1.mars 2020
Góðan daginn
Þá er ég búin að fá launaseðilinn minn frá Tryggingastofnun fyrir árið 2019.
Mikið er ég innilega þakklát Ingu Sæland fyrir að hafa átt þátt í því að nú þarf ég á þessu ári (2020) að endurgreiða ofgreiðslu frá TR vegna vaxta sem mér voru greiddir fyrir mánuðina jan og feb 2017.
Frúin á allt mitt óskipt þakklæti og aðdáun fyrir hvernig hún hefur tuskað mig til fyrir vanþakklætið svo nú ætla ég bara að vera þakklát og góð.
Ég er svo hamingjusöm yfir því að móðirin fékk dráttarvexti og þarf þar af leiðandi ekki að greiða tekjuskatt af upphæðinni og hún þarf heldur ekki að greiða til baka í sumar vegna vaxtatekna fyrir mánuðina jan og feb 2017.
Ég svo glöð að ég skuli þurfi að greiða meira til ríkisins og svo þakklát fyrir baráttu frú Ingu Sæland.
Það er nú munur að hafa svona forka fyrir baráttusveitum bættra kjara og réttlætis fyrir mig og minn aldurshóp.
Já,
í dag er ekkert annað en þakklæti í huga mínum.
Ég hef svo sem ekkert að gera við að fá óskertann ellilífeyri frá TR. Ég ætti auðvitað að skammast mín fyrir að vera að tala um þetta.
Auðvitað er ekki við öðru en vanþækklæti að búast frá mér. Það veit frú formaður Flokks fólksins manna best, þar sem hún hefur svo fallega gert mér grein fyrir því að ég eigi að vera góð og þegja ef ég hef ekkert fallegt að segja um það sem hún hefur komið til leiðar.
Nei, ég ætla að vera undur þakklát í dag fyrir að fá minna greitt árið 2020 en sú sem var notuð í málssókn Flokks fólksins sem var jú auðvitað kostuð af ríkinu og engum öðrum og ekki krónu frá flokknum spanederað í málið. Ekki ómerkari maður en lögmaðurinn Jón Steinar upplýsti hvers vegna þurfti málssækjanda sem var með mjög lág laun. Það var til þess að flokkurinn þyrfti ekki að standa við stóru orðin og nota peningana sem þau fengu og höfðu ekkert við að gera eftir því sem formaðurinn sagði mér á þeim tíma og gætu því notað í málssóknina.
Já, þakklæti mitt er yfirgengilegt í dag.
Hulda Björnsdóttir
My thoughts shared with you 
Sæl Hulda.
Ég fylgdist ekki nógu vel með henni Ingu Sæland. Um hvað snerist hennar málsókn ?
Ég fæ lífeyrir og vinn líka. Það er skerðing króna á móti krónu hjá mér.
Er það sem Inga var að berjast fyrir af fá breytt.
Bestu kveðjur
Guðbjörg Elín
LikeLike
Þetta var mál varðandi mistök í prentun nýrra laga um Almannatryggingar sem tóku gildi árið 2017 í janúar. Tryggingastofnun skerti tekjur frá Lífeyrissjóði þrátt fyrir að ekki væri heimilid til þess í lögum. Þessu var svo breytt, þ.e. lögin leiðrétt og virkuðu aftur fyrir sig. Dómur féll svo þar sem verklag TR var dæmt ólöglegt. Móðir Ingu var sækjandi í málinu og fékk dráttarvexti sem eru ekki tekjur og skerða ekki lífeyri frá TR. Allir aðrir fengu vexti og þeir eru tekjur og skerða greiðslur frá TR og skattskyldir líka. Þetta er í stórum dráttum það sem málið snýst um. Ég er í málarekstri út af þessu og málið er núna statt hjá ráðuneytinu sem kæra frá mér. Ég tel að allir hafi átt að fá greidda dráttarvexti. Málið var fordæmis gefandi og ég tel, ásamt fleirum, að jafnræðisregla stjórnarskrár hafi verið brotin með þessum vaxta mun. Allir hafa fengið leiðréttingu vegna jan og feb 2017, Málið snýst ekki um það. Málið snýst um vextina. Þetta er ofboðslega flókið og fólk skilur þetta líklega ekki alveg í botn.
Bestu kveðjur
Hulda
LikeLike