún var að vísu partur af Klaustursævintýrinu en hérna er ég bara að tala um laun þingmanns sem ég valdi af handahófi og ekki er hægt að skamma mig fyrir að taka formann FF á beinið í þessari grein!

Það sem ég er að tala um er hvernig þingmenn mata krókinn og hvernig þeir kæmu út ef þeir þyrftu að sæta sömu skerðingum og við eldri borgarar og að ég tali nú ekki um öryrkjana og hvernig troðið er á þeim og þeirra kjörum alla daga.

Ráðherrar eru á listanum yfir laun þingmanna á vef alþingis en allar aukagreiðslur eru greiddar af ráðuneytunum og eru vel geymt leyndarmál.

Ég tek aftur fram að þetta er uppkast og ef einhver hefur áhuga á að skoða þetta dæmi og gera athugasemdir og leiðrétta þá er það vel þegið. Ég er að velta fyrir mér upplýsingum og reyna að komast að niðurstöðu. Það tekur tíma en ég vildi leyfa ykkur að fylgjast með framvindunni.

Hulda Björnsdóttir

11.nóvember 2019

Ég ætla að leyfa mér að spúa því út úr mér að þingmenn ættu að skammast sín. Kjör þeirra eru hlægileg. Þeir komast undan því að greiða skatta af tekjum (hlunnindum) sem hinn almenni launþegi þarf að greiða af.

Þingmenn fá himinháa persónuuppbót ofan á ágætis laun í desember á meðan öryrkinn og eldri borgarinn þurfa að lepja dauðann úr skel. Þeir sem arga úr stól Alþingis um bætt kjör þeirra sem minnst hafa ættu að éta það sem úti frýs og sæta sömu skerðingum og sömu reglum um skattskyldu og fátæka fólkið.
Ég er svo ægilega fúl núna að ég þori varla að skrifa meira því eitthvað gæti læðst út úr puttunum á mér sem ég yrði svo sett í fangelsi fyrir því auðvitað má ekki hnika við aðlinum.

10.nóvember 2019

Löggjafinn er vinur litla mannsins, Það fer ekki á milli mála!

Við sem komin erum á eftirlaunaaldur og höfum alla okkar hundstíð lagt fyrir til þess að geta lifað eins og venjulegt fólk þegar við hættum að vinna rekum okkur kyrfilega á og fáum að finna fyrir því að sparnaður samkvæmt lögum er ekki alveg það sem við bjuggumst við.

Þessi vinur litla mannsins, það er löggjafinn, sem situr á Alþingi og vélar þar um hvernig hægt sé að hjálpa aumingja útgerðinni sem er kannski enginn útgerð en hefur fengið á silfurfati úthlutað kvóta sem þeir svo græða á, bæði á tá og fingri, er EKKI  vinur okkar venjulega fólksins.

Fjárlög næsta árs sanna kyrfilega fyrir hverja ríkisstjórn rauðlyppuðu konunnar vinnur.

Nú eru jól á næsta leyti.

Auglýsingar um allan heim um dásemd hátíðarinnar og dásemd kaupmanna og dílara dynja jafnt og þétt alla daga og kvöld.

Nú er að renna upp tími sjálfsmorða og uppgjafar hjá mörgum.

Nei, nei, nei, ekki tala um svoleiðis NÚNA, segja hinir háu herrar sem er nokk sama um meðferðarúrræði hins sótsvarta almúga. Hinir háu herrar skreppa út fyrir landssteinana eða bara á einkapláss þurfi þeir að þurrka sig eða eitthvað annað enn hallærislegra eins og til dæmis í hjartaaðgerð eða slíkt.  Engum hinna háu herra dettur í hug að ómaka sig á því að skoða tölur um sjálfsvíg á þessum tíma svona rétt fyrir jóli. Nei nei alls ekki.

Ég er ekki á því að gefast upp sem betur fer en ætla að leyfa ykkur að sjá hvernig farið er með sparnaðinn minn eftir 40 ára starfsævi.

Mitt dæmi er nokkurn vegin svona núna:

Ég fæ 157 þúsund út úr Lífeyrissjóði, verðbólgan hefur hækkað greiðsluna um nokkur hundruð á árinu.

Ég borga skatta af þeirri upphæð (greiðslunni frá Líf) þar sem framlag mitt var ekki skattlagt þegar ég lagði það fyrir (reyndar er partur af framlagi mínu tvískattaður vegna þess að fyrir núverandi fyrirkomulag greiddum við staðgreiðslu af öllum launum og gátum ekki eins og gert núna dregið frá framlag í lífeyrissjóð og séreignasparnað)

Nú er ég komin á eftirlaunaaldur og á að fá greitt frá TR krónur 248.105 þúsund á mánuði

En

Þar sem ég hafði lagt fyrir í Lífeyrissjóð passar löggjafinn upp á að ég sé ekki of sæl
og segir mér að 25 þúsund krónur séu frjálsar og ég geti notað þær eins og ég vilji
En eftir það skuli ég gefa ríkinu 45% af sparnaðinum mínum því auðvitað megi löggjafinn  ekki til þess hugsa að ég gæti ef til vill átt fyrir mat alla daga mánaðarins.

Löggjafinn ákvað að ég og aðrir sem komnir eru á eftirlaun þurfi ekki 45% af því sem ég og aðrir spöruðu lögum samkvæmt og rífur af mér ( og öllum þeim sem fórum eftir lögunum) án þess að blikna, þessi 45 prósent og notar til þess að niðurgreiða það sem mér ber frá TR.

Þannig að útkoman mín er svona:

188.705 á mánuði frá TR

Frádreginn skattur 69.708 mínus persónuafsláttur 56.447 samtals skattur kr.13.261 vegna greiðslu frá TR.

Samtals greitt frá TR eftir skatt kr. 175.444

Síðan koma 157.000 krónur frá Líf VR og þar af borga ég fullan skatt sem er krónur 57.996 þannig að eftir skatt eru tekjur mínar frá LÍF VR kr.99.004

Fyrir skatta lítur dæmið út þannig: greiðsla frá TR 199.705 og greiðsla frá líf VR 157.000

Samtals eru þessar tekjur fyrir skatt 345.705

Síðan er dreginn frá skattur 71.257 og eftir standa 274.448

Skýring:

(Hvernig er skerðingin reiknuð út hjá mér?

Eftir 25.000 frítekjumark eru tekjur frá Líf reiknaðar 132.000

og 45% af þeirri upphæð er 59.400 sem er dregin frá 248.105

svo út fæ ég frá TR krónur 188.705 þúsund.

157.000 mínus 25.000 = 132.000

45% af 132.000 = 59.400

248.105 mínus 59.400 = 188.705 )

Auðvitað eru margir með minni tekjur en þetta á mánuði og er mér það vel ljóst. Ég tek mitt dæmi af því að það er persónulegra en að vera að tala um Jón eða Gunnu úti í bæ.

Ég verð hins vegar að segja að byggi ég á Íslandi gæti ég ekki lifað af þessum 274.448 krónum mannsæmandi lífi. Ég gæti hugsanlega átt fyrir mat ef ég væri heppin með húsaleigu. Ég gæti örugglega ekki farið til tannlæknis eða keypt mér gleraugu reglulega. Ég gæti líklega átt fyrir lækniskostnaði ef ég væri ekki því lasnari og ég kæmist ábyggilega ekki í venjulega líkamsrækt því hún væri of dýr fyrir mig. Gæti ég átt bíl og rekið hann? Ég bara veit það ekki en finnst það frekar ótrúlegt en auðvitað er hægt að ferðast með strætó ef maður hefur heilsu til þess í hvaða veðri sem er.

Svo koma jólin. Ætli það væri mikið um veisluhöld hjá mér um hátíðina? Hefði ég ráð á því að bjóða fólki í mat eða gæti ég keypt jólagjafir handa þeim sem mig langaði að gefa gjafir?

Líklega ekki.

Gæti ég fengið mér góðan mat, betri mat en alla hina daga ársins, bara fyrir jól? Ég er ekki viss um það.

Þyrfti ég að fara til hjálparstofnana og leita eftir aðstoð um hátíðina? Ja, það væri ekki ólíklegt. Mundi ég hins vegar gera það? Gæti ég hugsað mér niðurlæginguna í því að standa í biðröð fyrir utan og bíða eftir því að mér yrði hleypt inn og kannski þyrfti ég að svara óþægilegum spurningum ef verið væri að ganga úr skugga um að ég ætti nú örugglega rétt á aðstoð?

Mundi ég kannski frekar halda mig heima og reyna að gleyma því að það eru jól og allir EIGA að vera svo glaðir?

Getur verið að örvænting þeirra sem hafa enn minna en mitt dæmi sýnir, sé svo yfirþyrmandi að þeir sjái enga leið út og gefist upp og takið lífið í sínar hendur og ljúki því? Ég held að það sé þannig hjá mörgum. Við tölum bara ekki um það. Við viljum ekki sjá það sem er óþægilegt og getur komið við samvisku okkar sem þjóðfélags. Sumir drekka meira um jól en aðra daga. Hvað þeir eru að drekka er svo annað mál. Sumir brugga heima og aðrir drekka dropa. Sigga svarta var hún kölluð fallega konan sem tapaði fyrir bakkusi vegna aðstæðna sem hún réð ekkert við. Það var fyrir mörgum áratugum. Hefur ástandið batnað á landi hinna ríku? Nei, það hefur ekki batnað, hins vegar hafa margir eldri borgarar og öryrkjar flúið á vit annarra landa þar sem ódýrara er að lifa og kannski hægt að horfa til morgundagsins án þess að maginn gargi af hungri.

Jólin eru tími saknaðar hjá mörgum útlögum en við því er ekkert að gera. Þeir gera eins vel og þeir geta til þess að komast af og sumum tekst það en öðrum ekki.

