Bíddu annars, Bjarni sagðir þú ekki að þingmenn mundu EKKI fá launahækkunina?

 

  1. maí 2020

Það er ótrúlegt að sjá fjármálaráðherra láta út úr sér að draga þurfi úr félagslegri þjónustu á sama tíma og fyrirtæki eru að greiða tugi eða hundruði  milljóna arð til eigenda.

Hvernig getur þetta gerst?

Hvað er það sem slævir svo velsæmiskennd fólks í stjórnarstöðum?

Hvað er það sem stýrir því að pólitíkin er á annari plánetu að því er virðist?

Hvaða máli skiptir hvort Björn Levý er í jakkanum eða ekki?

Miðflokkurinn sem niðurlægir konur á almannafæri berst fyrir því að allir séu í jakka í sölum alþingis!

Hvað getur hræsnin gengið langt?

Frú Vestfirðir birtir af sér nýja prófíl mynd í góðærinu, brosandi og fín! Einhver ómerkilegasti þingmaður allra tíma en hvaða máli skiptir það? Myndin er flott, ég neita því ekki, en hins vegar fæ ég ónotahroll þegar ég minnist umræðu um fátækt þar sem frúin setti upp helgisvip og talaði fagurlega um að nú þyrfti að laga þetta og fátækt ætti ekki að líðast.

Fólk fellur í þunglyndi og svartsýni núna þegar ætti að vera farið að birta til.

Hvernig líður öryrkjunum mínum núna? Spá þingmenn eitthvað í það, og þá meina ég þeir sem hafa völd til þess að breyta?

Að vera í stjórnarandstöðu og geta ekki haft nein áhrif á hvað verið er að sukka núna hlýtur að vera hrikalegt. Ég er einfaldlega svo bjartsýn að ég held að margir þeirra sem eru í stjórnarandstöðu vilji koma í veg fyrir sukkið og svínaríið.

Ég hef hins vegar áhyggjur, og það miklar, af fólki sem eru öryrkjar, eldri borgarar á lúsaeftirlaunum og fátækum á Íslandi.

Ég hef áhyggjur af því til hvaða ráða þetta blessaða fólk grípur í örvæntingunni.

Það ætti ekki einn einasti maður að fá milljónatugi fyrir það eitt að hætta starfi. Hvað er eiginlega að íslensku þjóðfélagi? spyr ég enn einu sinni.

Bjarni segir okkur veruleikafyrrt sem viljum að fólk hafi mat á diskinum alla daga mánaðarins

Já, einmitt, veruleikafyrringin er auðvitað hjá þeim sem maka krókinn og greiða úr sameiginlegum sjóðum landans til vina og vandamanna.  Það er veruleikafyrring og spilling eins og hún gerist best í vanþróuðum löndum.

Ég á þó nokkuð af vinum sem eru að kikna undan andlegu álagi og sjá ekki fram á neitt annað en dauðann!

Árið 2020, getur það verið?

Já auðvitað, það er sko veira og allur heimurinn á hvolfi og allir þurfa að taka þátt, allir nema BB og ættingjar og vinir!

Ég er æf enn eina ferðina og ég er líka gjörsamlega vanmáttug.

Að hugsa sér að fara þurfi í mál við ríkið til þess að jafnræðisregla sé virt, eins og Öryrkjabandalagið er að gera núna, er þjóðarskömm, en samt er þetta staðreynd.

Katrín og Bjarni, hvar er réttlætið sem þið talið svo fjálglega um? Týndist það á miðri leið eða viltist í vasa hinna ríku? Nei, það getur ekki verið, eða er það?

Bíddu annars, Bjarni sagðir þú ekki að þingmenn mundu EKKI fá launahækkunina?

Ha?

Misskildi ég Facebook færsluna frá þér herra fjármálaráðherra?

Hulda Björnsdóttir

 

Author: hulda9

I do blog about different matters that interest me. By reading my blogs you might get to know me a little bit but fake accounts and followers will be deleted immediately. There is a lot of fake accounts these days and people don´t hesitated to tell you all kinds of lies. Please be careful when you accept a friend request or if you get a call from Whatsap.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: