30.mars 2018
Ég er öfundsjúkt skítapakk. Skítapakk sem öfundar lítilmagnann, þingmanninn, og ég þetta öfundsjúka skítapakk ætlast til þess að þingmenn, litilmagnarnir sumir þeirra, gangi á undan með góðu fordæmi.
Ég sef ekki fyrir öfundssýki gæti maður haldið.
Þegar dagblað birtir fréttir eins og þá sem kom um húsnæðislúxus eins lítilmagnans á þingi trúi ég þeim fréttum þar til leiðrétting hefur borist.
Nú, í dag hefur komið leiðrétting sem hljóðar svo:
“Eftir að ég varð þingmaður varð það samkomlag milli mín og Brynju hússjóðs ÖBÍ að á meðan ég starfaði sem slíkur myndi ég greiða 100% hærri húsaleigu þegar ég hefði náð þeim hámarksviðmiðunartekjum sem þeir miða við. Birt úr hemabankanum minum : Leiga Brynja, Hússjóður Öryrkjabandal 01.04.2018 01.04.2018 235.418 kr. Já hann er misjafn skíturinn sem flæðir með allri sinni illgirni.”
Í gær kom þessi yfirlýsing frá sama þingmanni:
“Allt of sjaldan sem ég get komið hingað inn og átt með ykkur góða samveru hér á Fésbókinni. Þarf sannarlega á ykkur vinum mínum að halda til að styðja mig og styrkja í baráttunni. Aldrei hefði t.d hvarflað að mér að það að berjast fyrir þá sem standa í þeim sporum sem ég hef staðið í áratugum saman, skuli kalla fram aðra eins illgirni, öfund og rógburð sem raun ber vitni. En með ykkur ælta ég ekki að láta þagga niður í baráttunni okkar. Það á enginn að vera fátækur á Íslandi ! Útrýmum fátæktinni og gerum það saman.”
Nú spyr ég:
Hvers vegna kom ekki leiðrétting frá þingmanninum strax og fréttin birtist?
Hefði ekki verið hægt að koma leiðréttingu á framfæri og losna við skítkast frá skítapakki eins og mér, að ég tali nú ekki um öfundina sem streymir óhindruð yfir höfin frá mér, skítapakkinu?
Birting úr hemabankanum (heimabankanum hlýtur þetta að eiga að vera) er fyrir apríl. Hjá mér skítapakkinu er enn þá mars.
Hvenær var þetta samkomulag gert og hvenær breyttist húsaleigan? spyr ég, sem er auðvitað ekkert annað en skítapakk og í þokkabót öfundsjúk eins og líklega er algengt hjá skítapakki.
Ég velti fyrir mér hvort einhverjir þingmenn þrífist á fórnarlambs hugmyndinni?
Ætli það sé vænlegt til árangurs að sanka að sér ummælum um fólk sem er ekki á sama máli og vogar sér að gagnrýna og sé svo kallað skítapakk og öfundsjúkir aumingjar?
Ætli það sé algeng skoðun þingheims að þeir sem gagnrýna séu skítapakk og öfundsjúkt lið?
Ég bara spyr?
Auðvitða er ég hæst ánægð með að tilheyra skítapakks hópnum og þeim öfundssjúku. Annað væri nú bara félagsskítur og ekkert minna.
Ekki vil ég vera félagsskítur. Það get ég svarið.
Hulda Björnsdóttir
My thoughts shared with you 