Gleymum því ekki að mjög margir lifa til efri ára og verða kannski gamlir. Margir þeir sem nú maka eigin krók gætu orðið fyrir óhappi eða slysi eða átt nákominn ættingja sem þeir þyrftu að taka að sér. Það er enginn óhultur en margir virðast halda að þeirra líf sé eilíft og gefa lítið fyrir náungann sem passar ekki inn í formið sem kakan er bökuð í.

Alþingismenn!

konur eru líka menn og því ávarpa ég þingheim svona:

Þið hafið valdið. Þið getið gert landið búanlegt fyrir ALLA ef þið einfaldlega viljið. Ef þið gerið ekkert í málinu annað en að blaðra endalaust um allt og ekki neitt þá eigið þið ekki skilið að sitja í þessu gamla virðulega húsi. Árangur ykkar er ekki launatengdur. Árangur ykkar speglast í því hve margir hinna fátæku lifa af þessi jól og hve margir gefast upp og hverfa til betra lífs á öðrum hnöttum hvar svo sem þeir hnettir eru. Einn góðann veðurdag kemur að uppgjörinu og guð hjálpi þeim sem nú stjórna í boði græðgi og mannfyrirlitningar.

Það er sárara en tárum taki að horfa upp á poppúlista ætla að flækja flókið kerfi enn meira og halda að það sé hægt að slá sér upp á loforðum og upphrópunum sem standast ekki skoðun. Þeir sem eru að argast í verkalíðsforystunni fyrir að vera á móti flækjunni sem nú er gargað um ættu að skammast sín og horfa á hvað þeir eru að gera og skoða málið frá öllum hliðum.

Hulda Björnsdóttir

Afritað af vef Alþingis, opinberar tölur og allir geta séð hvernig þetta er.

Frúin er ráðherra og þar af leiðandi koma aukasposlurnar ekki fram hér, Þær eru greiddar af ráðuneytum og ekki smuga að komast að því hverjar þær eru, hvernig sem hamast er fæst ekkert upp um þær tölur en ef einhver veit þá er bara að koma með þær, er það ekki?

Ég hvet fólk til þess að fara inn á vef Alþingis og skoða ráðherrann. Hún hefur verið svo lengi á þingi að erfitt er að kópíera hingað en tölur fyrir árin fyrir bjarnafaðmlag eru líka áhugaverðar!

Katrín Jakobsdóttir

• Kjördæmi:Reykjavíkurkjördæmi norður
• Þingflokkur:Vinstrihreyfingin – grænt framboð
• Embætti:Forsætisráðherra
• Búseta:107 REYKJAVÍK

Fastar greiðslur

Yfirlit 2007–2019

Fjárhæðir breytilegra kostnaðargreiðslna (m.a. ferðakostnaður innan lands) miðast við hvenær reikningar eru bókaðir á skrifstofu Alþingis.

Ráðherrahluti launa, ferðakostnaður og símakostnaður ráðherra er greiddur af viðkomandi ráðuneyti og kemur ekki fram hér að neðan.

Hægt er að smella á upphæð hvers liðar til að sjá sundurliðun eftir mánuðum frá og með árinu 2018.

Þátttaka í alþjóðastarfi 2009–2019

Skráning alþjóðastarfs hófst 2009

Svona er hægt að renna sér í gegnum kjör og sögu ALLRA ÞINGMANNA ef fólk nennir.

Ég er ekkert endilega að segja að það sé nauðsynlegt en það gleður hjartað að sjá hvernig þeir sem setja lög um fátækt á Íslandi hafa það sjálfir.

Hulda Björnsdóttir

Afritað af vef Alþingis, opinberar tölur sem allir geta skoðað!

Inga Sæland

• Kjördæmi:Reykjavíkurkjördæmi suður
• Þingflokkur:Flokkur fólksins
• Embætti:Varaformaður þingflokks
• Nefndaformennska:
  Fjárlaga­nefnd– 2. varaformaður
• Alþjóðanefndir:Íslandsdeild Vest­nor­ræna ráðsins
• Búseta:113 REYKJAVÍK

Fastar greiðslur

Yfirlit 2017–2019

Fjárhæðir breytilegra kostnaðargreiðslna (m.a. ferðakostnaður innan lands) miðast við hvenær reikningar eru bókaðir á skrifstofu Alþingis.

Ráðherrahluti launa, ferðakostnaður og símakostnaður ráðherra er greiddur af viðkomandi ráðuneyti og kemur ekki fram hér að neðan.

Hægt er að smella á upphæð hvers liðar til að sjá sundurliðun eftir mánuðum frá og með árinu 2018.

Þátttaka í alþjóðastarfi 2017–2019

Nýjasta nýtt hjá frúnni er að nú skuli allir borga skatt af greiðslum í Lífeyrissjóð af því að sjóðirnir séu svo ríkir!

Hulda Björnsdóttir

Opinberar tölur sem ég afritaði af vef Alþingis!

Karl Gauti Hjaltason

• Kjördæmi:Suðurkjördæmi
• Þingflokkur:Miðflokkurinn
• Búseta:201 KÓPAVOGUR

Fastar greiðslur

Yfirlit 2017–2019

Fjárhæðir breytilegra kostnaðargreiðslna (m.a. ferðakostnaður innan lands) miðast við hvenær reikningar eru bókaðir á skrifstofu Alþingis.

Ráðherrahluti launa, ferðakostnaður og símakostnaður ráðherra er greiddur af viðkomandi ráðuneyti og kemur ekki fram hér að neðan.

Hægt er að smella á upphæð hvers liðar til að sjá sundurliðun eftir mánuðum frá og með árinu 2018.

Laun og starfskjör þingmanna

Álagsgreiðslur

Í lögum um þingfararkaup, nr. 88/1995, er kveðið á um að þingmenn sem gegna tilteknum embættum skuli fá fastar viðbótargreiðslur (álagsgreiðslur) sem reiknast sem prósenta af föstum launum. Þetta gildir um þá þingmenn sem gegna störfum varaforseta, formanna þingflokka og nefndarformanna, en þeir fá greitt 15% álag á föst laun. Jafnframt fær 1. varaformaður nefndar 10% álag á föst laun og 2. varaformaður fær 5% álag. Þá fær formaður flokks sem ekki er ráðherra greitt 50% álag á laun. Enginn, að undanskildum varaforsetum Alþingis, getur fengið nema eina álagsgreiðslu.

Laun og starfskjör þingmanna

Fastar ferðakostnaðargreiðslur í kjördæmi

Fastur ferðakostnaður í kjördæmi er ætlaður til að standa undir ferðakostnaði í næsta nágrenni heimilis eða starfsstöðvar auk dvalarkostnaðar á ferðalögum í kjördæminu. Með starfsstöð er átt við hvers konar aðstöðu sem þingmaður hefur í kjördæmi sínu, aðra en heimili.

Þingfararkostnaður

Frá 1. febrúar 2017

Lífeyrisréttindi

Frá 25. apríl 2009 fer um lífeyrisrétt alþingismanna eftir lögum nr. 1/1997, um Lífeyrissjóð starfsmanna ríkisins. Þeir alþingismenn, sem öðluðust eftirlaunarétt skv. lögum nr. 141/2003 fyrir þann tíma, halda þegar áunnum réttindum

Starfskjör þingmanna

Upplýsingar um starfskjör

Allar upplýsingar um starfskjör alþingis­manna eru veittar á fjármála­skrifstofu.

Starfsfólk fjármála­skrifstofu hefur aðsetur í Kirkjustræti 8b (Blöndahlshúsi).

Þingfararkaup og þingfarar­kostnaður alþingismanna

Kveðið er á um laun og önnur kjör alþingis­manna í lögum um þingfararkaup alþingis­manna og þingfarar­kostnað, nr. 88/1995, með síðari breytingum. Samkvæmt 15. grein laganna skal þingfararkaup taka breytingum 1. júlí ár hvert. Hagstofa Íslands reiknar og birtir fyrir 1. júní hlutfallslega breytingu á meðaltali reglulegra launa starfsmanna ríkisins fyrir næstliðið almanaksár. Við launaafgreiðslu fyrir júlí uppfærir Fjársýsla ríkisins krónutölufjárhæð til samræmis við tölur Hagstofunnar.

Forsætisnefnd Alþingis ákveður aðrar greiðslur samkvæmt lögum þessum og setur nánari reglur um þær.

Ferðakostnaður innan lands

Auk fastrar greiðslu fyrir ferðakostnað í kjördæmi eiga þingmenn rétt á að fá endurgreiddan ferðakostnað milli heimilis og Alþingis á eigin bifreið, bílaleigubíl, eða með almenningsfarartækjum. Sérstakt ákvæði er um þingmenn sem búa utan Reykjavíkur og aka daglega til og frá vinnustað. Samanber reglur um þingfararkostnað og vinnureglur um ferðakostnað innanlands.

Húsnæðis- og dvalarkostnaður

Þingmaður fyrir kjördæmi utan Reykjavíkur­kjördæma suður og norður og Suðvestur­kjördæmis fær fasta upphæð mánaðarlega til að standa undir húsnæðis- og dvalarkostnaði í Reykjavík. Búi hann í Reykjavík eða nágrenni er fjárhæðin ætluð til að standa undir sams konar kostnaði í kjördæmi. Þá getur þingmaður, sem þarf að halda tvö heimili, sótt um 40% álag. Reglur um álagið er að finna í reglum um þingfarar­kostnað, sbr. 3. mgr. 2. gr. Sérreglur eru um greiðslur til þingmanna er búa utan Reykjavíkur­kjördæma- suður og norður og Suðvestur­kjördæmis og aka daglega milli Alþingis og heimilis, sbr. 3. mgr. 4. gr. reglna um þingfarar­kostnað.

