Ríkisstjórn Íslands HATAR venjulega eldri borgara!

20.11.2020

Ég er argandi ill.

Ég gæti skrifað marga pistla í dag um það sem mér er efst í huga en ætla að láta þetta duga allavega í bili.Ég hlustaði á BB í opnu streymi og varð æf.

Er búin að sitja á mér núna í heilan sólarhring en fréttir frá ríkisstjórn sem ég sá áðan fylltu mælinn.

Ríkisstjórnin ákvað á fundi sínum að öryrkjar fengju 50 þúsund króna jólauppbót, skatta og skerðingafrjálst.Ég gleðst fyrir hönd öryrkja og þeir eiga þetta svo sannarlega skilið.

Ríkisstjórnin ákvað líka að eftir áramót eigi að þokast í rétta átt með að fylgja 69. grein almannatryggingalaganna varðandi lögbundnar hækkanir.Öryrkjar eiga öfluga baráttusveit sem er nú að uppskera aðeins eins og hún sáði.Eldri borgarar fá ekkert auka og ekkert loforð um lögbundnar hækkanir ellilífeyrirs á næsta ári.

RÍKISSTJÓRNIN HATAR VENJULEGA ELDRI BORGARA. Ég hef reyndar vitað það lengi, um þennan haturshug til eldri borgara hjá BB og fleirum sem hafa mokað að eigin köku fyrir sig og sína ættingja þegar þeir verða eldri borgarar.

Það sem ærði mig er hvernig forysta eldri borgara steinheldur kj!Hvar er forysta eldri borgara?

Hvar var forysta eldri borgara þegar öryrkjar fengu síðast svona skatta og skerðingalausan glaðning?

Ég hef ekki séð stafkrók frá LEB eða FEB um þessi mál upp á síðkastið.Er allt liðið hjá stjórn LEB lagst í COVID eða kannski bara dvala?

Öryrkjar eru vel að leiðréttingu komnir og eiga hana skilið, allir sem einn. Ríkisstjórn íslands hefur fótumtroðið þá og borið upp á þá aumingjaskap og ómennsku.

Ég fyrirlít þessa ríkisstjórn heitt og innilega og fjármálaráðherra getur þrusað um milljarða sem greiddir eru í velferðarkerfið en hefur ekki hugmynd um raunverulegar aðstæður þeirra sem eru öryrkjar eða fátækir eldri borgarar.

Það eru að koma kosningar og ríkisstjórnin komin í ham ásamt öllum öðrum sem ætla sér inn á þing. Bjarni ætlar að hafa marga fundi eins og þann sem ég horfði á héðan frá Portúgal. Ég ætla að fylgjast með áfram. Ég verð að gera það til þess að vita hvað og hvernig hann ætlar að murka lífið úr mér og mínum hóp á næstu árum. Loforðin sem hann kemur með eru öll til þess að veiða atkvæði og hann hefur ekki minnsta áhuga á því að efna neitt af þeim þegar hann hefur fengið atkvæðið á silfurfati.

Ég horfi á innskot á CNN þar sem forsætisráðherra geyflar sig og segir frá hvað allt sé dásamlegt á Íslandi.

Ég garga innan í mér hvert einasta skipti sem ég sé hana.

Ég lýsi eftir forystu LEB og FEB ásamt Gráa hernum.

Hvar eruð þið núna rétt fyrir jólin?

Af hverju hafið þið ekki barist fyrir sömu kjarabótum fyrir eldri borgara og þeim sem öryrkjar eru nú loksins að ná, það er að ellilífeyrir fylgi launum sem hann á að fylgja samkvæmt 69 greininni?

ÉG LÝSI YFIR VONBRIGÐUM MÍNUM MEÐ FORYST ELDRI BORGARA.

Fyrir hverja eru þið að vinna?

Hulda Björnsdóttir

Author: ebemiede2

I do blog about different matters that interest me.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: