Sest á skólabekk hjá TR !!!! Námsefni: Kjör öryrkja á Íslandi !

Góðan daginn

þá er ég sest á skólabekk

skólinn eru síður TR

ég veit ekki hvort mér tekst að ná lokaprófinu í kjörum öryrkja og útreikningi þeirra hjá stofnuninni!

Svei mér þá, ég hélt að ég væri sæmilega gefin og hef lært nokkur tungumál án þess að blikna en tungumál TR er ótrúlegt!

Hér kemur ein tilvitnun í útreikning örorkubóta til þeirra sem hafa flúið land:

“Það sem telst félagsleg aðstoð og greiðist ekki úr landi er eftirfarandi:

Barnalífeyrir vegna náms

Dánarbætur

Endurhæfingarlífeyrir (og tengdar bætur)

Heimilisuppbót

Maka- og umönnunarbætur

Mæðra- og feðralaun

Sérstök uppbót til framfærslu

Umönnunargreiðslur

Uppbætur á lífeyri”

Þegar ég skoða hvern flokk fyrir sig fer allt í klessu í heilabúinu mínu!

Hér eru 2 dæmi um eitthvað sem ég þarf að skoða 50 sinnum áður en glufa fæðist í skilningarvitum mínum.

“*1Framfærsluviðmið (Sérstök uppbót til framfærslu): Ef allar tekjur, að meðtöldum skattskyldum tekjum frá Tryggingastofnun, eru undir framfærsluviðmiði er það sem upp á vantar greitt sem sérstök uppbót til framfærslu. Uppbót á lífeyri*2 hefur ekki áhrif á sérstaka uppbót til framfærslu

*2Uppbót á lífeyri getur verið 5 til 140% af lífeyri. Allar tekjur, að meðtöldum skattskyldum tekjum frá Tryggingastofnun öðrum en aldurstengdri örorkuuppbót, hafa áhrif á útreikning

Uppbætur falla niður ef eignir í peningum og/eða verðbréfum fara yfir 4 milljónir hjá einstaklingi en 8 milljónir hjá hjónum.”

Jahérna!

Ekki að furða að þingmenn skilji ekki lögin sem þeir eru að samþykkja, kannski ætti að hækka kaupið þeirra eða gera það árangurstengt !

Hulda Björnsdóttir