Símkostnaður

Samkvæmt 9. gr. laga um þingfararkaup á alþingismaður rétt á að fá endur­greiddan símakostnað sem tengist þingstörfum hans.

Þingmaður getur fengið endurgreiddan kostnað við kaup á GSM-síma, allt að 80 þús. kr.

Ferðakostnaður erlendis

Almenna reglan er að ferðakostnaður er greiddur í samræmi við reglur um greiðslu ferðakostnaðar á vegum ríkisins sem ferða­kostnaðar­nefnd gefur út og birtar eru opinberlega. Alþingismenn eiga þó rétt á að fá greiddan gistikostnað (hótelherbergi) og 50% fullra dagpeninga til viðbótar. Þá er tekin staðgreiðsla skatta af hluta greiðslunnar samkvæmt ákvörðun ríkisskattstjóra.

Þingmaður skal greiða ferðir til og frá flugvöllum heima og erlendis af dagpeningum. Starfsfólk fjármálaskrifstofu gerir ferðareikning í lok ferðar.

Starfskostnaður

Samkvæmt 9. gr. laga um þingfararkaup eiga alþingismenn rétt á að fá endurgreiddan kostnað sem hlýst af starfi þeirra. Hámark slíkrar greiðslu er nú 480.000 kr. á ári.

Í 8. gr. reglna um þingfararkostnað eru nánari upplýsingar um starfskostnað og hvað fellur þar undir.

Fundir, ráðstefnur, námskeið o.fl. á eigin vegum

Þingmaður getur sótt fundi, ráðstefnur, námskeið o.fl. án þess að slíkt sé beinlínis á vegum Alþingis. Starfskostnaði er m.a. ætlað að standa undir slíkum útgjöldum.

Tryggingar

Allir alþingismenn eru slysatryggðir allan sólarhringinn. Um skilmála trygginga þessara gilda reglur nr. 30/1990 og nr. 31/1990. Um bótafjárhæðir fer samkvæmt sömu reglum og gilda um embættismenn samkvæmt reglum kjararáðs um starfskjör. Nánari upplýsingar eru veittar á fjármálaskrifstofu.

Styrktarsjóður alþingismanna

Alþingismenn skulu eiga rétt á hliðstæðri endurgreiðslu útgjalda og styrkja sem embættismenn njóta samkvæmt ákvörðun kjararáðs um almenn starfskjör embættismanna að því er varðar greiðslur úr fjölskyldu- og styrktarsjóði. Gögnum ber að skila á fjármálaskrifstofu.

Nánari upplýsingar um styrki og upphæðir er að finna á vefsíðu BHM

Starfskjör varaþingmanna

Sjá 12. grein laga um þingfararkaup.

Hvernig er greitt?

Mánaða­rlegar greiðslur þingfararkaups og þingfararkostnaðar eru afgreiddar af fjármála­skrifstofu, Blöndahlshúsi. Þangað skal senda akstursyfirlit og alla reikninga varðandi útlagðan kostnað mánaðarlega. Skrifstofan tekur við greiðslubeiðnum og annast reikningagerð. Að jafnaði er ferðakostnaður innan lands, símakostnaður og annar tilfallandi kostnaður afgreiddur innan þriggja daga eftir að beiðni er lögð fram. Greiðsla er lögð á bankareikning þingmannsins.

Skattskylda

Að frátöldu þingfararkaupi og starfskostnaði eru allar greiðslur til þingmanna fyrir kostnaði sem hlýst af þingsetu undanskildar tekjuskatti. Ef útgjöld, sem tengjast starfskostnaði, eru studd reikningum koma þau til lækkunar á skattstofni.

Biðlaun

Alþingismaður, sem hefur setið á Alþingi eitt kjörtímabil eða lengur, á rétt á biðlaunum er hann hættir þingmennsku. Biðlaun eru jafnhá þingfararkaupi, sem frá 30. október 2016 eru 1.101.194 kr. á mánuði, og greiðast þau í þrjá mánuði en í sex mánuði eftir þingsetu í tvö kjörtímabil eða lengur. Taki þingmaður, sem fær biðlaun, við starfi meðan þeirra nýtur falla þau niður ef launin er starfinu fylgja eru jafnhá en ella skerðast biðlaunin sem laununum nemur.

Lífeyrisréttindi

Frá 25. apríl 2009 fer um lífeyrisrétt alþingismanna eftir lögum nr. 1/1997, um Lífeyrissjóð starfsmanna ríkisins. Þeir alþingismenn, sem öðluðust eftirlaunarétt skv. lögum nr. 141/2003 fyrir þann tíma, halda þegar áunnum réttindum.

Ferðapantanir og afgreiðsla dagpeninga

Fjármálaskrifstofa annast ferðapantanir  og umsóknir um ferðaheimildir og  dagpeninga. Ferða­áætlun er ákveðin hverju sinni í samráði við alþjóðaritara með hliðsjón af dagskrá og hagkvæmni. Vilji þingmaður gera breytingar á ferðaáætlun sinni hefur hann samband við skrifstofuna. Hafi breyting samkvæmt persónulegum óskum kostnaðarauka í för með sér er hann borinn af þingmanni.

Dagpeningar eru lagðir inn á bankareikning þingmanns.

Að ferð lokinni afhendir þingmaður viðeigandi gögn, farseðil og hótelreikninga, svo að hægt sé að ljúka uppgjöri. Fjármálaskrifstofa annast uppgjör.

Ekki amalegt það!

Hulda Björnsdóttir

8.nóvember 2019

Góðan daginn.

Sól og kuldi og snjór í fjöllum fyrir norðan hér í litla landinu mínu í dag.

Ég er að velta fyrir mér hvað Facebook er undursamlegt fyrirbæri. Ef mér líkar ekki það sem skrifað er um mig get ég gert eitt og annað.

Ef ég er til dæmis í grúppu og stjórnanda líkar ekki það sem ég hef deilt með grúppunni þá getur hann eða hún einfaldlega eytt skrifunum og ef vill getur stjórnandinn líka blokkað gemlinginn!

Að biðja mig um að eyða því sem ég skrifa er líklega eins vonlaust og að halda vatni frá manni í eyðimörkinni.

Mér dettur ekki í hug að leggjast svo lágt að standa ekki með því sem ég hef látið fara frá mér. Hafi ég farið með rangfærslur leiðrétti ég þær venjulega og stundum bið ég meira að segja afsökunar á ruglinu í mér.

Ég fæ stundum vinabeiðnir á Facebook frá sama fólkinu aftur og aftur þó ég hafni þeim ítrekað.

Mér finnst einkennilegt að skammast út í skrif mín og á sama tíma leitast eftir vináttu minni! Þetta er eiginlega bara fyndið, finnst mér.

Semsagt, fyrir þá sem ekki vita: ef þið viljið ekki sjá það sem ég er að skrifa er einfaldast að blokka mig og þá er það mál afgreitt.

Ég blokka oft einstakinga sem eru að bögga mig og tek það ekki nærri mér, það er að segja blokkeringuna. Þetta eru bara mannréttindi og ekkert annað.

Þeir sem skrifa eða tala opinberlega geta alltaf átt von á gagnrýni sem þeim líkar ekki. Ég fæ minn skammt alveg óskertann og held samt áfram. Það hefur aldrei hvarflað að mér að biðja einhvern að fella niður skrif sín af því að mér líka þau ekki.

Er þetta ekki eitthvað sjálhverft fyrirbæri?

Jæja,

Það er ljóst að margir af yngri kynslóðinni gera sér ekki grein fyrir hvernig TR og Lífeyrissjóðir áttu og eiga að vinna saman. Þetta er eiginlega bara skiljanlegt og það sem mér finnst gott dæmi um hvernig skoðunin verður svolítið snúin er þetta sem ég sá skrifað í commenti við eitthvað sem ég var að fást við í gær:

Fyrsta commentið var svona:

“en þetta átti að vera lífeyrir minn samkvæmt lögum en lífeyrissjóðir viðbót við fulla framfærslu Tr. “

Og sá sem svarar segir þetta:

“þetta er akurat öfugt. Lífeyrsgreiðslur tr eru til að dekka það sem uppá vantar hja lifeyrissjoð og fyrir þa sem eiga ekki lifeyrissjoð. Þessvegna er folk alltaf beðið um að ath alltaf fyrst rett hja lifeyrissjoði aður en tr byrjar að borga.”

Ég fór að velta fyrir mér hvernig þessi misskilningur varð til.

Ég held að ástæðan gæti verið sú að fólk er beðið um að athuga fyrst réttindi hjá lífeyrissjóðum, þegar það sækir um hjá TR.

Ástæða þess að við erum beðin um að finna út réttindi okkar hjá Lífeyrissjóðum er að sjálfsögðu til þess að TR geti fundið út hvað hún getur haft af okkur með skerðingum og látið okkur niðurgreiða það sem við eigum að fá frá TR.

Þetta eru grunnupplýsingar fyrir stofnunina en eins og ungi maðurinn sýnir í sínu commenti þá er auðvelt að halda að þetta sé öðruvísi.

Þessi athugasemd og fleiri gera það að verkum að við sem þekkjum kerfið þurfum að vera dugleg að kynna hvernig það virkar. Það er ekki nóg að segja frá því einu sinni. Það þarf að hjakka í sporinu endalaust þar til breyting verður.

Fyrsta stoð átti að vera TR

Fyrsta stoð átti ekki að vera Lífeyrisjsóðs sparnaður.

Sparnaður í Lífeyrissjóð var hugsaður sem viðbót við fyrstu stoðina.

Á löngu ferli og í stjórn misvitra stjórnmálamanna hefur þessu verið snúið á hvolf og nú er séð til þess að þeir sem hafa sparað í lífeyrissjóði alla sína starfsæfi standa lítið betur að vígi en þeir sem einhverra hluta vegna hafa aldrei sparað neitt.

Í hverjum einasta mánuði stelur ríkið tugum þúsunda af sparnaði mínum og lætur mig niðurgreiða það sem kemur frá TR til mín.

Ég ætti að fá frá TR krónur 248.105 en fæ 188.605.

Mismunurinn er krónur 59.500 sem ríkið lætur mig niðurgreiða eftirlaun frá TR, Í HVERJUM EINASTA MÁNUÐI, og þessi tala er fyrir skatt svo ljóst er að ekki er mikið eftir en tekjur mínar eftir skatt eru samtals: 274.448

Hjá þeim sem ekki hefur greitt í Lífeyrissjóð eru tekjur eftir skatt krónur 212.902

Og  það sem eftir stendur af greiðslu til mín frá Lífeyrissjóði sem upphaflega voru rétt rúmlega 157.000 eru krónur 61.546 eftir skatt.

Þá er líklega komið að því að fagna því að Grái herinn, Wilhelm og Finnur ásamt Ingibjörgu skuli vera að sigla af stað með lögsókn gegn ríkinu til þess að aflétta þessu hrikalega óréttlæti, og fagna ég því svo sannarlega.

Vonandi tekst þeim að vinna málið.

Hulda Björnsdóttir

7.nóvember 2019

Pistil no.2

Gott kvöld

Þá er nú bleik burgðið þegar ég er sest aftur niður við tölvuna mína í ískulda í litla landinu mínu þar sem rignir endalaust eins og lög gera ráð fyrir í nóvember og ekkert nema gott um allt vatnið að segja sem englarnir dæla niður til okkar í Portúgal. Við þurfum svo sannarlega á því að halda, þ.e. vatninu.

Jæja,

Það sem gerðist er að ég hlustaði á Ingu og Ásmund þjarka á Alþingi.

Inga skammaði ráðherrann fyrir að fólk sem fékk leiðréttingu afturvirkt þurfti að borga til baka megnið af leiðréttingunni með því að húsnæðisbætur voru skertar!

Inga skammaði ráðherra fyrir að hafa ekki skoðað málið til enda.

Ráherra skammaði Ingu fyrir að skilja ekki að fleiri en ein lög komu við sögu!

Nú bregður svo einkennilega við að ég er dálítið sammála báðum.

Það sem þau hins vegar fatta ekki er að svona eru vinnubrögðin hjá þeim báðum.

Þau rjúka til og setja ný lög og reglugerðir án þess að skoða málið til enda og athuga hvaða afleiðingar leiðréttingin hefur á líf fólksins sem verið er að gleðja.

Ég efast stórlega um að Inga hafi alltaf skoðað endanlega útkomu þegar hún hefur hlaðið undir “poppúlismann” eins og kom vel fram í máli móður hennar gegn TR fyrir mánuðina jan og feb 2017 og dráttarvextina sem móðirin fékk en við hin fengum vexti sem skertu tekjur okkar og auk þess þurftum við að borga skatt af vöxtunum en móðirin ekki af dráttarvöxtunum.

Inga hefur svarað spurningum um af hverju þetta sé svona (Það er að móðirin hafi fengið dráttarvexti en við hin vexti) með því að upplýsa okkur hinn auðtrúa almúga um að réttarkerfið sé bara svona og málið hafi verið rekið til hins ítrasta fyrir móðurina en ekki fyrir okkur hin.

Guðmundur Ingi er á sama máli og Inga og upplýsti mig um að þetta væri jú allt fjórflokknum að kenna og ef ég og hinir vildum fá leiðréttingu okkar mála þyrftum við að kæra til nefndar sem tekur marga mánuði í að dunda sér við yfirferð á ómerkilegum athugasemdum og kvörtunum og kemur svo með svar þegar kærufrestur er liðinn og ef svo vildi til að málið ynnist þá er fresturinn fyrir aðra útrunninn. Pottþétt að ekki kemur skriða fólks sem vill fá réttlæti! Ég kærði málið til nefndarinnar, það er frekar flókið ferli, og nú bíð ég eftir niðurstöðu sem fæst líklega snemma á næsta ári!

Ásmundur sagði í þjarkinu við Ingu, sem ég hlustaði á, að verið væri að endurskoða lögin um almannatryggingar!

Ásmundur, það tók 10 ár að endurskoða lögin og nokkrum dögum fyrir samþykkt þeirra um áramótin 2016-2017 tók Bjarni sig til og breytti skerðingarákvæðum!

Ég er eiginlega enn eina ferðina komin á þá skoðun að þingheimur, ráðherrar, ríkisstjórn, ráðuneytisstjórar og allir hinir sem véla með líf fólks og kjör á vegum hins opinbera þurfi virkilega að fá LANGT frí og best væri að senda allt liðið til Kína og finna afskekkt hérað þar fyrir hópinn.  Þar gæti hópurinn hugsað sitt mál og kannski hreinlega lært eitthvað af sárafátækum bændum Kínaveldis!

Ráða mætti svo einn hæfann fyrirtækjastjórnenda frá útlöndum til þess að stýra 350 þúsund manna fyrirtækinu og sá færi létt með það.

Ásmundur og Inga geta þráttað endalaust úr ræðupúlti hins æruskerta þings þjóðarinnar. Þau eru bæði jafn saklaus af því að skoða mál sem þau leggja fram til enda og finna út hvar og hvernig málið hefur áhrif og hvort það er þess virðið að leggja það fyrir þingheim sem er upptekinn í símaleikjum og er nokk sama um einhverja öryrkja og eftirlaunafólk,  það er að segja þetta venjulega eftirlaunafólk, því ekki þarf að hafa áhyggjur af elítunni og þeim sem eiga mest allan auð landsins. Það fólk hefur séð um sig.

Sorgin gæti kvatt dyra og sagt mér að svona pistill hafi nákvæmlega ekkert að segja. Landinn er með gullfiskamynni og kýs sama sukkið aftur og aftur og aftur og lætur ljúga sig fullann með gráti og ekki síður með hárauðum varalit á vörum sem brosa blítt eða þá kökugerðameistara sem skreytir kökur af stakri natni, og sér um að hans lið njóti kökunnar og kannski væru til molar sem dyttu á gólfið sem væri hægt að sópa upp fyrir hinn sauðsvarta.

Inga getur hætt að garga á Ásmund.

Ásmundur getur hætt að hvessa sig við Ingu.

Þau eru nefninlega siglandi á nákvæmlega sömu skútunni með sama stýrimanninn og sömu gildin þannig að það er ekkert nema tímasóun að vera að rífa sig úr brúna stólnum þar sem maðurinn situr fyrir aftan og lemur í bjöllu þegar honum er nóg boðið málæðið.

Ef einhver eldri borgari sér sig knúinn til þess að segja mér að hann eða makinn hafi fengið það sem þeim ber vegna málarekstursins fyrir jan og feb 2017 þá bið ég viðkomandi að spara sér ómakið. Það er ekki rétt að allir hafi fengið það sem þeim bar. Margir hæstaréttardómar eru til um að dráttarvextir séu skaðabætur en ekki vextir. Skaðabætur sem móðir Ingu fékk vegna jan og feb breyttust ekki í vexti hjá hinum. Allir áttu að fá dráttarvexti, skaðabætur, því allir voru hlunnfarnir í jan og feb 2017 og TR var dæmd til þess að leiðrétta skerðinguna. Þeir sem hafa fengið vexti vegna málsins hafa líka fengið skerðingu vegna tekna fyrir árið 2017. Þetta er ekkert flókið. Það er hægt að skoða þetta allt á “mínum síðum” hvers og eins hjá TR. Það er að segja þeir sem líta einhverntíman á þessar síður geta séð þetta. Auðvitað er stór hópur sem hefur ekki hugmynd um hvernig á nota fyrirbærið og á því græðir ríkið ekkert lítið.

Hvað ætli það séu margir sem vita hvers vegna nákvæmlega þeir eru látnir endurgreiða ofgreiddar tekjur frá TR?

Hvað ætli það séu margir sem ómaka sig á þvi að ganga eftir svörum frá TR?

Hvað ætli það séu margir sem gerðu athugasemdir við dráttarvexti versus vexti hjá TR vegna jan og feb 2017?

Hvað ætli það séu margir sem vita nákvæmlega hvernig tekjuáætlun er búin til hjá TR fyrir komandi ár?

Hvað ætli það séu margir sem breyta eða hafa einhverntíman breytt tekjuáætlun hjá TR?

Hvað ætli það séu margir sem vita hvað gerist ef þeir breyta tekjuáætlun hjá TR í júní?

Ég ætla ekkert að svara þessum spurningum. Ég hef breytt tekjuáætlun og veit hvað gerist. Ég veit líka hvernig tekjuáætlun er búin til hjá stofnuninni. Ég veit meira að segja að þeir sem frá greitt frá TR eru tékkaðir á hverju ári og keyrðir saman við þjóðskrá til þess að athuga hvort þeir séu komnir til himna. Ég veit líka af hverju við sem erum með heimilisfesti erlendis þurfum að senda lífsvottorð á hverju ári. Ég gæti talið upp allt mögulegt fleira sem ég veit um kerfið en ætla að láta þetta duga. Þið hélduð að kerfi TR væri skrímsli. Þið hafið ekki hugmynd um hversu voðalegt skrímsli það er og þið fattið líklega ekki að þingheimur er ekki í stakk búinn til þess að laga og einfalda viðbjóðinn. Það er ekki hægt að leika sér í síma leikjum og skoða ófreskjuna á sama tíma.

Líklega væri besta tillaga mín í kvöld að banna alla síma í þingsalnum!¨

Það væri ekki amalegt að þingheimur þyrfti að hlusta að allt bullið sem rennur í gegnum hátalarana!

Hulda Björnsdóttir